غيرت بطارية كامري 2005 وحدثت مشكلة

شكلك خرقت الكمبيوتر بسبب عكس اصابع البطاريه بين السالب والموجب

المشكله انك عارف انك غلطان في طريقة التركيب وتزيد تعكسها مره ثانيه وتزيد الطين بله

على العموم انشالله بسيطه دامها كامري لاتخاف عليها
المشكله لو السياره ارميكيه ولا المانيه الله يعينك على مشاكل الكهرب

شيك على الفيوز اللي تحت الدركسون 

شيك على الفيوز الرئيسي بالكبوت في فيوز مسؤول عن السلف وتوصيل الكهرباء له ولانوار الطبلون تلقاه انحرق قيمته10ريال غيره وباذن الله يرجع زي اول 
وكمان بنفسك تقدر تشوفه بعينك يبين معاك لو محروق حتلقاه مقطوع غير كل الي محروق وشيك عالصغار برضه وشوف وضعهم وباذن الله تجي سليمه وبسيطه
وشيك تحت الرجول الله يكرمك حتلقى كم واحد يمكن انحرق من الحركه الي سويتها غيرهم وباذن الله ماتصير مشاكل

ايش يعني الكمبيوتر احترق ، مصيبة طيب ايش الحلول الممكنة هل تحتاج برمجة في الوكالة 
وكم بيكلف تصليحها ، وشيكت على الفيوز عند الدركسون ما فيها شي واضح 
الله المستعان ، انا سبق وعيرت بطاريتها اول اكثر من 3 مرات ولا صار معي شي زي كذا 

اخوي الكامري موديلها حديث يعني الاصبع الموجب واضع بجلده بلاستيك حمراء من فوقه وحجمه اكبر والسالب يجي اسود وواضح مكانه بيسار دايما والموجب اليمين بكل السيارات
المهم ركب الاصبع حسب مكانه الصحيح الي هو اعتقد لمن علق الانوار وانذار السرقه اشتغل اعتقد انه الصح
وشيك بنفسك على علبه الفيوز في فيوز مقاسه كبير هو مسؤول عن دوران السلف ودوران المكينه غيره وباذن الله بتطيب سيارتك
مقاس الفيوز اتوقع40ولا جيب كهربائي ثقه محترف وتضمنه عشان لايخلص فلوسك يغيرلك المحروق كله من الكبوت ومن تحت الرجل الفيوز الدداخلي الله يكرمك وباذن الله ترجع مثل اول لاتشيل هم

اخي احمد المشكلة ما عرفت رمز الفيوز اللي تتكلم عنه 
اللي اعرفه ان رمز فاز البطارية dcc وهو سليم 

روح لمحلات في الصناعيه قولهم ابي تيستر فيوز tester اللي تمر على الفيوز تولع لمبه شكله يشبه المفك اذا لمست حديدة الفيوز تولع اللمبه بالتيستر نفسه واذا محروق الفيوز ما يولع وقتها فك الفيوز وناظره زين إذا لقيته محروق غيره بنفس الرقم 

انا مره رحت لكهربائي يدور لي الفيوز المحروق حصله ودفعت له 50 ريال من يومها رحت شريت التيستر فيوز وصرت افحص الفيوزات بنفسي واغيرها لأن مدري 50 ريال على ايش 

مشكورين يا شباب على وقفتكم 
لا خلا ولا عدم .. المهم الحين وجدت فيوز لونه ازرق كبير يختلف عن الصغيرة 
بعد بحث في قوقل وبمساعدة احد اخوياي انه مسئول عن تشغيل المكينة 
كسرت الجزء العلوي ودققت وجدنه قاطع واضغط بقوة عليه يدق سلف بس السيارة ما تشتغل 
ومزعجني صوت انذار السرقة والريموت فاضي حاولت افصله ما نفع جالس ادور له بطاريات صغيرة كو لاقي 
بس قربت تنحل المشكلة والموضوع فيوز . الحمد لله على كذا ولا خلل كبير 

اعتقد تحتاج برمجة ، من اصبح افلح ، الله بسهلها سبحانه 

شوف الكاتلوج بتلقى فيه كل شي اسماء الفيوزات وارقامها ووش وضيفتها

الحمد لله اتصلحت بشكل مؤقت ، والسبب هو الفيوز 100 امبير كان قاطع 
ويجي لونة ازرق فاتح ، وهو مسئول عن تشغيل المكينة ، بعد ما ضبطه الكهربائي 
رحت الوكالة وللاسف غير متوفر ولازم طلبيه لمدة 48 ساعه 
عاد ننتظر مع اني لتحظت مسجل السياراة لا يعمل لكن مو مشكلة 
والفيوز هذا يتركب بفك جزء من علبه الفيوز جهة النور الايسر 
وتحصل انه مثبت بصامولتين مقاس 10  ، تساهيل ان شاء الله 
واشكر كل من شاركني حل هالمشكلة البسيطة والله يبلغكم شهر رمضان المبارك 
لا فاقدين ولا مفقودين اللهم اعنا على قيامه وصيامة يارب