مشورتكم يا اخوان كامري 2010 او اوريون 2008 افيدووووني

والله الاوريون افضل شكلا من الخارج ومكينة اقوى 

لكن ابعد عن الموتر المصدوم خصوصا السمكره يعني لو رش خارجي ما يضر لكن لازم يخفض من سعرها 

اذا الاوريون سعرها ممتاز وفحصتها وطلعت نظيفه والصدمه ما وصلت الجسر ولا الشاص الامامي توكل على الله واشتر 

بس سعرها لا يكون غالي حدها 45 بالكثير اذا هي نظيفه يعني شغل وامش على ما يقولون لكن لو يبي لها اصلاحات وخربطه واشياء استهلاكيه خله يطرح لك 

مشكووور ياغالي
والموتر فحصته كمبيوتر مكينه وقير سليمه
ماعدا يحتاج وزن اذرعه اماميه

ون شاء الله بستخير وربك يكتب الخير

وبانتظار باقي الاخوان

العفو حبيبنا 

بس انتبه من القير ترا اغلب اللي يستخدمونها يشتكون منه وشيك على زيت القير اذا هو محروق لا تاخذها لانك لو غيرته بيجيب العيد في القير 

لو انت راعي حرق نمرر ودعس خذلك الكامري قير عادي لان الاوريون اقل شي توضيب القير التماتيك حول 9000

طلبت المشورة
وشوري خذ الكامري وان حصلت شي ماهو مرشوش افضلك

الاوريون طيبة وقوية ومواصفاتها حلوة لكن القير بيتعبك والقيور اللى بالسوق تعبانه كلها مستهلكة

الكامري قطعها متوفرة ودرجات 

بالتوفيق

انصحك بالكامري واذا انت حق مجاكرات ومقاومات خذ قير عايدي اما الاوريون طيبه بس قيرها بيعذبك اذا ضرب عليك
اتمنى اني افدتك صل الاستخاره وشف ايش ترتاح له ...

نصيحه لاتستعجل بالشراء خذ وقتك حتى لو انت محتاج السيارة باسرع وقت بتوفيق

نصيحتي خذ الكامري وخصوصاً انه ما شاء الله عادي يعني يتحمل أكثر لكن الاوريون الشكل هذا معروف ان القير فيه تعبان ما ادري الجديد تفادو العيب هذا او ﻻ والله يكتب اللي فيه الخير

مشكوورين يا اخوان ماقصرتو
انا مو راعي دعس وحرق
يعني بالسنه مره  او مرتين نحرق وندعس ههههههه
بالنسبه للاوريون  قيره موضب بالوكاله  قبل سنه تقريبا لاني شفت فاتوره التوظيب

وريك يجيب اللي فيه خير

الكامري بتكرف معك بس قير عادي ماافضلها داخل المدينه متعبه ..
والاوريون يقولون فيها عيب مصنعي بالقير .. ومدري من صحة هالشئ

لاكن اشوفها افضل بكثير المكينه اكبر واقوى من الكامري وغير هذا قير اوتو ..

الله يكتب لك الخير .. استخر

نصيحه بعد عن القير العادي لانه بيتعبك جدا جدا قير عادي بالدفع الامامي ماينفع ابدا ابدا غثيث وممل ومتعب وبالبيع غير مرغوووب ابدا قير العادي ماتحصله الا سيارات الاجره حتى الاجره الان تطوروو وياخذون اوتوووماتك نصيحه تبي تطف بالقير العادي ولاكن بعد فتر وجيزه بتمل وبتبيع بخساره وتبحث عن سياره اخرى يعني اختصرها واشتر اللي يريحك تحياتي

خذ كامري بمكينة اوريون 

الكامري افضل وتصبر وحق كرف 

الاوريون انصحك بالابتعاد عنها فيها مشاكل كثييرة بالقيير 

خصوصا اثناء تغيير الزيت القيرر 

القير العادي في الكامري ينقص الزيت كس التوماتيك 100%

ممشى الاوريون كثير .. لاتاخذ فوق 200 الف لا كامري ولا اوريون


ولو تبي نفس الاوريون خذ لك كامري امريكي 6 سلندر بس مابتلاقي النظيف بيوم وليلة عشان كذا شوف لك غيرها



ولا تناظر للسيارة اللي موظبة ابدا + اللي جاتها صدمة من الامام


و مو كل الكوامري تنقص زيت بس الشعب عندنا يحبون يعممون بكل شيء و مو اي اوريون يضرب فيها القير

الاوريون اكيد انها افضل بحكم المكينة والشكل والمواصفات والممشى كلهم حول بعض وبعدين الممشى مايعيب الموتر اذا هو نظيف واشوف ان 200 الف على 2008 ممتازة جدا واضح ان راعيها مايطلع واجد


عموما ارشح لك الاوريون لكن اهم شي افحص قيررها كويس لأن اغلب حقين الاوريون تشليخ ومقاوم ولا يحافظون على غيار الزيت ويمكن تاخذها وتغير ويطق القير انتبه ... تقبل مروري ولا تنسى صلاة الاستخارة