الله المستعان

غش الناس اصبح فن

كل يوم طالعين بشيء جديد

السؤال هو ... كيف باعه .. هل علم المشتري بالكلام ذا ... ولا هو غش مثل ما انغش

شبك جراند شروكي.   لا علم راعيه بس ماوراه الشريط وخسر فيه ١٠ تلاف ليبري ذمته الرجال  وقال الموتر كان مع شباب من اهل ........,,, ولقيت في الموتر كيت وكيت وفحص الشاري الثاني ونفس الحكايه الموتر ماطلعبه شي 

مدري احس انها سالفه من نسيج الخيال
نادخلت عقلي بس لاتزعل

لك لايك شيخ المعارض احترم رايك 

ربي يكون بعونه والله يعوضه بخير منه..
صار الواحد همه الفلوس اكثر من الذمه الواحد يحلف بالله كذب عشان حديد قبل سنه اخذت سيارة كامري وحلف بالله ان الصدامات فقط مرشوشه وبالاخير طلع الباب مغير وجتها ضربه من الخلف وكثير أشياء والمشكله يحلف بالله و ب اخر عشر الاواخر
انا بعت سيارتي قلت له فيها كذا وكذا واذا طلع شي ثاني ابشر باللي تبيه وفعلا يوم بعتها حسيت نفسي مرتاح لان ماكذبت عليه بشي اذا سيارتي فيها شي اقول للي بيشتري ليه اخبي عليه والله ياناس هي فلوس ماراح تفيدك بشي ولكن تذكر دعوته عليك وفي شي اكتشفته اذا شفت اللي بيبع سيارته ويكثر في الحلف انحش عنه
والله يبعدنا عن الحرام..... شطحه محتار بين ايدج وامبالا فل كامل وبصراحه هالاايام تحتار بين هالسيارات
واسف ع الاطالة حبايبي ^_^
اللهم صلى وسلم وبارك على سيدنا محمد وعلى آله وصحبه أجمعين

فعلاً زي ما قال بعض الإخوان الونيت والجيوب لاتشتريها إلا من رجل تعرف كيف ممشاه على السيارة او اشتر وكالة ..

صحيح بعض اللي يشترون الونيتات والجيوب ناس هادئة وعاقلة ولكن بعضهم أغلب استعماله لها للبر والتحميل والسفريات وغيرها ...

إذا حدتني الظروف
مستحيل اشتري جيب ربع أو شاص أو هايلكس إلا من واحد أعرفه زين و أعرف استخدامه و يكون الموتر بأسمه وكالة بعد لأن هذه السيارات بالذات في الغالب تكون مع مبزرة و حقين مقاومات و مراقي

والله يالربع خله على ربك بس ، يعدمونه عدم بالنفوذ

اشوى ماخبط عليه 

مستحيل وخصوصن بالشمال والقصيم 

لاتاخذ جيوب ولا هلكسات الا جديد 

اكيد بايعينه على انه مخزن 

البيع والشرا في السيارات المستعمله متعب جدا جدا

لان السياره تراها امامك سليمه

لاكن ماتدري وش ماضيها

وهل سبق صدمت وعدلت بالشفط او لا

وكيف كان استخدام الرجل السابق هل كان محافظ

ويغير الزيوت باانتظام ام لا او كان يحط قطع اصلي ام لا

اغلب السيارات بالمعارض

يركب كل شيء بالموتر تجاري من اصطبات وقطع داخليه

ويدخل به المعارض حتى لو دخل به الفحص يظهر كل شيء سليم ويحاول يستعجل بالبيعه

قبل ماتخرب القطع التجاريه

والبعض وللاسف عند الشريطيه اغلبهم يوضب المكينه تجاري في تجاري

ويحاول يبيع الموتر بااسرع وقت والمكاتبه عليه

لكي يرتاح من السياره التي تكون عائق عليه برقبته يعني يبلش بالموتر

للسيارات المستعمله توقع اي شيء

والبعض محترف بقص السياره الشنطه وتلحيم شنطه اخرى من التشليح

للغش بالبيع المستعمل الكثير

ولاكن لاننكر يوجد سيارات سليمه

لاكن بنسبة السوق السيارات النظيفه 30 بالميه واغلبها تباع بين الاقارب

او تباع بسرعه بالسوق او راعيها طالب سعر الموتر المناسب والشريطي يحاول يبحث سياره يكسر قيمتها لكي

يبيبعها بفايده ويكسب من وراها 2000 ريال على الاقل

اللي عنده راس مال وماله بالسيارات يحاول يجمع فلووسه ويشتري موتر جديد من وكاله ويريح راسه

من وجع الراس ومن ماضي اغلب السيارات

ولد عمي شرى هايلوكس 2009 من القصيم ماشيه 88 الف ورده وقفتها وركزتها ... المهم طلع الرجال كان مركب عليها مكينة لكزس والعداد ماشي فووق 250 الف والسياره مدموره دمر عجيب بس كان مصلح فيها كل شي بس وولد عمي سأل صاحبها السياره فيها شي قال لا والموتر على يدي من الوكاله ومن ذا الكلام والرجال فحصها مابين شي معه ولد عمي استخدمها شهر شوي ولا الخربات تجيه من كل جهة في السياره بعدين نزلها السوق وباعها بخساره 8000 الاف ريال ... طيب ليش كذا ؟؟؟ الواحد ما يخاف من الله