أضف سؤال أو موضوع جديد          

مشكله كهربائيه في الكورلا

up 1 down 0
b1970 88
قبل 7 سنه و 5 شهر



السلام عليكم 
يآ إخوان عندي مشكله بالكورلا 2012 استاندر قير تماتيك 
المشكله عندي كانت بالولاعه لا ركبت الشاحن طفت ولا عاد تشتغل 
المشكله الحين طفى المسجل وطفى البوري وطفى المكيف 
وكل شوي يطفى شي حتى زر صفط المرايات طفى 
وغير كذا غيرت فيوز شويه وتحترق غيرت كل الفيوزات مافي فايده 
الي مرت عليه المشكله ياليت يفيدنا بحل كرهت الموتر اخر شي الحين 
طفت مراوح الرديتر ولا عاد اشتغلت طفيت السياره واخذت تكسي للبيت 
ياليت مشورتكم واقتراحاتكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بسيطه اكيد فيوز او كتآوت جعلهاآ اخر همومك 


up 1 down 0
maximum speed 578
قبل 7 سنه و 5 شهر



يمكن ماس في السياره شوف الاسلاك حقت الولاعه


up 2 down 0
mrf16k.s.a 9
قبل 7 سنه و 5 شهر



الله المستعان

ترى ياصاحبي الخرابات تجي ورى بعضها 

لا تهتم بإذن الله تزين أمورك

يبغالك كهربائي صاحي يشوف لك المشكله

 ربما عندك سلك مكشوف أو سلك ذاب نتيجه الإلتماس

والمصيبه الكبرى إذا غيرت الفيوزات أقوى من حقت الوكاله

رح تضاد الإلتماس وتحترق عليك الظفائر

لان وظيفة الفيوز إذا حصل إلتماس تنقطع بدون ما يتأثر شيء غيرها

يبغالك كهربائي يتتبع الأسلاك ويشوف كفائتها وبعدها إذا حصل واحد منها تالف يغيره

ويبدل الفيوز نفس قوة الفيوز السابق 

وبإذن الله تنتهي المشكله 



up 1 down 0
ألو مرحبا 1895
قبل 7 سنه و 5 شهر



85% فيووز اكشف على الفيوزات الي بالكبوووت السودا الي شكلها مربع 

اذا ماعندك اداة للفحص افصل اخر فيوز وجرب عليه

وشيك على الاسلاك حقت الولاعه والمسجل  اكيد بتحصل فيها  شي 


up 1 down 0
taarq 679
قبل 7 سنه و 5 شهر



أكيد الشغله فيوز يمكن انت مركب شيء لللسيارة زنون كشافات شاشه فك كل شيء ركبته و بعدين شيك عند كهربائي فاهم


up 1 down 0
khaled-8 18
قبل 7 سنه و 5 شهر



تأكد من مدخل الولاعه ممكن طايح به قطعه حديده حقت العصير او ما شابه
او انت مركب مكان الفيوز المحروق فيوز قوي وباقي فيه ماس

اذا عندك خبره في الكهرباء وفيك شده ع الفك والتركيب بأعطيك طريقة تنتشل الماس من جذوره


up 1 down 0
ابو راكان تبوك 956
قبل 7 سنه و 5 شهر



صارت معي اول 
وطلعت من الفيوز بعضها غير اصلي وبعضها اقوى من الموصى من الوكاله

اشتريت كرتون صغير فيوز اصلي من الوكاله
ورحت عند كهربائي وطابقها مثل اللي مكتوب على غطاء الفيوز وركبها 
وكمل فحصه وحصل سلك مكشوف يسبب التماس وضبطه 
واستخدمت الموتر مده طويله الين بعته

شوف لك كهربائي ممتاز وخبير 
والله يزينها معك 


up 0 down 0
عبدالله 711 791
قبل 7 سنه و 5 شهر



نسبة كبيرة من الشاحن لذع بالفيوز وكمل على الباقي او انك مركب ريموت ولا شي ترى قد صارت لي في كابرس 85 الوالد الله يهديه تعبث وركب ريموت وعفس الفيوز بكبرها صار بعض الاحيان اذا كبست يطفى المسجل ويشتغل عموما ان شاء الله دعواه بسيطة اهم شي شلها بسطحة وودها لكهربائي كويس وهو بيعلمك وش تغير ونسبة 85 % انها فيوز الا اذا لاقدر الله تسببت باضرار ثانية عموما الكهربائي بيوضح لك كل شي


up 0 down 0
a.ibrahem 3169
قبل 7 سنه و 5 شهر



الله يسلمككك كلكم فيكم خير والسياره جديده ما مشت شي 
ولا عليها اي نوع من التعديل ولا زنون ولا شي  الله ييسرها من عنده



up 0 down 0
b1970 88
قبل 7 سنه و 5 شهر



اذا السيارة على الضمان يصلحونها لك 

موفق


up 0 down 0
فكوك 1684
قبل 7 سنه و 5 شهر



نصيحة غير السيارة


up 0 down 0
اسلام الفاروق
قبل 7 سنه و 3 شهر



اعرف واحد باكستاني ماشاء الله عليه موتري بالعربي كان ملعوب في الظفيرة حقتها
الرجال ضبطها لي والموتر شغال معي ماشاء الله تبارك الله بالصناعية القديمة وأنت جاي من الدائري الشرقي مخرج 17 الاشارة تأخذ يسار لحد مايجيك العضيب على يمين أدخل يمين وخل العضيب يسارك اول ملف يسار شوف المحل بالزاوية على يسارك مكتوب عليه كهربائي سيارات بأسم صاحب المحل مشبب القحطاني
اسم الكهربائي عباس جوال 0561112605 تراه ممتاز بالكهرباء حقت السيارة من مواقع تجربة تقبلوا تحياتي


up 2 down 0
ابوشهد0 3
قبل 7 سنه و 2 شهر