.. طالب مشورتكم ياشباب .. ارجـو الـدخـول ..

لا كامري معي 2003 فاكها وكالة اصفار والحين ماشية 600 الف ولا توضبت مكينتها ومكيف ثلج ماء شاء الله انصحك فيها احسن من الاكسنت الكوري 

أعشق الموديلات اللي قلتها في الكامري أكثر من الجديد

أنا رأيي تأخذ كامري لو خذتها نظيفه بتمشيك أكثر من الإكسنت

لكن حاول قدر الإمكان تاخذ ممشى قلييل

أما من ناحية الكد فهي تكد

الكامري تخدم بس مشكلتها تنقيص الزيت خاصة على الخطوط الطويله بس شفلك وحده نظيفه وتوكل على الله ..

أكيد كامري 2006

لكن المشكلة انك صعب جدا جدا تحصل نظيف

لأنه صار مديل قديم

شوف من ناحيه الكرف كريفه الكامري وقطعها لك عليها ماهي بغاليه واجد لاكن متوفره بكثرة
لاكن اذا سلمت تنقيص الزيت لان هذا الموديل وطالع معروف ينقص زيته 
واذا تبي كامري شوف لك موديل ٢٠٠٢ والله انا كفو مجربها اطلق من ٢٠٠٣
اما الاكسنت حلوة لانها جديدة وبتخدم معك لاكن مشكلتها صغيرة وقطعها شبه متوفر 

300 الف ممشاه كثير ابتعد عنه انصحك

اذا تعرف صاحبها مهتم فيها ماياثر فيها  الممشي 

واذا مو مهتم يوضح على شكل السياره 

ومن ناحية قطع الكامري  فيه تقريباً ست درجات  
ومتوفره بكل مكان  
لو انا مكانك بدون تردد الكامريَ

ارشح الكامري الممشى ما يضر اذا كان استخدام الموتر حشمه 

يعني لا تاخذ موتر جايه صدمات واجد وحاول انك تاخذ لك وحده يكون عدد مستخدمينها قليل يعني ثلاث اشخاص حلو لأنك عارف كثرة المستخدمين وتغير السواقه ينهلك الموتر 

وترا مكينتها هي و ٢٠١١ نفس بعض 

واللي يقول تنقص زيت ترا اغلب السيارات الجديدة تنقص 

الكوري بشكل عام ينقص زيت اللي الا الحين ماينقصن الهوندا والنيسان بالنسبة للسيارات الدارجه بين الناس 

والله يوفقك 

يالغالي اذا انت تبي تفتك من الورش ابعد عن الموديل القديم 
٢٠٠٣ لازم تجلس تصلح فيها والكامري قطع غياره مو رخيص 
كانت معي وحده ٢٠٠٥ جننتني 

نصيحتي لك شفلك اكسنت موديل حديث ولا فورد على قد فلوسك الفورد قطعة رخيصة 
طرمبة الموية غيرتها بالكامري ٧٠٠ والفورد ٣٠٠ وعليك الحساب بالقطع الثانية 

من واقع تجربه الممشى الكثير مايضر السياره ابدا انا شريت لي اكورد ٢٠٠٧  ماشي٤٠٠٠٠٠ الف راعيها كان راعي خطوط بس كان مهتم فيها وفي الصيانه حقتها الى زيت القير غيره مره وحده والان ماشيه ٥٥٠٠٠٠ الف وزي الحلاوه  وا انا ابي انزلكم موضوع عن زيت القير وويش صار معي لاكن نقاطي -١٧ ما اقدر انزل موضوع والله الله بلايك 

يارجل ..
الممشى ما يضر 
صاحبي وصل على كامري 2004 570 الف ما شاء الله 
وبعدين باعها على أخوه 
والى الان مافيها شي ما شاء الله 
أخم حاجة 
يكون الاستخدام نظيف ..
وصراحة الكامري في رأيي أحلى 2000 مرة من الاكسنت 
وبعدين
اصبر وان شاء الله تلاقي ممشى قليل ونظيف 
موفق 

شوف اخوي انا ماجربت الكامري جربت الاكسنت ولكن من وجهت نظري خذ الكامري سيارة اوسع ومكينة وقير اقوى ولو تلقى امريكي افضل من وجهة نظري وبالتوفيق ان شاء الله

الكامري اريح طبعا لكن الممشى يخوف لا تستعجل و دور ع مهلك او شوف سيارات غير الكامري و انصحك بفورد , الاكسنت سيارة حلوه و كرف للمدينه لكن اذا جيت تسافر عليها مسافات طويله غير مريحه يعني سيارة مدينة

انا .. كرهت شي اسمه كامري مدري هو حظ والله ان شريتها 33 الف ونص عام 2009 بنهاية العام وبعتها قبل اسبوعين ب 17 الف ..

خبطت المكينة التصليح 6500 ريال قيمة التوظيب .. وبعدها طاح القير وتم تغيره 3500 ... وكمبرسر 1600 ريال ..والمروحه الدينمو المكيف ب 800 ريال مدري 700

وتم تغير مروحة الثانية صيني ب 110 وكويل خرب علي وقامت تفتفت وصلحته ب 270 ... واهووه حوسه كرهت حياتي بسبب السياره 

وسبب اني مابعتها بالبداية .. كنت بداية مديون .. وبعدها تصلحت اموري وكنت شغال بالرياض وشقة عزوبية وكارفها بالخط رايح جاي اضافة .. ساكن بحي زفت ف 

ماكنت مقتنع بشراء سياره جديده وانا اشوف قدامي ناس تصدم وتنحاش والي تجي تشوف سيارتك محكحكه  .. وبعدها جاني نقل وتزوجت  وبدت تبهدلني ( دوده كلفتني 2400 وعكوس 2500  وباور مستعمل ب 650

وقررت اتخلص منها .. والله الحمد والحين لم اشوف كامري 2005 كني شايف شيطان .. 

وكلامي هذا ليس شرط ان ينطبق عليك ويمكن حظ مني .. 

بالتوفيق ي عزيزي 

مشكلة الكامري من 2003 لين ماله نهاية تنقيص الزيت خصوصا اذا انت بتشد بها خطوط واذا انت مصمم على الكامري شف لك 2007 نص فل ولا فل بتحصل في العشرينات اولا شكل جديد وثانيا بتحصل انظف ان شاء الله مع ان القديمة ارسى منها

انا معاي اكسنت ٢٠١١ الشكل القديم 
اكلت فيها خابور .. المكينه والقير كلهم رايحات
وضبت المكينه  توضيب كامل بالبساتم بالوجيه بالبلوف والجلد وبالشنابر والخرط وسير التيمن
ما وصلت ٣٠٠٠ واشتريت قير تشليح ب ١٤٠٠  
قطع هالسيارة الاصلي بتراب الفلوس .. مو الدرجه الاولى .. الوكاله بتراب الفلوس
وعمليه واقتصاديه ..وسيارة بلد تخارجك بالزحمه والمواقف 
عيبها الوحيد تركيبها كله كلبسات .. مره وطيت كفر مصلوخ بالخط انفك الصدام .. رجعته بيدي ورجع تثبت
بفلوسك بتحصل ٢٠١١ او ٢٠١٢ نظيف .. وبتخدمك نفس سنوات خدمه الكامري ٢٠٠٦ 
والله يختار لك الاصلح