فحص السيارة الجديدة اش رأيكم فيه

وعليكم السلام
هذا المفروض يصير ,,بحكم تلاعب الوكلاء باليسارات
والشخص اللي ما يعرف بالرش والسمكره المفترض يطلع فني فحص معه جهاز يفحص السياره ب 300 ريال ,,ولا اتوهق بسياره مرشوشه 

طيب هل الوكالة بيوافقون تفحص سياراتهم بفني تجيبه معاك

حبيبي ياكثرهم اللي ياخذون سيارات على الزيرو وينغشون خصوصا من شركة الجميح  وغيرها كثير

ياحبيبي افحص هم ماهم معطينك اياها صدقه من حقك تفحص لانهم يورونك بياض سنونهم لاجيت تشتري 

ويمرمطونك مرمطه ويهينونك ويسحبون عليك  لاشريتها ولقيت فيها خراب انا موتري فحصته فحص خارجي بودي قبل اشتريه

واشوف هذا من حقي ماهو اطيح لي بموتر انصدم في الميناء وتسمكر في اقرب ورشه ويخدعوني فيه يقولون جديد

ابد اخوي اذا قدرت تفحص افحص من حقك لو تجيب مكانيكي معك يشوفها 

انت ماخذها عى ضمان الوكاله اصلا مايحتاج فحص

والله يارجال السيارات الجديدة كلها بلاااوي ومشاكل صار المستعمل اطلق قسم بالله تاخده وتعرف ايش بلاااه
دحين السيارة جديدة تو ماكملت 5000 وتلاقي فيها مشاكل الدنيا....

ﻻتحلف بالله. ياأخي.مو معقول السيارة المستعملة .افظل من الجديد عالزيرو .ناس همها خارج المألوف

انا مع اللي يفحص بودي السياره لو حتى وكاله ، يرتاح ويريح ضميره في ظل النصب والاحتيال اللي حاصل بالوكالات

هو الخوف من البدي فقط
لن كثير من السيارات تنصدم في بعض اثناء الشحن
وخصوصا لجميح والمتحده يسمكروها سمكره ابوكلب ويبعونها
هي على الاغلب بتكون صدمات خفيفه لكن المفروض يشعرو العميل
ويصلحون له خصم لكن مافي مصداقيه همهم الربح

اخوي واحد من الجماعه اشترى فورتشنر وبعد سنه تقريبا اكتشف فيه تغير ب اللون ووداه فحصه طلع مرشوش ورجع للوكاله يقولون انت مستلم السياره سليمه ومالنا اي خص فيك وقاله واحد من اخوياه ب الوكاله ان المصدوم عندهم صدمه خفيفه ب سبب الشحن ولا اي حاجه يصلحونه ويبيعونه والي صدمته قويه يسوون عليه عروض