الورش كانو يبون يستغلوني لكن هيهات انــتــبــهــو

11 6

لايمكنك التصويت حتى الحصول على 20 نقطة على الأقل
إضغط هنا للإخفاء

ryan-999 -189
قبل 10 سنه و 5 شهر

السلام عليكم ورحمة الله وبركاته


.


.





انا ياشباب سيارتي دخلت موية من سيول اللي جت مكه الاخيره



المهم من يومها ولمبة الايرباق اشتغلت ومعناتاها لما تشتغل يعني لاسمح الله وصار حادث ماراح تطلع الايرباق لانه فيه خلل


المهم اليومين ذي قلت لازم افحص واشوف


رحت الشركة مبدئيآ قالو الكشف 300 ريال ( سياره يارس )


قلت للمهندس يعني المتوقع ايش ممكن الخراب قالي مدري بس تقريبآ امكن تكلفك الشغله حول 5 الى 6 الاف


المهم قلت بنفسي خلني اروح الورش

واتجهت على ورشه وسويت فحص كمبيوتر بـ 100 ريال


قالي الخراب عندك حساست ايرباق ويبغالها تغيير واعادة برمجة المهم قالي التكلفة حول الف الى 1500 ريال

منا منا اخر شي توصلت معه الف ريال وقلتله حساسات ايش بتسوي تتصلح ولا كيف قال انا اشوف اذا تتصلح اصلحها ولا اشتريلك من التشاليح وكل شي عليه حول 1000 ريال




المهم اخذت رقمه وقلت افكر واشوف




خرجت من الورشه مبدئيآ فرحت كثير لآن الشركة قالو حول 5 الاف والورشه 1000 ريال يعني فرق 4 الاف




المهم راحت يومين و وانا ماسويت شي كلمت خويي عن السالفه قالي خويي بيدلني على محل يثق فيه رحت فحصت كمبيوتر وطبعآ دفعت 100 ريال




قالي الخراب عندك كتاوت الايرباق قالي انت تجيب القطعه وشغل اليد ياخذ عليه 500 ريال



انا استغربت هنا المحلين رغم ان الكشفيه بالكمبيوتر الا انه واحد قالي حساسات ايرباق والثاني كتاوت




المهم قعدت افكر اصلح عند مين وخفت لانه اكيد واحد من المحلين نــصــاب



المهم قلت ياولد احسن حل افحص عند محل ثالث وادفع مره ثانيه 100 ريال




يعني فحصت عند 3 محلات كمبيوتر كل واحد بـ 100 ريال دفعت يعني 300 ريال


المهم ثالث محل فحصت عنده قالي نفس المحل الثاني ان الخراب الكتاوت


بس المحل الثالث قالي ماعليك انا بطفيلك لمبة الايرباق بلاش بس لو رجعتلك مره ثانيه تشتريلك الكتاوت وانا اركبها لك بـ 150 ريال




وحمدلله لمبة الايرباق طافيه وان شاء الله ماتشتغل



ولو اشتغلت بروح اشتريها من الشركة سعرتها قبل شوي حصلتها بعد الخصم 570 ريال واصلحها عند الورشه الثالثه اللي بـ 150 ريال



هذي تجربتي في الورش



ونصيحه لا احد يتسرع في الاصلاح اي خلل روح ورشه ثقه ولا تعتمد على محل واحد روح اكثر من محل اقل شي 3 محلات


وصلى الله وبارك

إبلاغ

الردود