نويت اخربها

تعوذ من الشيطان 

اكثر من الاستغفار

اول شي احمد الله  على العافية . 

ثاني شي  انت قلته  تبي سياره تكد 10 سنوات  

الكامري    افضل من التيما 

التيما صح انه افخم  واريح وعازل بس مايكد مثل الكامري 

هذا اقتراحي  فقط وشكرا

طيب خذلك أكورد إستاندر

وأضمن لك تكد 10 سنوات وعزمها وقوتها نفس ماهي

من تجربه صراحه سيارات كثيره ألاحظ عزمها يمووت بعد 5 سنوات 

لكن الأكورد كملت معي 8 سنين والعزم طياره نفس عزم الوكاله ماشاء الله والمحرك هادي جدا

ويوم تدعس تعطيك بدون حنه مثل السيارات الثانيه

وحقت خطوط ومكدة وإستخدام يومي

صحيح صيانتها غاليه

لكن متى بتخرب عليك إذا ما إهتميت فيها وواظبت على تغيير القطع الإستهلاكيه

توافيق

والله يرزقك ترى راتبك زين إحمد ربك عليه

لو تدري إن راتب الباكستاني في دولته بعضهم يصل راتبه الى 5 ريالات لشهر كامل

صحيح يعتبر كسعودي راتبك تحت المتوسط لكن الحمد لله كنت أشتغل على راتب 2500 ومزبط أموري

إدرس طريقة صرفك وحدد لكل شيء مبلغ معين وبتتوفر لك فلوسك للشهر اللي بعده

الله يرزقك 
نصيحه اذا ماعندك فلوس الاافضل انك ماتورط نفسك بسياره فوق ال80الف 
عندك الفورد فكتوريا انصحك فيها شرط تكون نظيفه شكل وقوه ومريحه وقطع غيار منتشر وبسعر معقول
وتكد اقل شي 10سنين  واسعارهن  نازله  
نصيحه اخويه

اشتري كوروﻻ ستاندر او اﻻنترا وبتكد معك 10سنوات.واهم شئ ظبط ميزانيتك الشهرية

اولا اسال الله العظيم رب العرش العظيم يرزقك من غير حساب ويعطيك حتى يرضيك ثانيا نصيحتي لك قسط سيارتك لايتعدى 1200 واحسب حساب الظروف واكثر من الاستغفار وتفائل بالخير

الكامري افضل وقطعها رخيصه ومتوفره وتكد لكن التيما قطعها غاليه وتكسر بسرعه

اولا اسأل الله العلي القدير لنا ولك وللجميع التوفيق والنجاح وسعة الرزق وراحة البال

ثانيا ،مثل مافاد الاخوان ، راتبك 4000 ريال وتبي قسط سياره اقل شي1600 ريال غير الدفعه المقدمه الاولى صح تبي تطف فيها شهرين ثلاثه بالكثير ثم تبي تزهق من الاقساط اللي مدة اربعة سنوات غيره الدفعه الاخيره اللي تنتضرك شوف لك سياره صغيره حلوه اذا كنت ماتمسك خطوط بزياده شوف لك اكسنت 2009 2010 2011 بتحصل ب 18000 شي نظيف تماتيك قزاز كهرب وانبسط لين تسهل امورك والحياه تبي من يتحملها لو كل واحد من الموجودين يحكي لك عن المشاكل ومنغصات الحياه كان عرفت مو انت اللي متكدر وطبعا ولله الحمد نحن مؤمنين ونحتسب الاجر وهذي الدنيا ، يقول الله عز وجل في كتابه الحكيم ((وروى من طريق أبي مودود : سمعت الحسن قرأ هذه الآية : ( لقد خلقنا الإنسان في كبد ) قال : يكابد أمرا من أمر الدنيا ، وأمرا من أمر الآخرة - وفي رواية : يكابد مضايق الدنيا وشدائد الآخرة .

يارجل اذا سيارتك ددسن 85 انا سيارتي كرسيدا 88 ، اهم شيئ الصحة و العافيه اما السيارات
فكلها تقريبا مثل بعض ركبت ددسن ام ركبت لكزس كلها تقريبا نفس الشيئ مع اختلافات شكليه.
اهم شيئ لا تورط نفسك بديون .

خوي اخوي مليونير ويشتكي من قطع غيار الهوندا اكورد هذا وهو مليونير كيف لو واحد راتبه 4000 ريال

http://www.youtube.com/watch?v=x2BduR8I_dM

ابد ابد
كان خربتها مزبوط فترا المرسدس خمسميه اس
جمب الرصيف مرتص وتوكل ابد 

حبيبي يامعاندجرح
اسمع خذها نصيحة اخوية مني لك لا تورط نفسك بالديون على شان سيارة وتاخذها اجار ولا اقساط نصيحة مني لك 
حط ببالك ان السيارة وسيلة وليست غاية وانت تعرف الكلام وش معناه 
معناه ان السيارة زي الدابة توديك وتجيبك والدنيا ارزاق ناس تركب خيول ( جيوب لقزس وطقتها الله يرزك جيب لكزس اخر موديل
) وناس تركب حمير ( المواترالليما يوصل سعرها 20 الف ) لكن بالنهاية كلهم يأدون نفس الغرض وعلى قد لحافك مد رجليك
احسبها براسك زين 4000 ريال راتبك قسط السيارتين لا يقل عن 1700 تقريبا 4000 اطرح منهم 1700 كم صارت 2300
ريال يعني تطير تقريبا نص الرات والله مبلغ ياخوك لو تدورلك تكسي وتكد عليه صدقني سنتين بالكثير وتجيبلك قيمة الكامري كاش
نصيحتي لك لو انك فاضي اشتريلك تكسي وكد عليه اذا كنت بالرياض ترى الحياة يبغالها كفاح ولا تغرق نفسك بالديون على سيارة
 ترى والله  بتتعب كثير والله يرزقك ويوفقك
 

لا تطالع فووووووووق ترى رقبتك تنكسر

أنت ليه تبي سياره 2014 وراتبك 4000

ياخوي خذ لك سياره تشرفك وتكد معاك 20 سنه بس مو شرط تشتري سياره جديده ألين ما تحصل وظيفه راتبها أعلى

وبعدين الجديد مايصبر 5 سنوات ويطلبك ،،

خذ لك فورد أو كامري 2002 بس دور النظيف

والله يوفقك ويسعدك ويغنيك من فضله

مليون بالميه اللي عطوني دسلايك عمرهم ما اشتروا اكورد ولا شمو ريحة اكورد