لي موضوع مع التاجير المنتهي بالتملك من عنده حل
5
1
إضغط هنا للإخفاء
بسم الله والصلاة والسلام على رسول الله
اسعد الله اوقاتكم جميعأأأ
الموضوع ياجماعة الخير اخذت سياره من البنك العربي الوطني بنظام التأجير المنتهي بالتملك بدفعه 12.5 بالمئه من قيمة السياره مع دفع الرسوم الاداريه بحكم اني صاحب مؤسسه فالحاصل سددت 20 شهر وباقي على السياره 16 شهر لان مدتها 3 سنوات صار عندي ضروف وتاخرت عن السداد
كلموني قلت لهم انا مسافر اللحين ولاجيت ابجيكم واسدد المتاخر الحاصل خذيت بعد فتره الا يرسلون لي رساله انه (السياره عليها تعميم وانت مطالب
حاليا بدفع مديونية السياره وبشكل عاجل ومراجعة الاداره لأسقاط التعميم ونقل ملكيتها . وللعلم بأنه سوف يتم بيع السياره للتأمين فور سحبها ومطالبتك
{بأجرة المثل} وفقا للشروط والاحكام
خذيت فتره وجيتهم برمضان اللي فات معي المبلغ المتبقي كامل نقدأأ قالو السياره عليها تعميم وموضوعها عند التامين راجع التامين علمأا ان السياره
عندي موجوده ماخذوها قلت انا العلاقه بيني وبينكم مالي تعامل مع التامين قالو حنا اي سياره تتاخر عن السداد ناخذ قيمتها على انها مسروقه
وانت سيارتك معمم عليها سرقه بالشرطه حاولت القى منهم تجاوب رفضو يستلمون مني ولقيت التامين مسددهم بمبلغ اكثر من المتبقي علي
بحدود 6500 ريال رحت تركتهم وبشهر 2 جيتهم قلت يمكن يطمعون بزياده قلت ابسدد اقساط وسوو اعادة هيكله قالو نسقط التعميم ب 1500 ريال
ورح للتأمين يعطونك خطاب انه ماعندهم مانع لقيت مبدلين شركة التامين من التعاونيه لشركه ثانيه ودورت بالشركه الثانيه قالو ماعليك مطالبه راجعت
كم يوم وكنت مشغول وتركتهم جيتهم مره ثانيه بشهر 7 يعني من شهر تقريبا وقلت بسددكم باقي مبلغكم كامل نقدا وعطوني اوراقي قالو مالك الا التامين
رحت للتعاونيه قالو سددنا ماعطيناهم كامل ونحول الاوراق لهم قلت انا مابيني وبينكم شي تعاملي مع البنك وعطوني خطاب انكم ما عندكم مانع البنك
ينهي موضوعي قالي الموظف اكتب لي انك راجعتني وتبي تسدد واسوي لك خطاب انا رفضت لانه بيعتبر اني قبلت بمبلغهم اللي يبونه وقابل بالتعامل معهم
رحت لادأرة البنك اللي بالمربع ولقيت واحد يقولون مدير المبيعات بالمملكه ومافاد بشي اخر شي تركتهم ورحت لاني لو بقابلهم وبتابع كني بطلع صك
مزرعه وانا مانيب فاضي الحاصل اني ذكرت لكم ماحصل نصح للمسلمين لاجل لحد يتورط مثلي والشي الثاني يمكن فيكم رجل صار له نفس الطريقه
ويلقى لنا حل علمأ اني لقيت ناس مسدده عندهم كاش ولاخلصو لهم اوراق سيارتهم من شهر وشهرين وتاركين عليها التعاميم وهي مسدده ويوم قلت للموظف
وش ذا الطريقه قال هو ماعندنا الا هم عندنا 7 الاف استماره قلت كلامك مهوب عذر خلصو الناس قال انا موظف انا عرضت عليكم الموضوع كله وادري طولت
بس ابيها عبره لغيري ويمكن فيكم فاعل خير يدلني على طريقه مناسبه مع العلم مايجهلني مؤسسة النقد ولا وزارة التجاره ولا القضاء بس انا كاتب عقد
وقلت نحل الموضوع بالزين اسهل لان عندنا فوضه بالنظام وماتدري وش تنتهي عليه وسلامتكم جميعأأ
إبلاغ
الردود
القرض الشخصي وشراء السيارة كاش وبإسمك أفضل وأوفر بكثيييييير
2
0
0
0
سحبو سياره معمم عليها وانحجز وطلع بكفاله سياره قيمتها 60 الف باعوها بمعارض 44 الف ودفع لهم 33 الف لنه موقع معهم بدون مايقرا العقد
0
0
0
0
عندنا فوضه بالنظام وماتدري وش تنتهي عليه
>>> ديوان المضالم من الاخر <<<<
وطالب انت بالتعويض كمان ، واجلد الطيب ع البطال فيهم لان كل واحد يرميها ع الثاني باستغلال ثغرات النظام الفاشل
ماااا سددت خلاص > سيارة مسرووق وعليها تعميم ، باي حق ، وانت كيف تكون السارق وانت صاحبها
وموضح بالعقد ، باسمك
من كثرة الفلوس للبنوك ، وصلوا لمرحلة الطغيان والتجبر ع الشعب
وهذي شركة داخل شركة او مستقله وتكون تابعة للبنك
بس قانونيا منفصله عنه عشان كذا مؤسسة النقد مراااااااح تنفعك
والتجارة .... اذا وصل صيت موضوعك ممكن يستحوا ع وجيهم وينصفوك بحقك ،
بس ثغرات التجارة ان عليك دييييين وهذي تخليهم ، يسوا للباقي الي لك ( هااااااا
العملية الي وقعت فيها اسمها ( شراء مديونية من شركات السيارات التي تقسط او شركات تقسيط او شركات تحت بنوك
مثل العربي والاهلي ، ولو مافيها ما كان اتوجدوا هالشياطين
فعلا مااااااالهم دخل بالديون تنشراء باقل من القيمة بفرق محترم لهم
وهم ع استعاد التصدي لك بعد استخدام لوي الذراع . قال مسروقة ومعمم عليها
انت تبغااا تخلص ولك الحق والمفروض تتظلم ع هذي الاجراااام في حقوق الناس
الله معك ويعينك ويسهل عليك . امورك باسرع وقت
2
0
1
1
0
0
ونبي راي الاخوان
ونبي اللي صار له تتعامل مع البنك العربي يقول لنا عنه
لان سمعت مالك البنك فلسطيني
0
0
0
0
خذ العلم من مجرب
يتم ايقاف خدمات في مبلغ المتاخرات فقط
ويتم تعميم ع سياره ف شرطه اثناء سحبها اذا كانت سياره واقفه عند الباب
او يتم تعميم متاخر سداد فقط
0
0
قبل 10 سنه و 5 شهر