ابشتري كامري وعند الفحص وجد تهريب زيت بصوفة المكينة الخلفية

اشتريها و غير الصوفة وش المشكلة 

موديل 2008 و تهريب صوفة ما يعتبر عيب

شيء استهلاكي 5 سنوات طبيعي تخرب

وعليكم السلام إذا سعرها مناسب توكل على الله

المهم هو القير والمكينه والعضلات والبودي يكون نظيف

الصوفه تتصلح بسيطه قد خربت علي وجلست حدود سنه على التهريب وبعدين صلحته ورجعت السياره

تمام لكن ماني متذكر الصوفه هي الخلفيه والا الأماميه

أهم شيء تكون متأكد من اللي ذكرته انه سليم وسعرها يكون مناسب

وفي الأول والأخير إستخير ربك وشوف لرغبتك أنت شفت السياره وأدرى بها

يارجل خل عنك التهريب المشكله لمبة الارباق .. اذا الارباق طالع لاتشتريها. احتمال انك تشوف الصدمه خفيفه لكنها قوي لكن موب واضحه ... لاتشتريها .... لو الايرباق سليم كان قلت لك خله ينزل لك من السعر وخذها لكن الارباق طالع ابعد عنها

الله يجزاكم خير 

شوف خليه يفصل السالب حق البطارية ويرجعها شوف تورح اللمبة 

لانها تصير بعض المرات 

لمبة الايرباق تولع بأغلب سيارات الكامري من عطل الحساس

او شريحة البوري حتى بدون حادث

دائماً تحصلها مولعه

حسب رأيي اذا الصدمه ماكانت قويه وسعرها طيب توكل على الله وخذها والحاجات الثانيه تعتبر بسيطه

عندي كرولا ٢٠٠٦ اخوي صدم بها صدمه بسيطه وطلع الايرباق
والمشكله اني ما غيرت الا الصدام فقط 
والى يومك والسياره تحت الاستخدام

الله يعطيكم العافية 

انا كانت عندي كامري 2007 وكانت لمبة الاير باق شغالة بدون اي حادث او شي
ولما سالت قالوا لي من الحساس وماغيرتها