بغيت شوركم يالربع

40 الف تجيب لك موديل افضل 2009 - 2010
2002 خجمه عمرها 12 سنه

من ٢٠ الى ٣٠ الف 

حسب النظافة 

ومبروك مقدما 

اكسنت ستاندر اوتو ب 40 خذها وفك نفسك من القديم او الاقساط

^^^
هو يقول معاه 40 الف ريال 
ولقي كامري 2002 يسئل عن سعرها كم تسوى

وماعتقد يقصد ان الكامري سعرها 40

على العموم بعض الشركات او البنوك عندها اقساط حلوه

تدفع نص قيمة السياره كاش والباقي اقساط على سنتين بدون فوائد

يعني شوفلك سياره وكاله سعرها 80 الف
ادفع لهم 40 
والباقي قسطه لهم على سنتين بنفس قيمة السياره

انت عارف عاد المستخدم ماتضمنه
ويمكن انك تهرب من الاقساط وتطيلح فمستخدم وتورط مع الورش  !!!

قديمه يارجل وماشيه كثير خذلك اكسنت ولو تلاحظ الاكسنت الحين قريب حجمها من حجم الكامري القديم

الربع
الكامري حدها علي الرجال27

وانا معاي 40
ومتردد انا اخذها واحط الباقي في جيبي
او اخذ اقساط
او اكسنت اصفار

فهمتوا يااخوان

ابعد عنها بس الموتر قديم .. شف لك 2010 نص او 2011
او دور على ماركيز 2007

خذ جديد وريح راسك على الاقل خمس سنين قدام

لو تحطها في دفعه اولى بتجيب لك أطنخ سياره وقسطها رخيص وموتر جديد بعد

موفق

الكامري الله حق 2002 قوية ومن افضل الموديلات اللي مرت على تاريخ الكامري لكن انت فكرت مع نفسك قبل ماتفكر تشتريها يعني بالعقل بوضح لك الصورة وانت صاحب الخيار في الاول والاخير

الان الموتر موديل 2002 وحنا في 2014 يعني هاذي 12 سنة رايحة من عمر الموتر هاذا اولا وثانيا لو مهما يبلغ الموتر من النظافة ويكون شد بلد الا انه يضل قديم والناس تنظر له انه قديم

وبرضوه انت ماجمعت ذا 40 الف وظغطت على نفسك عشان تشتري سيارة كنك ماشريت الناس يحسبونك ماخذها من حراج 40 الف فيه سيارات كثيرة ممكن تقتنيها موديل احدث مركب مراتب افضل وانظف ديكورات وشكل جديد مع الناس ولا فيها البلاوي اللي بتطلع في الكامري وثانيا هل بتقنعني انك بترتاح في قيادتها مثل قيادة الجديد ياخي فيه سيارات كثيرة تقدر تشتريها


عندك الازيرا 2008 عندك الكامري 2009 عندك السوناتا 2010 او 2011 عندك الالنترا 2012 وتقدر تاخذ لك اكسنت اصفار قير توماتيك قزاز توماتيك اصفار وانت عارف الاكسنت قوية وما فيه الا قير ومكينة يعني بتخدمك 5 سنين مهيب فاتحه ثمها وفيه وفيه الخ .... وماعليش انا يمكن كتبت الكلام بدون ترتيب لكن نصيحة واذا انت تطيع الشور ابعد عن القديم قد ماتقدر غلاوة سعر على الفاضي وخاصة الكامري 2002 تجيني مرشوشة كاملة مدري وش جايها من الصدوم وصافقه 350 الف ويقول ابي فيها 40 على وشوا .

اوكي يمكن تشتريها ب 27 لكن ه ال 13 الباقية يمكن تحطها فيها بعد ماتشتريها لا تفكر في سالفة اني ابقى معي فلوس وفي جيبي واخرتها تتدهور في موتر تقول ياليتني ماشريته ... تحياتي