كم سعر اقل تامين شامل

انا مريت تأمين بجانب المرو نسيت اسمه 

بس كان سعر التامين 470 ريال تقريبا....بالبنسبه لي هذا ارخص تأمين انا شفته بعيني 

اذا كان فيه الارخص ماادري

لحن المفارق 

الرجال يقول تآمين شامل مو ضد الغير


طبعا يبو تركي على حسب السياره ياخذون

اغلبهم تقريبا ياخذ 2,5 من قيمة السياره

لاكن وش خسران انت لافضيت روح مزمز لمهم

هذا اللي اقدر افيدك فيه وان شاء الله باقي الاخوة مايقصرون

وبالتوفيق...

ملاذ امنت شامل ب 1400 ريال
انا ومجموعة من الاصدقاء لسيارات حكومية

سلطان،، طيب اذا سويت حادث يعوضوك ولا يخلونك تكرهه شي اسمه تامين وتصلحها على حسابك

ونسيت اسال،، وش سيارتك ياسلطان وموديلها ووش هي مميزات التامين عند شركة ملاذ واسف ع كثرة الاسئلة

1400 ريال سعر ممتاز ورخيص،، التعاونية 2600 ريال وهالسنة صارت 3400 وطنشتهم

التامين الشامل ماله سعر ثابت
بل حسب القيمه الي تبي تامن عليها
لكن هم ياخذون من 2.5 لغاية 4 بالمائه حسب الشركه
وتخلف القيمه من سياره لاخرى لكن نسبتهم ثابته

تامين شامل انا اشوف افضل شركة التعاونية
لا كن تامين ضد الغير اي شركة تنزل بالسستم عند المرور بس

ادري الرجال يتكلم عن تامين شامل ..

والله ياخوك انا الحمدلله ماتعرضت لحادث
لكن احد الشباب صارله حادث
واعتقد كان تكلفته 1500 ريال
ولما راح للتامين طالبوه بسعر التحمل ثابت الى هو 1000 ريال
فغض النظر عنهم وصلح على حسابه
بتقولي وش فايدة التامين بقولك فايدته بالحوادث الكبيره والهلاك الكلي
وطبعا اهم نقطة بالتامين سعر التحمل
البعض يامن ولايسال عن سعر التحمل ويتفاجا بمبلغ
لذلك لو تمر اكثر من شركة افضل
موفق

التعاونيه احسن شركة مضمونة في التامين الشامل
بس طمعوا وغلوا اسعارهم بسبب اقبال الناس عليهم

وش سعر التحمل ؟؟؟؟
*_*

ملاذ 1400 وحسب انت بتصلح في ورش او بتصلح في الوكالة يختلف سعر التأمين....

سلام عليكم

أخوي بنسبه لشركة ملاذ واحد من ىالشباب مأمن فيها ويقولون عوضوه ولا طولو بتعويضة وشكرا