بخصوص الموقع

السلام عليكم
كيف الحال
بنخش بالموضوع

انا الان لي بالموقع سنه وشيرين
واللي لاحظته انا ...( ان بعض )... الناس صايره ماتخاف الله
يعرض لك سلعه ماهي عنده و يقولك
حولي المبلغ وارسلك السلعه عن طريق اي شركه
وحنا نجي ..مدرعمين.. ونحوله المبلغ ويقفل جواله وعاد رح دوره

والله انا اشوف ان التلاعب والسرقات بها الموقع كل مالها تزيد

عندي حاجتين ياليت الموقع يسويها
1. يكون التسجيل بالموقع برقم الهويه عشان ماحد يقدر يسرق بالموقع
2.يوظفون شباب برواتب بس يراقبون الموقع من شكاوي و
ويحذفون الناس اللي ماسكه الموقع طقطقه

واللهم صلى وسلم على نبينا محمد

إبلاغ

الردود

كلامك عين العقل واتفق معاك علي الشرطين اللي قلت
سبق وراسلت الموقع بشان التسجيل برقم الهوية لتفادي المشاكل
وبالنسبة لموضوع تحويل الفلوس
أكيد انت حولت علي اسم شخص لانه عند التحويل يظهر لك الاسم وعندك رقم الحساب فبإمكانك تشكيه علي الشرطة ويجيبونه
بالتوفيق

متميز جدا 227
قبل 9 سنه و 10 شهر

حتى لو التسجيل برقم الهوية. ممكن يسجل بهوية شخص ثاني ويورط هذا الشخص.
لاتنسى ان كثير من الدوائر الحكومية والشركات والبنوك تطلب صورة للبطاقة . يعني اي موظف من ممكن يستخدم رقم هوية شخص اخر.
الافضل انه مايحول اي مبلغ حتى لو عربون بسيط الا لما يشوف السلعة ويتفق مع صاحبها غير كذا لايورط نفسه.

iadnuyh 842
قبل 9 سنه و 10 شهر

يارجال ماحد يسمع كلامنا هنا

والموقع مو رسمي عشان يكون التسجيل برقم الهويه

وعلى نياتكم ترزقون 311
قبل 9 سنه و 10 شهر

رد 1
بس الشرطه يومهم عن سنه بالامور هاذي يقولك (القانون لايحمي المغفلين)
رد 2
على الاقل تخف المشاكل بالموقع من سرقات
ولا كلامك تمام التمام اسجل برقم هوية شخص اخر
رد3
ايوالله الاداره بس مسنتره ماتبي غير العموله

وائل ..... 303
قبل 9 سنه و 10 شهر

وكلكم ماقصرتو
+1للكل

وائل ..... 303
قبل 9 سنه و 10 شهر

١- صحيح الشرطة عندهم روتين ويمكن يتأخرون لان فيه قسم عندهم للجرائم الالكترونية وشخص حولت لحسابه مبلغ قيمة سلعة يعني الشغلة واضحة ولاينطبق عليها نظام القانون لايحمي
٢- لاينطبق نظام القانون لايحمي المغفلين الا علي مشكلة تجارية غير واضحة ولايوجد عليها اثباتات
بالتوفيق

متميز جدا 227
قبل 9 سنه و 10 شهر