أضف سؤال أو موضوع جديد          

أهنتوا الناس في الإجار المنتهي بعد5سنوات بالتمليك

up 20 down 4
أنيق 17578
قبل 6 سنه و 11 شهر



السلام عليكم ورحمة الله وبركاته
مساكم الله بالخير أسود المنتدى
اليوم راح نتكلم عن هم وإهانه مجبور عليها بعض الشباب والناس ألا وهو الإيجار المنتهي بعد ماتشيب بالتمليك ههههه
أنا أتوقع 80%من الناس على النظام هذا الي سبب لنا المتاعب لكن للأسف مجبورين عليه
بعض الإهانات الي شفتها في شروطهم :-
1سحب السيارة في حالة التأخر على السداد سواء عندك ظروف ولا كتب ههههه لازم تنسحب وأنت تضحك
2الإستماره بأسمهم يعني السيارة مو لك يالدلخ (قصدي أنا )
3يحطون في ظهرك فوايد يعني يشبعون من شحمك الي في جيبك قصدي الفلوس يعني سيارة 60ألف تطلع 110 !!!!وحنا مبسوطين لكن مجبورين نسيت :(
يعني لاتفرح إن الله لايحب الفرحين :)
4أشوف الحوادث تكثر على هالنظام وأنا مجرب أبوي شرى سيارة بيجو 98 على أيامها جديده يالليل قسم بالله أتذكرها وأنا صغير أحلى سياره وفرنسي بعد مايحتاج وصدمنا فيها أبشركم ههههه حسبي الله ونعم الوكيل
والسيارة الثانيه باترول 2009فتك مكينته 4800 لون لؤلؤي يعني عزززز تعرفون وش معنى عز !!!!وصدم فيه الوالد وراح الشاصي عليه يبيله فك بدي وشاصي جديد قال ووديناه الوكاله عشان يصلحونه وقالوا علينا بالحرام مايطلع من عندنا إلا إذا كملت أقصاده هههه قال الوالد خلوه مصدوم عندكم والأن له 1سنتين كامله بسبب هالنظام الفاشل ،،أبشركم مجبورين عليه،،،والحين مستاجرين سيارة من بدجت ولا صار حادث الحمد لله ههههههه لنا حوالي سنتين
بالله وش نسوي ؟؟ويين نظام الأقساط ؟؟ أشتقنا له
كل واحد يقول تجربته مع هالنظام الفاشل ومجبورين عليه ههههه آآآآه يالقهر بس
تحياتي لكم
&أنيق&









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحل الوحيد انك تشتري كاش << وبما ان 70% من الشباب السعودي مطفرين حتى لو راتبه 7000 مستحيل يقعد كم سنه عشان يجمع قيمه سياره
 مع مصاريف هذا الزمن  فمالك الا الاجار المنتهي بالتمليك 

او انك اذا الله وفقك وقدت تجمع فلوس سياره وكاله << تختار يالسياره يامهر العروس 

يعني بالعربي في الوقت الحاضر والمستقبل القريب انسى ان فيه حل 


up 0 down 1
الديسق 457
قبل 6 سنه و 11 شهر