دفعت عربون سياره للمعرض هل اقدر أتراجع عن شراء السياره

لصاحب المعرض الحق كاملا في اخذ العربون منك .
الا اذا اتضح عيب اخفاه عنك صاحب المعرض .

لكن عليك قول له استخرت و ما ارتحت و من هذا الكلام باللين و الكلام الحلو ، هو اللي بيفيدك

اذا فيه سبب مقنع بالبيعة زي الغش مثلا تقدر تسترجع

اذا فيه اي مشكله او سبب
او اذا صاحب المعرض على بلاطه حبوب وطيب  ومايحب ياخذ مو له  للعلم ان العربون من حقه 

لكن انصحك اذا طلع طيب وحبوب  اعطه اي شي ك ابرا ذمه لو ميتين ريال 

لكن الافضل ان تتفاهم مع صاحب السياره الاصلي وتقول له  السبب بجديه بدون اي كذب لجل تبرئة الذمه

ولو انا مكانك اذا ما ارتحت للسياره بخليهم يسامحوني لو مقابل المبلغ الي اخذوه لان الله سبحانه وتعالي يغفر لك ويسامحك
لكن حق الناس مشكله يوم القيامه الام ماتعرف ولدها 

وهذا رايي الشخصي مادري تتفق معي عليه او لا 
لكن احذرك من حق الناس لو تموت جوع لا تاخذه 

خذها قاعده ياابو فارس العربون ادفع ١٠٠وافحص وقلب على كيفك انا مره صارت معي عطيته ١٠٠ومااعجبته قلتله ليش مهي بفلوس سكت واخذها في حال مانسبك ومارجعها فدوه لان العربون يروح عليك في حال اذا مافي عيب بالسياره خصوصا انك فحصت 

شكرًا على. الرد 

السياره ما فيها عيب أن شاء الله 
بس انا أخذتها بسعر أعلى  شوي من سعر السوق بسبب. عليها ضمان خمس سنوات
وبعد ما بحثت في النت عن عن الضمان.  كل الشعب يقولو الضمان الى يعطوك إياه كلام فاضي

غلط مني انا ما بحثت عن موضوع قبل 

توكل على

انا اذا مستخدم وعجبتني السياره اذا طلب مني مبلغ زود عن حقها الف الفين ادفعها

لاني مستخدم وصعب احصل مستخدم نظيف وغير كذا يمكن تقول حصلت نفس موديلها ارخص منها ب5000 لكن تحصل الممشى واجد

وفي الاول والاخير الله يعينك المعرض ماهو مرجعها لك نهائياً

اهلا





العربون بالعاده ما يرجع

الا في حالة واحده عدم انطابق الوصف على الواقع


ولكن تقد تسأله يمكن يرجع لك

انا لما كنت ببيع السوناتا 02 عطاني 500 ريال

قلت اليه ما يحتاج افحص و شوف و كنت كاتب كل العيوب بالاعلان

وبعد ما كشف عليها غير رايه قال ما يبيها

راعي الفحص يقول لي لا ترجع العربون

قلت اليه فوق ما دافع 200 ريال للفحص اخد فوقها العربون

رجعتها و بعد اسبوع بعتها ارفع من السعر ب 2000 ريال

حبيبي ماعليك من الجاهلين بموضوع العربون 

انت اعطيته عربون بقيمة 500 ريال  والاللفين ريال الزايده ماتعتبر عربون 

قوله خذ ال500  واعطني الالفين لانها ماتعتبر ضمن العربون وشيخ المعارض يفصل بينكم 

انت بس خش في عيونهم ((ابلاهم بالموت يرضون بالحمى)) لايضحكون عليك 

موضوعك يذكرني بلي يدخل يختبر وبعد الاختبار يقعد يراجع الاجوبه
ويكتشف اغلاطه ويتحسر عليها

وهذا اكبر غلط

انت اقدمت عليها السياره نظيفه وكشفت وتأكدت وعربنت وبعد ذا كله رحت تفر فـ السوق وتشوف الاسعار
اكيد بتلقى ارخص وتقول انضحك علي

صدقني ما انضحك عليك لان الرخيصه بترجع تكشف عليها وتفحصها ويمكن تعربن فيها وترجع تفر ثاني مره وتلقى انظف
وارخص منها وتقول انضحك علي

المفروض من البدايه تفر على جميع المعارض بعدين تقرر

لاكن اذا الفرق الف الى خمسه سته وانت مستخير الله قد قلت في استخارتك اللهم ان كنت تعلم ان في شرائي لهذه السياره خير لي في ديني
ومعاشي وعاقبة امري عاجله وآجله فأقدره لي ويسره لي

الله سبحانه قدرها ويسرها لك اتوقع لو تركتها بتلقى الي منها شر لك في دينك ومعاشك

واذا انت يوم رحت شريت وكشفت ما صليت استخاره انا انصحك تصليها اليوم وتروح تكلمه ان كان فيها خير لك رفض راعي
المعرض يردلك عربونك وان كان فيها شر لك بيوافق ان شاء الله ويرد لك عربونك كامل

الله يعينك العربون ما يرجع الا اذا راعي المعرض طيب وابن حلال غيره انسى العربون