وش الافضل بين شركات التقسيط لسيارات انا باخذ سياره

يبيلك واحد شغال فكل الشركات عشان يعطيك الافضل

اشوف انك تاخذ ورقه وقلم  وتروح لليسر وابو جميل وباقي الشركات كلها
تحسب كم القسط وكم النسبه و و و و  و 

بعدين تقرر وش الانسب لك

وعليكم السلام ورحمه الله وبركاته ،

افضل الحلول البنك ، والا اليسر وابوجميل واي وكالة سيارات تأخذ نسبه عاليه جدا جداً 

الله يرزقك السياره اللي تتمنى ، ب التوفيق

انتظر عروض رمضان ان شاء الله
ثم شف كل العروض ... واختر الي يناسبك

نصيحه ابعد عن ابو جميل 

من ناحية ماذا ؟  
من ناحية السعر فاشوف الراجحي النسبة 6.25  ثم الاهلي 7.5  ثم اليسر 8.5  وابعد عن شركة تاجير وعبداللطيف جميل 
نسبتهم عالية تاجير 11  وعبداللطيف توصل 12   لكن وقت العروض تاصل احياننا الى 8 في المية لانه ينقص في قيمتها كاش كثير 
بالنسبة للراجحي تامينهم تكافل الراجحي ويكون عليك نسبة تحمل كبيرة حسب قيمة التصليح وعيبة عدم التنازل 
عبداللطيف ميزته الوحيدة يعطيك سيارة حتى لو عليك التزام في سمه لكن يوقعك على شيكات لو ماسددت يقدر يسجنك 

اذا قدرت عن طريق البنك ترى اقل نسبة و خصوصا بعض البنوك مثل العربي 

ولا يشترطون بعض البنك تحويل الراتب 

شوف عندنا معرض توكيلا الجزيرة (( او التوكيلات العالمية والله ماذكر )) بالدمام ؛ المهم انه فيه مكاتب لحقين شركات تاجير السيارات والبنوك ؛ تلقى اليسر وتاجير والعربي والاهلي والرياض 

انت شوف لك صالة عرض زي كدا ادخل عندهم ؛ وعادي تسالهم عن سيارة معرض ثاني ؛ هو اصلا موظف بنك او شركة تاجير مايهمه تاخذ السيارة من المعرض اللي هو فيه او لا ؛ 

تريحك من الفرفرة ؛ وعموما البنوك الاقل في النسبة ؛ لكن بشكل عام العروض هي الافضل ؛ مثال ؛ اذكر بنك الرياض كان عنده عرض بدون دفعة ونسبة اقل اذا اخذت من كيا ؛ وحاليا العربي عنده عرض مع كيا ؛ والراجحي عنده عروض مع الوعلان وكذا ؛ ف افضل شي انتظر العروض رمضان قرب باذن الله وتتيسر الامور  

انا انصحك بالتقسيط والبعد عن التأجير 

التأجير فوائد عالية والسيارة بإسم الشركة ولا ترتاح نفسياً 

خذ لك قرض شخصي بفوائد قليلة واشتر السيارة كاش

وياحبيب قلبي انتبه للشروط ؛ الراجحي مافيه تنازل ؛ يعني مافيه فكه ؛ ادخل موضوع اخونا شاقح بارك الله فيك افادني كثير:) ويمكن هو مايدري كاتبة من سنة ونص ؛ لكن بموازين حسناته ان شاء االله :) 

http://montada.haraj.com.sa/9858 

عبداللطيف جميل (المتحدة للتقسيط) صحيح نسبته عاليه الا انه الأفضل شفافيه واضحة مافيه مرمطه ولا لف ودوران انتظم في السداد تأخذ حقك وافي كل الشركات تطرد وراهم لاقدر الله صدمه او عطل ما او خلل تصنيعي الوكاله عندهم والسمكرة عندهم عن تجربه تدفع 1000 ريال وسلم السيارة ويجيك رد وتقرير عنها اما الشركات من خصمك وتروح لمن وتترك من انا ما انصح بهم الا اشوف انهم الأفضل

تبي الراي الصحيح اكتب في محرك البحث عن أي شركة بتحصل الكل يذم مافيه احد يمدح والا مر راججع لك

التأجير راح ياخذون فوايد كثيره لكن لو تاخذ قرض وتدور سياره على راحتك افضل

وافضل بنك ماياخذ نسبه العربي والسعودي الفرنسي والانماء

اخذ قرض من البنك هو الافضل والا قل خساره فرق كبير جدا


بنك الراجحي ممتاز ونسبه مقبوله ويعبه عدم التنازل اذا مالك نيه تنازل او تبدل سياره

هو الافضل


واخير ابو جميل اسرع واسهل اجراءات وسيارات ممتازه لاكن سعه غالي التامين جيد والصيانه جيده ولاكن مزعج في الاقساط لو تتاخر يوم بدون ما تستاذنهم اتصلو على كل الارقام المسجله وغير المسجله