هل على ترهيم شكل الهلي من 1999 الى 2005 قسيمه ؟؟؟

مادري هل تندرج تحت التعديل او طمس المعالم المعرفة للسيارة لكن:
مخالفات الفئة الأولى والتدابير الإضافية التي يمكن إتخاذها حيالها




العقوبات المقررة لهذه المخالفات (غرامة مالية لا تقل عن خمسمائة ريال ولا تزيد على تسعمائة ريال ، أو بحجز المركبة مع الغرامة).

-طمس أو محاولة طمس المعالم الخاصة بالتعريف بالمركبة ( مع حجز المركبة حتى إزالة المخالفة ) .




مخالفات الفئة الثانية والتدابير الإضافية التي يمكن إتخاذها حيالها:

-إجراء أي تعديل أو إضافة على هيكل أو جسم المركبة بدون اتخاذ الإجراءات النظامية ( مع حجز المركبة حتى إزالة المخالفة ) .

العقوبات المقررة لهذه المخالفات (غرامة مالية لا تقل عن ثلاثمائة ريال ولا تزيد على خمسمائة ريال ، أو بحجز المركبة مع الغرامة).

ايه ، عليها قسيمة "تغيير ملامح الســيارة" ، بس على حسب العسكري ونفسيته ،

مثلاً في الباحة ، - وبدون مبالغة - لو تغير فقط شبك السيارة يعطونك مخالفة، وبعضهم لو تركب جنوط زينة يعطيك قسيمة، والأغلبية يمشونك،

وفقك الله ...

انا باخلي اللشطرطونات بس الواجهه 

مااعتقد فيها مخالفه

المخالفه زي اللي يقلب واجهة الموتر من سوناتا لوجهية مرسدس او تغير ملامح السياره لخلفيه موتر نوع ثاني

فيه عندك اصحاب الكوامري 2000 يقلبون خلفيتها ل 2002 وعادي محد قالهم شيء اغلبهم

وعندك حقين الونيتات والدرباويه يقلب ونيت 99 الى الشكل الجديد الواجهه

اهم شيء نفس الموتر التغيير من موديل لموديل مافيه مشكله بس من تويوتا لنيسان هنا مشكله

واذا تبي تقطع الشك باليقين روح اي مرور واسئل علشان ترتاح نفسيا

بس انا شوف انه عادي بحكم اللي اشوفه بالشارع واغلبهم شغل توليف بالمواتر

خويي معه هايلكس 2006 حاط شطرطون (خط) 2011 وكان معدي مع نقطة تفتيش وهم يمرمطونه وحجز وبلاوي لين قرش الشطرطون ,
مع اني اتوقع ان النظام زي ماقالوا الأخوة اللي فوق

اذا تغير الخط فقط عليه قسيمه تغيير ملامح المركبه والتغبيره عليها قسيمه ايضا فامابالك تغيير شكل السياره بالكامل

عااادي جدا مااتوقع احد بيقول لك شي واصلا مااحد بيدقق لانها فرق بسيط كبوت وانوار وصدام واصلا يشبهن بعض 

مثلها واحد مغير الشبك والاصطبات تغير

ياحبكم في هذا السيارات 

ما اتوقع ان عليه مخالفة  انا عندي شاص 98 مرهم 2004 وجهية وخط ولا عمري اخذت مخالفة 
انا اعرف المخالفه اذا معك سياره ورهمتها سيره ثانيه مثل بعض الشباب يرهمون وجهية الكامري 
2002 لمرسيدس 

رهم وما عليك من احد

عليها حجز ومخالفة

مخالفه واحد من الربع معه شاص 2014 مغير شريطه وشبك 2016 مرتين يمسكونه كل مخالفه ب800 والثالثه يقولون حجز مركبه