استشارة اخويه منكم في شراء سيارة تمويل البنوك
4
1
إضغط هنا للإخفاء
السلام عليكم ورحمة الله ..
اخواني ولله الحمد انا متزوج لي تقريبا اربع شهور والحمدالله وكما تعرفون ( ديون الزواج قرض وبنك تسليف )
وعندي كامري 2005 وسببت لي مشاكل لا يعلمها الا الله وخاصة اني حديث الزواج ف كم مره خربت مزينتني
للعلم ان تم مكفائتي من العمل بمبلغ جيد .. والسياره شمتها وخربت وصلحتها بالمبلغ كامل واانا اصبر واقول الحمدالله على كل حال ماهي مكتوبه من نصيبي
المصيبه ان قبل امس ارتفعت حراره السياره فوق النصف بشرطه . وانتم عارفين وضع الجو عندنا كيف وقفت وشفت مروحة المكينه طافيه .. وعلى طول رحت غيرت المروحه وطفيت المكيف وانا امشي
ولكن للاسف يوم صلحتها ضلت الحراره ويوم سالت قال راس المكينه .. هنا قلت وقف خلاص تعبت نفسيا ببيعها لو تجيب ريال .. ( خسارتي فيها خلال 4 سنوات فوق 28 الف توظيف وقير جديد وعكوس وشغلات كثيره )
سوال اخواني
كامري 2005 اتوماتيك ونوافذ نص اتوماتيك ؟ علما انها ليست نظيفة البدي بحكم اني كديتها بالخطوط 4 سنوات ولكن لم يحصل لها صدوم فقط خدوش ودقشات ورشات تجملية
كم تسوى الان وراس المكينة تعبان
ثانيا .. انا ببهدل روحي بقرض ثالث محتاج للسياره ومالي . غير تويوتا المتحده ( لان مالهم دخل في سما ) .. يارس او كورلا او احد من اخواني بيخذ تمويل سيارات من العربي بخذ مازدا 6 ( طبعا ماقدر انا لان راتبي ثلثه قرض من البنك ) ؟
ونصحيتكم ياخوان ..
في الخيارات الي طرحتها فوق
ونصيحة للي بيتزوجون خذ سياره جديده قبل ماتفكر الزواج .. والله انا اكلت تببن بعد الزواج حتى نفسيا . كمعرس جديد تتبهدل
كم سفره راحت وكم اشياء راحت بسبب .. هالسياره
إبلاغ
الردود
بعت الكامري بعد ما صلحتها
ومعي سيارة اخوي استعملها وامشي نفسي فيها
وزدت على قيمة الكامري سلف من اخوي
وابي اخذ مازدا ان شاء الله جديدة وافتك من وجع الراس كله
ولم افكر بالتاجير المنتهي بالتمليك ياخي يقصبونك بالسعر وبالاخير انت الخسران
شف الكامري كم تجيب وحاول تتسلف واذا ما قدرت
شفلك شايب يسلفك وياكثرهم اهم شي ابتعد عن التاجير
وكل شخص هو اعلم بوضعه المادي
والله يوفقك
2
0
زودن على كذا قسط موتر والله ماانصحك تسوي كذا
اكثر من الاستغفار ترا الاستغفار مفتاح الرزق
وحاول قد ماتقدر تزود على قيمة الكامري وتشتري لك موتر ثاني لو مستعمل بس يكون احسن من الكامري
3
0
ما اعتقد ان المشكلة براس المكينة
شوف ورشة ثانية
لما كان عندي كامري 2000 اكثر من مره امشي به و الحرارة H
ولا خرب عندي وانت تقول النصف و خرب !
حتى السوناتا 02 امشي بها و الحرارة H و مشغل المكيف
ولكن خرب علي الكمبريسور و ولف له كمبريسور كامري
اما من شان سيارة بديله ادا ما كنت تبع سفريات اشوف ان الاكسنت مناسبة
صبوره و قطع غيار رخيصه
2
2
لاتزيد الهم هم بالدين
ادري انك محبط نفسيا بسبب الديون وحالتك اغلبنا مرينا فيها وانا مريت فيها بعد
صلح الراس وبيع موترك السياره لاصار فيها خلل يكلف 1000 بينزلوها 3000
اتوقع اذا صلحت الراس ماتنزل عن 15000ويمكن اكثر
هالمبلغ حطه في فورد بشرط يكون نظيف حتى لو كان موديل 97-98-99-2000 تلقى بهالمبلغ ومش امورك لين يخف ضغط الراتب
2
0
وتسسددها له بأقساط ميسره ومقدور عليها ، واشتر لك موتر ثاني يمشيك وتنبسط ، ومن بعد
ماتتحسن حالتك الماديه اشتر الموتر اللي تبي ، الله يوفقك
1
0
بيع موترك وتسلف 10 الاف وخذ جديد وريح راسك من المستعمل وقروشته
2
0
1
0
ابعد عن الاقصاد خصوصا انك تقسط سياره صغييره
انا جمعت مببلغ 60 الف ولله الحمد بدون سلف ولا ريال واحد وهالحين اباخذ به فكتوريا 2011 ان شالله
وزواجي بعد 5 شهور من الان وشي طبيعي بدخل في ديون بنك وبنك التسليف و و الخ
بس يكون معي موتر كفو يكد 10 سنين لقدام وشيك بالجيب
ف اذا تبي نصيحة اخ ،، صلح موترك واقشعه ودور لك احد يسلفك مبلغ بسيط 15 الف وزوده على اللي معك وخذ لك يارس 2011 او كوريلا ورييح مخك من انك تقسط سياره جديده مدة 5 سنوات تطلع عليك فوق ال 80 الف وهي ماتسوا 30 الف
1
0
نصيحه اخويه ابعد عنها ..
حاول تصلح السياره وتبيعها في اقرب وقت وتجمع لك عليها مبلغ حلو وتنزل المعارض ..
وتشوف لك سياره مثل الالنترا او كورلا ..
بالتوفيق
1
0
الراس اخر شي ممكن تفكر فيه ونادر تصير المشكلة منه ، بعض الورش نصاب
وانا اتوقع المشكلة بسيطة جدًا
والسيارة اذا صلحت مشكلتها ممكن تجيب لك ١٧ الف تزيد ٣ او تنقص ٣ حسب النظافة، وممكن تجيب اكثر
والله يسهل امرك ويرزقك من واسع فضله
1
0
الله يوفقك ويفتح عليك ابواب رزقه ؛ وهينالك يالغلا بحثت عن الحلال واتعبت نفسك عشانه ؛ احتسب الاجر ؛
شوف حبيبي ؛ يمكن فعلا الراحة بعيد عن الديون ؛ لكن بحالة سيارتك والتصليحات يمكن لو متدين يكون احسن عالاقل تترتب الميزانية ؛
القرض الشخصي ؛ هو اللي يكون ٣٣٪ من راتبك ؛ اما الاجار المنتهي بالتمليك ؛ هذي ماتفرق كم رايح من راتبك قرض ؛ عرفت ؛ لانه ايجار فحالة عدم السداد ياخذون سيارتهم ؛ مالهم شي عندك ولا لك شي عندهم؛
؛ يمكن يزيدون عليك الدفعة الاولى شي بسيط حسب سعر السيارة واجمالي راتبك ؛
تقريبا اي بنك يقبل يعطيك سيارة ايجار منتهي بالتمليك ؛(( الا اذا كنت متعثر في السداد )) وتم تسجيل ملاحظة عليك في سمة ؛
واغلب اللي يلجأون لعبداللطيف جميل ؛ لانهم كانو متعثرين قبل ؛ ولا لو منتظم ف السداد اي بنك واي شركة تقبلك ؛ والبنوك نسبتهم اقل ؛ العربي الاقل نسبة ؛ والراجحي مافيه تنازل ؛ وعندك الاهلي خيار متاح ؛ هذا الي يحضرني ؛
انتظر رمضان وان شاء الله تحصل عروض حلوة ؛ ويبقى لك طبعا الحل انك تزود على فلوس الكامري وتاخذ لك سيارة صغنتوته كاش ؛ تمشيك اول سنوات الزواج بالراحة ان شاء الله ؛
بالتوفيق :)
1
0
فيما بعد والحمدالله فعلا ارتحت وخف شوي الضغط النفسي
لكن .. نرجع لمشكلة السياره الحراره .. انا حبيت اصلحها وابيعها علشان على الاقل تزيد شوي من قيمتها لكن شكله بابيعها بخرابها لان مالقيت حل
غيرت المروحه .. نفس الحراره
غيرت الحساس المروحه نفس الشي ( للعلم الحراره فوق النصف شغلت مكيف ماشتغلت نفس الشي فوق النصف ويثبت وينزل اذ بردت السياره للعلم السياره حاره والمراوح يشتغلن خلال 10 ثواني ويطفون
ورحت فوق 6 ورشات وكل واحد يحدني على ورشة ثانيه ... ومالي الا فحص من هالورش الكبيره
للعلم قريت وفريت احس مافي احد عنده هالمشكله الا انا .. للعلم السياره دايم حاره واحس اني بخربها من كثر روحتي وجياتي عليها والحراره فوق النص
وطبعا ماخفيكم جربت طريقة اشوف راس المكينه خرب ولا لا .. السياره ماتغير المويه ولا تنسم مويتها ولا خلطت مويه وزيت ولا تدفع هواء من الراديتر ..
والي صلحتها المروحه وحساس الحراره ... ولا مستعد ادفع عليها اكثر الا اذ شي بسيط اما راس مكينه تبطي ببيعها حص عموما الي حاب
يشوف صورة الحراره شلون صايره عندي يشوف هالرابط
http://im88.gulfup.com/X9pFtJ.jpg
1
0
لكن هل تزيد معك الحرارة والسيارة واقفه؟ والا ثابته بنفس الصورة ؟
والسيارة قير تماتيك والا عادي؟
0
0
فوض أمرك لله
أن شاء الله تنحل مشكلتك وهذي الدنيا ياخوك تتعب وبعدها أن شاء الله ترتاح وتضبط أمورك
لكن خل أملك بالله كبير وقول بكره أحسن أن شاء الله
نزل الكامري الصناعيه أو أعرضها بموقع حراج وشوف كم تجيب لك
قبل 9 سنه و 10 شهر