الاستمارة مجددة .. هل نحتاج ورقة الفحص الدوري لاتمام البيع ؟

في ظل التخلف اللي عايشين فيه رغم التطورات حولنا

لازم العسكري يشوف ورقة الفحص بنفسه

ما ادري ليش ما تكون موجودة بالجهاز قدامه تاريخ الفحص و إنتهاء الفحص

وحتى لو اضطر انه يسوي لها طباعة من عنده ولا شغل التخلف اللي صاير

الفحص الدوري موجود في نظام المرور وتقدر تنقل اذا كنت فاحص السيارة

اخوي خلك من كلام السعه وخذ الكلام الصحيح 

مستحيل تتم المبايعه بدون ورقة الفحص واللي يقول الفحص موجود بنظام المرور مع احترامي له هذا متكي وقاعد يتكلم 

وهو مايدري وين الله حاطه مع احترامي له ناس كثير يفتون من راسهم ويودون خلق الله في داهيه 

اخوي اسمع مني رح للفحص الدوري  وقل ابي فحص بدل فاقد راح يطلع معك الموظف ويناظر بلزقة الاستكر فيها رقم في الخلف

ياخذ الرقم والكود ويطلعلك بدل فاقد مجانا بدون رسوم 

ولا تتم المبايعه الا فيها مع الاسف وتقبل مروري

لاززم الفحص الا اذا عندك واسطة

فديرتنا ديرة الواسطة فوق القانون

غير كذا رح الفحص وطلع بدل فاقد وردد ياليل

تقدر تطلع بدل فاقد .. من محطه الفحص الدوري  
و الرسوم رخيصه 
انا سويتها بنفسي قبل كذا 

نقلت سيارة بمعرض بدون ورقة الفحص لكن الفحص ساري المفعول والتأمين

إذا تعرف صاحب معرض أو أحد يشتغل في معرض أو المشتري يعرف أحد في معرض
 تقدر تنقل السيارة باسمه
عن طريق تجربه في مكه

اذا الفحص ساري ما يحتاج أوراق   نقل الملكية حاليا يتم بالمعارض ما للمرور دخل