ماهو افضل حمايه واجهيه السياره من السافي

تبي حل رخيص وتجدده كل فترة

جل الشعر اسمه شفا نوعية ممتازة تحطه العلبة سعرها 7 ريال تكفي وجة السياره 3 مرات بالراحه

تحطه وتتركة دقايق يصير صلب وناشف حتى بالمفتاح ما تحك البوية

واذا بغيت تشيله تصب عليه مويه ثواني وينزل من نفسه

هههههههههههه ديسلايك بكيفك لكن الطريقه فعلا مجربة ومقارنه بالشامبو و الفيري هي افضل منهم بكثير

ولونها شفاف حتى الانوار ما تأثر عليها بالاضاءة وطريقة صدقني رائعة

ابو عبدالله انت جربتها ؟ ...

والله العظيم مجربها كثير ومثل ما ذكرت لكم لكن النوع اللي اسمه شفا هو افضل نوع وبارد على البوية

تحطه على كامل الوجة حتى الانوار وبعد دقايق مع الهواء يصير جامد ما يتأثر مع السافي ابدا

واذا وصلت غسلة بماء فقط ينزل بكل سهولة وحتى لو حطيته ما يشوه منظر السياره مثل الفيري

ما تلاحظ ان الوجه عليه شيء الا بالتدقيق

جرب العلبة الصغيرة سعرها تقريبا 4 ريال ما بتخسر تكفيك مره وحده حتى قبل ما تسافر

جربها على الوجه وخلها لو ساعه وشوف كيف لو ناسبتك او غسلها كلها 4 ريال

تحصل الجل هذا عند محلات ابو ريالين و بالصيدليات وبأغلب السوبرماركت

ياخوك فيه استكرات للحمايه اذا موترك وكاله لانه غالي

اما إذا الموتر شوي قديم خله على ماهو لاني قد حطيت فيري لعب بالوجهيه خصوصاً الشمعات أعدمها

وعليكم السلام و رحمة الله و بركاته

أهم علاج لتجنب السافي أو الترميل 

# لا تمشي إذا كان الجووو سيء و إذا تقدر تأجل سفرتك أفضل.

# لا تمشي الظهر أو العصر و دع ممشاك صباح أو ليل لأنه السافي يخف كثيراً في هذه الأوقات

# لا تسرع ١٢٠ ك.س طيبة بالحيل ، و إذا فيه هواء و سوافي لا تتعدى ٩٠ / ١٠٠ك.س 

و لا أنصحك باللصقات و الكلام الفاضي ترى الشغلة كلها كذب و ضحك ع هالعالم

حط فيري أو جرب طريقة أو عبد الله أو فصل برقع ب ١٠٠ ريال، و توكل على الله

بالتوفيق ،،،

طريقة ابو عبدالله ممتازه 
بس عندي سؤال
 العلبة التغبيره الحديد ابو 15 ريال هل فيها اضرار على بدي السيارة في الخطوط ؟؟

اي علبة تقصد ما فهمت عليك 

التغبيرة بالغالب ما تعجبني لانها ما تتغسل تبقى لها بقايا بالاماكن الصعبه ما تروح

لكن فيه عند محلات الزينه بخاخ شفاف تبخه على الوجه سعره 20 ريال وحولينها يكفي مره وحده

ممتاز وشفاف وحلو ولا له اثر

# البرقع احتمال مع سرعة السياره يفك عليك الكلبسات اللي ب الصدام ويطيره لك
# بخاخ التغبيره ، يشتكون منه لأن بعضها يبقع ب البودي وصعب يطلع
# الفيري يعدم عليك الشمعات والانوار

حمايه للوجهيه من احدى الشركات اللي تسوي حمايه ، افضل السيئين 

تروح وترجع ب السلامه ، 

افضل حل
ركب استيكر نوعيه رخيصه الي 150 ريال واول ماتوصل بالسلامه فكها
او خذلك 3 متر ستيكر شفاف من المكتبه نوع بالجيكي او الماني ومايتعدى
سعر المتر 10 ريال ولصقها انت بنفسك صحيح بكون الشكل لك عليه بس
اول ماتوصل اقشعها ماياثر لاعبدي ولا عالشمعات
ولستيكر يحمي الوجهيه من الترميل لو عاسرعة 1000
لان حنا بعملنا لابغينا نحفر عالزجاج نغطيه بستيكر ونفرغ مكان النقش من لستيكر
ويضرب بالرمل تصور يحفر الزجاج ولا يحفر لستيكر

الشي الثاني لستيكر اذا جلس ايام بسيطه ماثر ابد

اما الي يقولونه الشركات ضمان سنتين هذا وياثر هذا خراط ياثر ونص وخمسه بعد

سفن اب مايبين ويزيل الأثر بسرعه

انصحك بالحامي تلقاه بالغرابي بااسم البرقع قيمته ١٥٠ الى ٢٠٠معا المرايا وحتى تلقى نفس لون سيارتك وسهل التركيب وغير مضر انا مفصله لجميع السيارات اللي عندنا في البيت وممتاز فيه ناس يركبون هذا الحامي الشفاف على الوجه غالي ولازم وكاله في الغرابي نفسه بس تجاري ويلزق على الكبوت وينصبون على الواحد بالضمان انصحك بالبرقع