استفسار عن تكلفة تغيير القماشات مع خرط 4 هوبات

الخرط بي 200 ريال مع التركيب والقماشات 4 من الوكالة 460 للجراند ماركيز 

خرط الهوبات من 15 الى 20 للهوب الواحد وشغل اليد 30 الى 50 وانت وشطارتك تقريبا 150 الى 200 وحاول تخرط الهوبات بره توفر سعر ولا تدفع اكثر من 200 ريال بالتوفيق بس لاتنسى تركب اقمشة اصلية عشان لاترجع لك المشكلة بعد فتره بسيطة وتطر تدفع من جديد

خرط الهوب من 10 الى 20 ريال ولا تخرط الا اذا الهوب غير مستوي...انت خذ الهوب ووديه بنفسك للمخرطه..
تغير الاقمشه من 30 الى 50 ولازم تكون ذيب وتكاسر...


عموما تركيبها سهل اذا ودك تصلح بنفسك...في شرح هنا بالمنتدى للاخ شاقح او المطلق. ..او اليوتيوب مليان شروح بالفيديو. ..

من واقع تجربه الخرط انا دايم اخرط ببريده والسعر للواحد 40 
يعني الاربعه ب 160 ودايم اخرطها بهذا السعر 

لاكن يوم رحت للرياض سالت واحد بكم خرط هوبين قدام قال ب 40 ريال 

يعني فرق نص القيمه 

اما تركيب الفحمات يختلف من شخص لاخر 

طقم قدام او ورى مره ركبت ب 30 ومره ب 40 وبالعاده ب 40 
وحصلت كذا واحد فوق 50 او 60 ريال 

طبعا سيارتي كامري 

خرط الهوبات كذبة صدقها الشعب
عمري ماخرطت الهوبات والحمد لله الامور تمام
لان الفحمات هي اللي تمسح الهوب مع مسك الفرامل و يطلع تمام
واذا الهوب فيه خشونه زايدة يتصنفر على خفيف
وشكرا

ياطويل العمر والسلامه ركبت الاقمشة عند مايز النهدي ب340 ريال
بالاضافة الى شد البريك مجانا ﻻنه خلاص فك الكفرات شغلتها بسيطه
يدخل مفك مربع في فتحة الهوب ويحرك فوق تحت لين ينشد
حاول الفلبيني عشان اخرط الهوبات ب120 طالعت في الهوبات ال4 
ماشاء الله لقيتها مرايه وناعمه ماتحتاج خرط واللي سمعته ان الاقمشه
الجديده تمسح الهوب وماتحتاج مخرطة باذن الله علما ان السيارة كامري
2011 اتوماتيك والورشة بجدة مايز النهدي مشروع الامير فواز 
الاجمالي 340 اجرة فك وتركيب الاقمشة مع شد البريك
اقمشة وكالة عبداللطيف جميل صناعة استرالية 530 التوتال 870 ريال
والحمدلله رجعت وكالة وﻻ صوت صفير في الهوبات ولاشي 
اتمنى اني افدتك -_^
ك

اولا جزاكم الله كل خير علي المعلومات القيمه وحابب استفسر اذا ركبت اقمشه فقط طبعا جبتها وكاله وبعدين مشيت بالسياره كيف اعرف انها ماتحتاج خرط يعني لما امسك فرامل الاقي السياره بتهتز يبقي كده ععيزه خرط?  وهل ينفع اخرط الهوبات بعد مامشيت بالسياره وركبت الفحمات? ?

اذا مافيه رجه وانت ماسك فرامل وماتسمع صوت صفير ان شاء الله امورك في السليم ونصيحة ﻻ تركب اقمشه
الا اصلي وانا ما خرطت الهوبات لقيتها نظيفه شوف الهوبات بالنظر تعرف
اذا تحتاج خرط تلاقي فيها خطوط محفورة ع خفيف في الهوب في دي 
الحاله تحتاج صنفره خفيفه بس
وماقلت نوع سيارتك واي مدينه

ركب الاقمشه بدون خرط دام ماطلع لك صوت صفير او احتكاك قماش بالهوب صوت كانك تفعص ورق بيدك لو طلع هاذا الصوت القماش تاكل لو ماطلع اي صوت غير الاقمشه لحالها بدون خرط لان الهوب ينتهي عمره بالخرط

انا امس 
سويت خرط هوبات مع صنفرة قماشات
قالي ب80ريال
وكاسرته الى 65ريال
طبعا اماميه بس
سيارتي هايلكس 2010غمارتين

ووووووووووووووووووووووين غالين كلكم

خرط الهوب الواحد ما يتعدا 15 ريال 

وتركيب الاقمشة كلها بنفس السعر امامية نفس طريقة فك الخلفية
السيارات الصغيرة افكها ب 20 الى 25 ريال للجهة الوحدة(يعني الامامية او الخلفية) يعني قدام و خلف ب40-50 ريال
ومثلها السيارات الكبيرة مثل الجمس ب30 الى 35 ريال يعني قدام و خلف ب 60-70 ريال
 وتضيف لها قيمة الخرط للهوب اللي يحتاج له خرط
واذا انت من الجنوب اجيك ونفكها سوا انا وياك
وفيه موضوع عن تغيير الاقمشة راح انزله وممكن اتاخر فيه لان عني مشكلة مع المرور
لكن تقدر تفتح اليوتيوب وتكتب اسم سيارتك بالانجليزي مع الموديل وتشوف كيف طريقتها سهلة مره

اخواني كم سعر فحمات(قماشات)
الجيب جي اكس ار مع خرط الهوبات
2014
وتحياتي للجميع

سعر قماش فرامل أمامي كرسيدا ٩٢

كم سعر اقمشة اماميه لوحده هايلوكس 2012
وكم اجرة التركيب
وكم سعر بواجي الماتور مع التركيب