محتار وربي اللي يساعدني يجزاه الجنه

الله ييسر امرك ويفتحها عليك ولكل من قال امييين.

الله يرزقك من واسع فضله

يارجال حتى لو ماهي مقطوعة والله إنها مكافئة الجوع

لها اكثر من 30 سنه وهي نفسها ما تغيرت غلاء المعيشه قطع الموظف اللي راتبه 7000

باقي كيف الطالب اللي يستلم 800 ولا 1000 وأهله أساساً محتاجين

الله المستعان

السلام عليكم ,,

ياعيوني ,, النت كله نصب اللي يقولك بورصه واللي يقولك اربح وانت فيي بيتك ومادري ايش ,, 

مالك مكسب فيه الاا اذا عندك امكانية تسوي موقع ,, برمجة ,, تصميم ,, ,, شغل حقيقي ,, اشياء تكون لك خبره فيها لكن بتحتاج فتره طويلة عشان تشتهر وتصير لك سمعة ,,

الحل الثاني بدل ما انت جالس عالنت ,, طلع سيارة ليموزين ,,  شوف اجرائاتها ع"النت" وروح اشتغل عليها بوقت فراغك والله يوفقك ويطرح بك البركة ,, 


ولك فيي صحابة رسول الله صلى الله عليه وسلم قدوة ,,

عبدالرحمن بن عوف قدم الى المدينة مع المهاجرين وقد آخى الرسول صلى الله عليه وسلم بين المهاجرين والانصار ففرض عليه سعد بن الربيع نصف ماله وثروته فأعتذر بلباقة وأدب قائلاً : (بارك الله في مالك وأهلك ولكن دلني على السوق) !

فأنطلق رضي الله عنه إلى سوق المدينة فباع وأشترى وأشترى وباع وما هو إلا زمن قصير فإذا با أبن عوف من أرباب الملايين !!

عندما توفي رحمه الله وارضاه ترك لزوجاته 3.200.000 دينار ,, نعم ,, ثلاثة ملايين ومائتا الف دينار !!

ذكرتني اخر سنة بالجامعة كنت بدون مكافأة صرفت الي وراي و دوني و تخرجت ما معي هللة 

بس الحمد لله ما تضيق الا تفرج اول ما تعينت ما معي ريال و الحين الحمد لله الوضع روعة و كل ماله يتحسن

عندي لك فكرة 

خذ لك تكسي وبتقولي التكاسي منتشرة وووالخ...

انت خلك مميز والفكرة .. طلع لك رقم ثاني وشغل الواتس فية وانشر الرقم لاكبر عدد ممكن واكتبة فكل مكان 
واللي يبي يروح مكان يراسلك على الواتس اب وتوصلة والله يرزقك وهالطريقة اتوقع لها نجاح خصوصاً 
لو مسكت زباين وسارو دايم معك ..

وفية شركة بدات ف الامارات والآن ف الرياض ومحصلة خير رغم ان سعرها مرتفع 
الفكرة انك تطلب التكسي عن طريق تطبيق ويجيك الى مكانك 

بس انت امكانياتك بسيطة انشر على الواتس والله يرزقك ويرزقنا 

اذا انت الك في التجارة البسيطه
مثل ساعات اقلام كبك اكسسوار
هاذي الحاجات فيها مكاسب حلوة
وتقدر تبيع وتشتري عن طريق حراج مثلا
وراس مالها بسيط

السلام عليكم نصيحة لك يا خوي شف لك شغله في الاجازة الاسبوعيه مثل سوق الخضره ولا تجارة الماشية مو شرط يكون عندك راس مال ابدء بتزيل والبيع للناس بعدها يكون لك راس مالك الخاص وتبدا تسترزق بالتوفيق

مطاعم الشركات عندها وظايف ورواتبها طيبة 

بالتوفيق 

الشيء اللي صرف علي لين تخرجت وتوظفت الليموزين 

شوف انا اشتغل وادرس من 2 ثانوي حتى الان 

والحين باقي شهر حق التطبيق للكلية واخذ الشهادة 

يعني اربعة سنوات تقريبا

الحمد لله على كل حال

كل شئ ارتفع سعره

خش البورصة

ولاتخش الان انتظر لين يصحح السوق لانه احتمال يجني ربحه باي لحظة

اكثر من الاستغفار وشوف الرزق الي يجيك

وانصحك تشتغل في مطاعم الشركات عندهم راتب ممتاز

او خذلك لموزين

أخوي تذكر هذه الايه 

( ومن يتق الله يجعل له مخرجا ) 

وأنصحك بالصدقه 

لا تهمل الصدقه والله أن الصدقه لها قصه طويله عريضه بحياتي ،، 

الصدقه الصدقه لا تنساها أهم شي بعد صلاتك وبر والديك 

استغفر تفرج في الدنيا والاخره)(أنا أشتغل في إكسسوارات الجوالات أخذ من البطحاء و أوزع على محلات الجوالات فيها ربح طيب طيب وخمسمية ريال تكفي رأس مال حتى أربع ميه شوي شوي أظمن لك في سنة إن شاء الله تصبح تاجر