التكسي كم يدخل يوميا

حسب شغلك والزحمة ممكن يطلع من 150 - 400 والسوناتا من احسن التكاسي بس لازم تكون نظيفة واذا قير عادي بتتعب

كم سعر سوناتا سياحي قير اتوماتيك

كم سعر سوناتا سياحي قير اتوماتيك

ما اعرف كم الدخل بس اتوقع سيارات تويوتا عمليه اكثر ومرغوبه عند البيع

وعليكم السلام ورحمة الله وبركاتة .

بالنسبه لدخل التكس اليومي طبعا أول شي علمه عند الله وتختلف من تكسي لتكسي في الرزق .. لاكن بعطيك نسبه قريبه الي هي :

من 100 - 300 ريال أو زود على حسب خبرتك في أماكن تواجد الزباين مثل الاسواق والمولات وسرعه توصيلك للزبون .

دخل تكس المطار اليومي .. مابين 200 - 500 ريال تزيد أوتنقص كل واحد ورزقه المقسوم .

أفضل سياراتين أجره حجم صغير :

النترا محرك 2000 سي سي قير عايدي سياحي وسعرها في الخمسينات تقريبا أرخص من الكورلا .

كيا سيراتو محرك 2000 سي سي قير عايدي وسعرها حدود 52000 ريال .. جيدة وخدومه مثل الالنترا .

بالنسبه للسيارات الوسط .. السوناتا والكامري ..... والله يرزقنا ويرزقك أخوي بالخير الكثير .

عاد انت  وجهد ومقدار همتك التكاسي الاجره فيها فلوس وخير كثير بس تحتاج انك تفضي نفسك 
واهم شيء انك تصبر وماتمل من اللفلفه وبما انك نويت اتمنى الله يوفقك ويرزقك
من حيث ﻻ تحتسب اما انواع السيارات اللي تكد ماشاء الله مملية الشوارع وبما
انك سعودي على ماعتقد تقدر تاخذ موديل قديم حسب مقدرتك الماليه
و ماينطبق عليك نظام الشركات على ماعتقد شركات الاجرة اجباري يغيروا
اسطول سياراتهم كل 3 وﻻ 4 سنوات 
ونصيحة ﻻ تبعد عن هونداي وكيا و تويوتا عندك مثلا الالنتراوالسوناتا والكامري 

ياحالي والله ان تدوخ من كثر ماتفر تفر تكسر وتكسر موترك عشان 10 و15 الحمدلله اذاعندك حق موترجديد فكللك محل خضارفي موقع احس من التاكسي والله مايكلفك المحل غيراجاره بس الموقع والولد الي شغال فيه اهم شي وشوف الخير احسن من الشغله المعفنه ذي تطلع معك اشكال استغفرالله بس مخانيث على قحيب و اجانب حتى يوم تاخذ الفلوس مقرفطه ملعن ابوها مبلوله عرق وريحته صاكقعه براسي ياشيخ افك الباب وقله انقلع انت و10الي معك معليش مابي احطمك بس شغله جربتها وماناسبتني بالمره وترى الناس مااااااااااااااتدفع اكثر من 10 يقعد يقللك 5ريال تبي ولا لا ؟ حتى مايكثر هرج يحسسك ات الي محتاجه موهوالي يدور تاكسي

توي بعت ليموزيني أمس 
والله لولا حاجتي المساه لقيمتها ما بعتها .
فيها خير كثير وكل يوم برزقه مارح يقدر يحدد لك الشخص الدخل اليومي 
بعض الأيام تصك 500 وأنت تضحك
وبعض الأيام تفرفر يا الله تطلع 50 وقيمة البنزين
لكن توكل الله ولا تتردد من واقع تجربة
أهم شئ أبعد عن الأحياء المشبوهه وتعرف تميز الشخص من نظره إذا شفت مو طبيعي لا تركبه .
وراح تقابل أشكال وأجناس ولكن توكل الله وأصبر وإن شاء الله تلقى كل خير 

تاكسي من
جده مكه جده ..
تدخل ذهب ..

في اليوم فوق 2000 ريال♥

ماضنتي يادلوع بابا فوق ٢٠٠٠ من جده لمكه

شف ياغالي الشغله فيها مواسم و فيه ايام ماتطلع حق عشاك
ولا تنسى ان المواسم زحمه
صح تلقى الراكب بسهوله لكن تحصل صعوبه بتوصيله
ويضيع وقتك ماتلحق تاخذ مشاويير ثانيه

لازم تكون ملم بالطرق والاختصارات والشوارع اللي ماتندخل
في بعض الاحيان

وموفق خير 
اغلب الناس تلقاه موظف واوقات الفراغ يطقطق على لموزين

انا ابغى في الرياض 
وأبي أقل شي اطلعه

انا بشتغل 8 ساعات في الليل وفي عطلة الاسبوع بشتغل 15 ساعه
كم تطلع

عليك با اهبريم التركي خابر معه لموزين وخبره 

وبالنبسه يلي يقول جده مكه جده 2000 ريال يخوي راجع حسباتك اذا كان يحملون من مكه بعشرة النفر والسيارة تشيل خمس انفار لو نقول يعني 50 ريال كم رد بيصك بياليوم 

تطلع من 100 ريال الى 300 ريال باليوم وافضل سياره النترا بس لازم المكينه 2000 سي سي عشان تسير تكسي او كامري 2013 او 2014

خذلك النترا 2014 الشكل الجديد اوتوماتيك مكينة 2.0 ب53 الف في درة المعارض وربي يرزقك

فيه برنامج عبداللطيف باب رزق جميل ,, يعطيك سيارة ,, خذلك انوفا ,, كبيرة افضل واريح من الصغير ,, وبما انك سعودي مارح يحسب عليك فوائد بتاخذها بسعر الكاش عرفت بسس تقسيط ,, والله يوفقك يالغلا فيها رزق ^^ وتشتغل ع كيفك مافي دوام يحكمك ,,