اللي عنده خبره في الاندكروزر يدخل

2013 فل كامل شكله احلى وخاصة الواجهه الفي اكس اذا باخذه اخذ لكزس احسن سعره مبالغ فيه

الفرق بين الفكسار والجكسار علما بانني من ملاك الجكسار لكن حبيت اني ما انحاز لاي فئة الفرق هو:-
1-المراتب الجلدية
2-نظام التعليق
3- نظام الزحف
4- الهيدروليك
5- ازرار التحكم في التكييف الخلفي الكترونيه
6-الشاشة
7- غلق الابواب من الابواب الخلفية
8- التحكم في تشغيل المسجل والراديو والسي دي من السكان
9-الكاميرا الخلفية
10-فرش الارضية من القماش الفاخر
11-العدادت زينون مثل اللكزس
12- كراسي كهربائية
13- نظام تشغيل السيارة عن بعد
وفي موديل 2010 طبعا تغيرت الرنجات
وطبعا الفكسار كذلك موتر محافظ على سعره وله زباينه

نصيحه ثم نصيحه ثم نصيحه
لا تشتري الا بالفحص كمبيوتر كامل

كنت بشتري 2013 جي اكس ار 3 فل
ماشي 8 الاف فقط اكياس وكالته حتى رموته مكيس اخذت لفه وكنت ناوي اعربن فيه وشغلت المكيف والمفاجأه المكيف مايبرد حاولت يمين يسار دقيت على اهل الخبره في هالمواتر ولا فيه فايده نغزني قلبي ياولد احط 190 الف ومستخصر 450 ريال فحص
فقررت افحص وطلغت المصيبه تخيل الموتر جاه ضربه بالواجهه وصلت الا راس الماطور واتلفت ماحولها
ولما رجعت للشريطي حلف واقسم انه شاريه حراج ولا يدري عنه والمصيبه بعد شهر مريت المعارض ولقيت الجيب واقف ومركب عليه لوحه مميزه للترغيب ومنزل في سعره 2000 ريال فقط اقول للعامل افحص يقول حرام سوي فحص هذا جديد



فنصيحتي لك ولغيرك افحص ثم افحص ثم افحص

اكيد الفحص لابد منه 

لكن الافضل اخذ فكس ار موديل 2010 او 11 

ولا جي اكس ار 2013 ?? 


للي جرب وشاف 

جي اكس ار 2013 فل 8 سلندر خليجي اقل شيء  188 والسعودي 185

والجديد افضل اكيد

تاخذ 13 احسن من 11

بفلوسك ذي خذلك لكزز دي دي 2008 او 2009 ان حصلت

الله يرضى عليكم 

بنسبة لكزز مابيه 

وبنسبة للي يقول السعر ب 185 

انا باخذ من برا مو من السعودية 

وعارف الاسعار لكن ابي نصيحة 

اخذ الفكسار موديل قديم ولا الجكس ار موديل جديد 

مع العلم اني باخذه ماشي حدود ٦٠ الف 

خذ ال جي اكس ار الجديد ولا تاخذ شي قديم ، يعني موديل 2013 أحسن من 2010 و 2011 حتى لو كان الجديد ستاندر والقديم فل كامل ، خذ الشي اللي موديله جديد أحسن هذا من وجهة نظري ويفيدونك الشباب 

اذا انت راعي بر وطلعات كثيره خذ gxr  

اذا طلعاتك خفيفه خذ vxr

عيب الفي اكس حساسات واجد وهدروليك وخرابيط مايتحمل مطامر البران واذا خرب الهيدروليك يبيلك قرض من البنك عشان تصلحه

يعطيكم الف عافيه خلاص باخذ جي اكس ار باذن الله