أضف سؤال أو موضوع جديد          

مشكلة ارجو حلها -- وتحذير مهم من غسيل المكينة

up 15 down 2
الـرحـآآل 442
قبل 7 سنه و 4 شهر



السلام عليكم

--الجزء الاول --

عندي افالون 2004 قير اوتو نفس الكامري v6 واللكزس es300 والموتر ماعليه كلام اخذته (مخزن ) بكل ماتحملة الكلمة من معنى قبل 5 سنوات ( عام 2009 ) -- واستخدامي كلة سفريات المهم قبل 4 أشهر وانا عند البنشري اغير زيت كالعادة لاحظت سواد بزيت المكينة وانا من النوع الموسوس -- بعدها عرض علي البنشري منتج كان يقول عنه انه المنتج السحري وينضف المكينه ويرجعها وكاله
ومن هالكلام ووافقت ( على نياتي ) بعدها قفل سرة المكينة وحط جركل ابيض مكتوب فيه ( زيت غسيل ) وشغل السيارة 10 دقايق ونزل الزيت وطلع سواد شديد وقلت ببالي الحمد لله ليتني سويتها من زمان !!

من بعدها يا أخوان قسماً بجلال الله اني ماعد لقيت فالموتر خير نقص شديد بزيت المكينة وسواد بأول 200 كم بعد تغيير الزيت وقبل شهر بدا يدخن !!! قهر والله

-- الجزء الثاني -- (((( استفسااااااار )))))

المهم تلاحقت عمري ووضبت الموتر وخلصت تمرينة وضهرت لي مشكلة
القير يفضي ( يفصل ) من النمرة الثانية للثالثة ( كأنة يفكر قبل مايعشق للثالث بعدها ينتع ويفصل وافك دعسة الابنص ويلقم ) وعلى هالحالة والمشكلة ان بيني وبين اللي وضب الموتر قرابة الـ 400 كيلو والله يعين

هذي مشكلتي اتمنى حلها وأرحب بجميع المشاركات







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يكون في عونك وييسر امورك ويرجع موترك افضل من اول .


up 2 down 0
fasoly 125
قبل 7 سنه و 4 شهر



الله يعيينك وان شاءلله اكبر المصايب ..فعلاُ حَرك تبلش



up 2 down 0
talal abdullah 5421
قبل 7 سنه و 4 شهر



مرت علي نفس مشكلتك بالضبط حطيت زيت غسيل مكينة بعد مااغراني البنشري على  انو ينظف لي مكينة و و و و
وطبعاً الموتر صابونة 92م مكينة شد بلدها وجربوكس كمان  ماشاء الله
من بعد ماحطيت مرعلي اسبوعين وتبدا لي مشاكل من نقص زيت كل اسبوعين اشتري علبة
وتهريبات من كل جهة
حسبي الله عليهم



up 2 down 0
has90has 253
قبل 7 سنه و 4 شهر



نصيحة يا أخوان

لا تغترون بكلام بعض أصحاب الورش و محطات البنزين و غيار الزيوت 

ترى السوائل اللي عندهم سوائل تجارية الغرض منها تسويق و ربح سريع 

بعض هذه الأنواع من السوائل لا يضر و لا ينفع

و بعضها ضااار و ممكن يتسبب في إتلاف المحرك و طرمبة الزيت و البنزين

و البخاخات ووووو

أخوي الله يعوضك خير في خسايرك 

تقول أن السواد كان واضح في المكينة (  قبل وضع السائل )

أخوي هذا يدل على تأثر المكينة من طريقة التخزين الخاطئة للسيارة و للمحرك

لكن العين حق و أنا أتوقع و العلم عند الله سبحانه

سيارتك ٧٠٪ أصابتها عين لم تسمي و لم تذكر الله 

الإحتمالات كثيرة و واردة و الله يكون في عونك و عون الجميع


up 4 down 1
أبو جـود 2747
قبل 7 سنه و 4 شهر



أفضل و آمن طريقة لنظافة المحرك

هي كالتالي :

استبدال الزيت المناسب لسيارتك مع الفلتر الأصلي  كل مسافة ١٠٠٠ك.م 

حتى يقطع المحرك مسافة ٣٠٠٠ ك.م 

يعني تغير الزيت بالطريقة هذه ثلاث مرات متتالية و من عنده تصحيح أو معلومة يكتبها

كتب الله أجركم 


up 5 down 2
أبو جـود 2747
قبل 7 سنه و 4 شهر



الله يرحب بكم جميع .. وجزاكم الله كل خير

واتمنى الاجابة على الاستفسار بالجزء الثاني


up 0 down 1
الـرحـآآل 442
قبل 7 سنه و 4 شهر



ابوجود عطاكم العلم اصلا ماتوقع فيه شي اسمه تنظيف لداخل المكينه هذي حركه نصب من الورش ,منتج بلشوا فيه ويصرفونه

والله يعينك ي خوي ولايوريك في نفسك مكروه.


up 3 down 0
m11013 923
قبل 7 سنه و 4 شهر



اخوي تأكد من زيت القير والفلتر ومتى غيرته آخر مرة 
والله يعينك


up 1 down 0
ابوخلوودي1 5070
قبل 7 سنه و 4 شهر



المشكلة الثانية للقير
اكشف ع القير بالنظر ممكن حساس فصل ماكان ثابت او مكسور وقت التوضيييب
وانتبة حد يقلك غير زيت قير فجأه وانت ماشي عليه كثير
مثل ما سويت للمكينة بس بالعكس 

-القير "تضيف .. للزوجة عالية بالزيت الجديد . ما تتفاعل معه التروس وممكن يفرط و تتكسر 
ﻻنه تعود ع الزيت الموجودة الي مثل الموية 
-والمكينة "سحبت .. منها اللزوجة العالية الي كانت موجودة وتأثرت

بخصوص استخدام زيت الغسيل ..كان ما تسرعت بالتوضيب .. خيره الله يعوض عليك
في حلول تساعد ع حل التلف الي حصل .. بعد استخدام هذا الزيت هههههه السحري الي يتغير لونه واااو 

في زيوت ترميم ثقيييييييلة بنسبة قليلة وعالية اللزوجة زي كثافة العسل
عند محلات ساكو ومحلات الزينة المضمونة . تختار العادي منها وتحط علبة وحددددة فقط كل 20.0000كم ..
او 5 تغييرات مع فلتر الزيت. وﻻ تزيد منه >> ﻻنه يقلب شحم ويسد ويعيق مرور الزيت الطبيعي

ﻻن زيت الغسيييييل
زيت لونه شفااااف.. اكيد بيتغير للونه مع اختلاطة مع زيت ذهبي او بني
والمصيبة اﻻعضم ....للزوجتة خفيفة جداااا عشان كذا مدة استخدامة 10دقايق او اقل

اسأل الي يعرضه عليك تخليه ساعة وشوف وش يرد لك بنفسة
تتاكل اﻻجزاء الداخلية لعدم وجود اللزوجة وترتفع الحرارة وتجييييم المكينة

وعملة (كنس كل الي بطريقة ومنها اللزووووجة (داخل جدران المكينة) .. .
وما ينفع بعدددده تستخدم الزيت العادي لحااااالة .
عشان كذا مع الوقت والمقاومة لحل فقدان الزوجة الي كانت موجودة داخل المكينة
مما سبب لك النقص واﻻحتراق بسرعة .
ﻻن صار عندك تلف لبعض القطع وهي الي غيرتها وقت التوضيب
كانت ماشية مع اللزوجة القديمة الي اختفت فجأه...


up 1 down 0
aziz..747.. 2421
قبل 7 سنه و 4 شهر



لاحول ولاقوة الابالله يخي بعض السعوديين الله يهديه يدخل سيارته يغير زيت ولايصلح يجيه العامل يقوله غير وسوي وحط ويصدقه المسكين هي الماكينه راحت والسبه الشنابر عندك بسبب الماده الخرى الي يقول عليها غسيل وبعدين انت تدري امنتجات الي تنباع في المحطات والبناشر مغشووووووووووووووووووووووووووووشه ماراح يجيبللك منتج اصلي كله تجاري في تجاري مضر ولاينفع حتى وانت تحط في سيارتك أي شي الله يهيدك حط منتج معروف مشهور اوبتغير شي يكون في مركز متخصص ومعروف اوبالوكاله رايحيلي عند ابويمن وقاعد يلعب بسيارتك وانت تصدقه يرحم امك هذاجاء من هناك وفي حياته يمكن مافتح كبوت سيارته ويجي يتعلم في سيارتكم لكن حلاله من لقى ناس زي كذا من حقه يسوي فيهم وعشان كذايتمادون الف مره وانقول انتبهو لااحد يسوي شي في سيارته بدون مايستشير اذاماعنده خبره كافيه والله يعينك هي البلاوي لاجات تجي مره وحده ماكينه وبعدها قير الله يكون بالعون


up 1 down 2
العميل z1 -41
قبل 7 سنه و 4 شهر



فعلا انا معاي كابرس ومن بعد ماغسلت المكينه والعزم طاح وكذابين البنشريين لاتصدقوهم


up 0 down 0
sory30 62
قبل 7 سنه و 4 شهر



حسبنا الله ونعم الوكيل ..
وأنا أقول اش فيها المكينة !!!
قال غسيل قال !
حسبنا الله ونعم الوكيل ...............


up 0 down 0
أبو شيماء 163
قبل 7 سنه و 4 شهر



حسبنا الله ونعم الوكيل 
الرجا من الاخوان عدم وضع اي منتجات  تنظيف وغيرها داخل المكينة او داخل خزان البنزين اي منتج لانه يعود بخلل 
٢- بالنسبة لمشكلة القير يمسك بنمرة ولايعشق علطول افحص حساس tbs موجود في الثروتل او البوابة مهمته يوزن التعاشيق قد يحتاج وزن الحساس او تغيير
بالتوفيق


up 1 down 0
متميز جدا 227
قبل 7 سنه و 4 شهر



اخوي اذ تبي المكينة تنظف سو مثلي كل 4-5 تغيرات اركب زيت نفس اللي اغيره 

ومن بكرا اغيره تطلع اوساخ الله يكرمك ويكرم السامعين اما ويت دركسون وزيوت مغشوشه 

وتجاريه والا سائل خاص هذي كلها امور تؤدي الى التوظيب


up 0 down 1
fahadlfc 314
قبل 7 سنه و 4 شهر



القارئين تعديل ^_^'.. 


up 0 down 1
fahadlfc 314
قبل 7 سنه و 4 شهر



مشكلة القير من متى  طلعت معك لا يكون بعد توضيب المكينه ؟؟ اذا بعد التوضيب هذي مصيبه 

اذا كان قيرك سليم قبل توضيب المكينه وبعد توضيب المكينه انهبل 

الله العالم انه غير قيرك بقير ثاني وهالسالفه حصلت مع ناس كثير 

عاد انت رح لمركز قريب منك وقول له هل القير مفكوك قبل او مغير اذا قال ايه روح ومعك الشرطه للورشه والعن جدفه وخله يرجع قيرك 

وبالنسبه لغسيل المكينه احسن الله عزاك في مويترك 


up 4 down 0
camry grandi 99 7274
قبل 7 سنه و 4 شهر



افحص حساسات القير… 


up 0 down 0
asalami 2180
قبل 7 سنه و 4 شهر



لا حول ولا قوة الا بالله ,, ياخي قسسسم شي يقهر ,, 

المشكلة لو ناكلها ونسكت يجي غيرنا بياكلها مثلنا !! لازم التغيير يبدا مننا يا اخوان ونشتكي عند الجهات الرسمية ,, البلدية الغرفة التجارية وزارة التجارة واللي يكون !! 

اذا ماساهمنا فيي وضع حد للغش التجاري واكل حقوق الناس ,, بنكون مساهمين فيي الغش بسكوتنا عنه ,, والساكت عن الحق شيطان اخرس ,, 

انت ياخوي ماقصرت بارك الله فيك جيت نبهتنا وعلمتنا خفت علينا ,, بعد لازم تصور المنتج وتجمع الادلة وتبلغ وزارة التجارة والله يوفقك ويقويك واحتسبها اجر عند الله انك ممكن تكون انقذت مواطن ثاني من غش وفساد الورش هاذي 


up 1 down 0
سآآآل 318
قبل 7 سنه و 4 شهر



الله يعينك 
عند اخوي فورد ونفس المشكله ... الله يوفقك ولازم تشهر به عشان الناس ينتبهون .


up 0 down 0
hidreams 2
قبل 7 سنه و 2 شهر