قصة حادث .. للعبرة .

53 4

لايمكنك التصويت حتى الحصول على 20 نقطة على الأقل
إضغط هنا للإخفاء

مستر بن . 10377
قبل 10 سنه و 6 شهر

السلام عليكم ورحمة الله وبركاتة .

صبحكم الله ومساكم بكل خير وعافيه .. كيف الشباب الطيبين .. إن شاء الله بأحسن حال .

حبيت أحكي عليكم قصه حادث صغيره لاكن معبرة .. صارالحادث قدام عيني .. يعني الموضوع لامنقول ولاشي .

كنت ماشي أتقضى مشاويري كالعادة في طريق عام .

شوي وأشوف وخلال ثواني سبحان الله .. كرسيدا موديل 90 بيضاء تميل من مسارها وتضرب في الحاجز

الإسمنتي من دون طرف ثاني أو شي .. كأنه واحد نام وهو يسوق وحذف موترة ..

إلي صار ان الكفرات ركبت الحاجز و قلبت الموتر على سقفة قلبه واحدة .

طبعا ستر الله إن صاحب الكرسيدا (( رجل كبير في العمر)) ماهو بمسرع والا كان قلب أكثرمن مره .

وقفت على طول جنب الطريق ونزلت أعدي على الموتر والبشر تجمعت في ثواني سبحان الله .

وبفضل الله إن صاحب الكرسيدا يتحرك يعني حي .

قام الجمهورعدلو الموتر وخرجوا صاحب الكرسيدا والحمدلله ما صابه الا جرح بسيط فوق خشمه لأنه يرتدي نظارة .

طبعا السيارة انعدمت سقفها انغفص غير كفراتها كل واحد موجه عكس الثاني .

المهم الرجال صاحب الموتر ارتاح شوي وبعدها تكلم مع الناس وقال لهم (( أن السكر .. الله يكفينا شره إرتفع

عليه وهو يسوقو )) وبعدها أغشي عليه وحذف الموتر وهو مايدري وصار الي صار .

وبعدها سمعته يقول وهو مقهور (( كلو منو قلتلو تعال وديني المستشفى قالي ماني فاضي !!!!!!!!!

أنا تعجبت لاكن ماعرفت يقصد من (( ولده - أخوه - سائق أجنبي )) أي كان كلهم غلطانين عشان الرجل

تعبان والي طلبه يوصله ماقدر يوصله المستشفى .. وصار له حادث وموتره الحيله والحمد لله على سلامته

والحديد يتعوض ..... الهدف من موضوعي .

1- اذا احتاج منك مريض خدمه توصيل لمشفى (( الله يشفي كل مريض ولايحدهم الا لوجهه الكريم )) فلا تقصر معاه سواء كان (( أبوك - أخوك - صديقكك - جارك - ماتعرفه ولايعرفك )) .

2- اذا كنت مريض وتحتاج نقل لمشفى لاتسوق سيارة وتعرض نفسك وغيرك للخطر
أما أنك تروح بتاكسي اذا ملقيت أحد يوصلك أو ... إتصل على الهلال الأحمر وهو يجيك لحدك .
.......................................

أتمنا فهمتم قصدي وشكرا لكل من يزور موضوعي .. وموفقين .

إبلاغ

الردود