للي يعرف اسعار vxr اماراتي يدخل ضروري

شوف عن واقع تجربه

انا شريت جمس يوكن دينالي من الامارات عام 2012 وكان الموتر موديله 2009

كان فيه مصدوم ومصلح واخذته على وقته بفرق 30 الف ريال 

ويوم وصل السعوديه سويت لها صيانه بحدود 15 الف ريال !! , لانه كان واقف فتره , وكانت الكفرات محبله وطقيت له طقم ب 4الاف ريال مقاس 20 يوكوهاما , 

وكان فيه خرابات , المسجل ما يشتغل , الانوار الاماميه تجاريه , الحساسات الخلفيه ما تشتغل , الاسطبات الخلفيه تم تغيرها , الطبلون خربان , تنسيم بالباب الايمن , بطانه الرفرف مسروقه , الفريون مخلص , 

الزبده طقيت فيه 15 الف والحمد لله رجع وكاله الوكاله وكان ماشي 15 الف , لكن وش استفدت بالله

وفرت صح 15 الف ريال تقريبا , لكن مو حقت البودي , لانه مصدوم ومصلح !!

فقلت ليتني زودت 15 او 20 الف وخذيت سعودي بودي بلد نظيف بدل هالتعب

وللعلم حصلت الدينالي النظيف هناك مثل اسعار السعودي النظيف

يعني السعودي كان على 130 الف ريال , حصلته بالامارات على 122 او 121 الف ريال

يعني مافيه فرق كبير

والجيب الفكس ار كذلك يمكن الفرق بالكثير 10 الاف

وماهي مستاهله سفره وتعب و يمكن جمارك ويمكن يكون فيه رشوش وانت غافل عنها

المهم تاكد انك تفحصه عند مركز موثوق لان بعض المراكز عندهم مضروبة ولا تكتشف الا اذا جبته الموتر هنا

انا مسعرها قبل اسبوع في الشارقة 
حصلت ٢٠١١ ب ١٢٨ الف درهم جاهز وواصل السعودية والجمرك ع المشتري
وحصلت ٢٠١٠ ب ١٢٠ تقريبا 
وسعرت اكثر من سيارة لكن ماتحضرني كل الاسعار لكثرتها لكن بشكل عام اشوف الاسعار مقاربة جدا
لاسعارها بالسعودية اذا حسبنا فرق العملة + الجمرك
لكن بصراحة اللي حسيت فيها فرق فعلي هي الكامري
فعلا رخيصة وموجودة بالهبل هناك

وانا اخوك اذا بتشتري جيب خذه من راعيه مباشر اماراتي ﻻن المعارض يا ينقصون عدادتها ياتكون من حقات المزادات ومجددة

الله يجزاكم خير على هالمعلومات 

لكن كم يبيلي يوم وانا ابحث ؟