ليه السيارات وارد آمريكا نظيفه

شوارع خالية من الحفر+ شعب واعي =سيارات نضيفه

شفت الاجواء , لا شمس تفقع الطبلون وتغير لونه 

لا غبار يوصخ سيارتهم من الداخل او الخارج فتكون بويتها نظيفه

شوارع مثل القزازه لا حفر ولا مطبات 

ما عندهم همج 

عندهم النظام نظام
\
مافيه قطع غيار صيني او تجاري

كلش اصلي وكاله

منتظمين في الصيانه الدوريه

الغرب بطبيعتهم شعب محافظ على املاكه لان الفلوس عنده اغلى من امه وابوه 

يالغالي انت وش يضمن لك ان السيارات ما صار فيها شي

اغلبها يصير لها حوادث قويه يقومون يصلحونها ويبيعونها للسعوديه 

وهذا شي لا يغيب عن كثير من الاعضاء وسبق ان نشرته الجرائد 

البعض يكون مختار بعناية و يكون نضيف فعلا و ممشاه معقول 
و كثير منها يكون متلاعب بها و معدلة بحيث يكون لها منضر يسر الناظرين و هي ما تسوى يكون مرجع عدادها او مسمكرة و مرشوشة ملعوب في المكينة او القير......الخ
و انا ما اشوفه منطق اني اقول كل السيارات استخدام امريكا افضل من استخدام سعودي 
السيارات الامريكية احيانا كثيرة تكون في اماكن ثلوج و امطار و حتى لو السيارة جديدة و مي ماشية كثير تلقى فيها صدا هذا غير الغرقان او المصدوم
و في السعودية في كثير محافضين على سياراتهم و تلقاها مثل الوكالة و في البعض الآخر قاضي عليها

و هذا رايي 

الاجواء عموما بالخليج صعبة اغلب الاوقات شمس قوية و غبار باكثر من شهر 

لو تلاحظ خاصة السيارات الاوربية تلاقي الشمعات بعد 5 سنوات كانها وكالة و عندنا بعد سنتين تلاقيها مشهبة

و طبعا المحافظة على السيارة عندهم غير عندنا دق سلف و امشي و ما تسوي صيانة الا اذا وقفت السيارة

يارجال يلعبون في حسبتها ويكرونها ويسون عليها تجارب على انواع الطرق الوعره والتغاريس والحصى اقصد سيارات الدفع الرباعي 

واذا خلصوا دخلوا السياره الوكاله وركبوا قطع وكاله لين تتماسك وبعدين يلمعونها من برا وجوا ويبيعونها 

على الصالات وتصدق انها نظيفه  شوفوا الروابط تحت وبتفهم كلامي 

http://www.youtube.com/watch?v=4dYv1a1DrK4

https://www.youtube.com/watch?v=bNlLnFjP_7Q

http://www.youtube.com/watch?v=QRgiIy_Xb_U

هناك فتاة يافعه تقود سيارة وهي رابطه حزام وكل صباح تغسل سيارتها . طبعا كلبها جوني يتبول دائما في مقعد خلفي . وتقود ماتتعدى٧٠ ميل . و حرارة طقس لديها  كحد اقصى ٢٤ c . اما عندك في سعوديه وشعبها المجيد .: تجد يقود سيارة وهو في مراهقه معه هايلوكس  يشرب شاهي/ قهوة  في درجه حرارة ٤٥ . طبعا مايعترف بوجود حفرة او مطب او عجوزة تريد تقطع طريق  . تجدة مستعجل في طريق يطلع على رصيف  . ويطبل طبلون طبعا لازم يسمع جرس سرعه .  وقس عليها 

3 اشياء بختصار وابدا بالاهم 

شوارع نضيفه وخاليه من الحفر والمطبات

شعب محافظ على املاكه وامﻻك دولته وهذي نقطه مهمه

اجواء رائعه وهاديه ﻻ حراره وﻻ غبار

بالنسبه لنا ولهم يتفوقون بنظافة الشوارع 
ولا الاستخدام واحد حنا وهم 
الصالات يكون في علمك عندهم تنجيد وتلميع وصيانه قبل العرض وهذي 100% متأكد منها 
وحتى بعض المعارض  ينجدون ويغيرون اللوان حتى الداخليه

أيضاً لا ننسى ان المواصفات الأمريكية وجوده الصناعه 
تتفوق بكثير من المواصفات السعوديه 

والله امس واحد يكلمني يقولي لقيت فورد ايدج نظيف 2011 للبيع في صاله
وعجبني ورحت فحصته طلع مصدوم .. قلت يمكن فيه شي غلط لان الموتر نظيف مره
وعطيت خويي بيانات السياره وشيك عليها طلع فعلا مصدوم بامريكا ومصلح وخليته ماخذيته

السيارات المستورده اغلبها مصدومه ويجيبونها هنا ويبيعونها ... انا مع رد الاخ معالم التقنيه
ومره قابلت واحد من زمان والله هالكلام
معه 3 فرود فكتوريا تاكسي نيويورك لونه اصفر جايبها بحالتها من امريكا والله انها مفقعه
ومنزلها في ورشه بصناعية الدمام يقولي هذي اصلح محركاتها واصبغها وانجدها من داخل وابيعها كنه اخو الجديد
والورشه اللي متعامل معها شغلها نظيف يطلعون السياره اخت الجديده والرجال شغال بيع فيها .. الدعوه بزنس تاخذ موتر مصدوم بسعر رخيص وتبيعه هنا بمكسب خيالي على انه نظيف

وفيه واحد سعودي شغال بالسيارات بس مو هنا بالامارات شفت له اعلان في حراج هنا
ياخذ سيارات من هناك مصدومه ويصلحها ويبيعها وحتى هو كاتبها بالاعلان ويحط صوره للصدمه وبعد التصليح ولك الحريه بالشراء حسب كلامه يقول ابراء للذمه وعنده سيارات واجد . الصالات نفس الكلام

الله يخلي موقع كارفكس وموقع اوتو تشك 
يطلع لك تاريخ السيارة كامل 

هم هناك يعاملون السيارة كانهم يعاملون كائن حي يعني يهتمون فيها يشوفون وش تحتاج شوارعهم ناعمه مافيه مطاب وحفر وجفر وصبات ناااااس تعرف تسوق هناااااك منظمين وثانيا منتظمين في الصيانة ... اما ربعنا وش تقول وش تخلي الا من رحم الله وحتى اللي محافظين مساكين يجونهم ناس يبلونهم يا يصدمونه ولا يرقونه رصيف الخ ....... وعلى طعم ذا السالفة والله ياخوان والله يشهد علي اني شاري سوناتا قبل 3 سنوات من صالة ركن الدوحة ماشيه 137 الف ميل يعني يوم حسبتها مطقطقه بحر 237 الف كيلو طلعت افحصها عضلاتها كلها شد بلد حتى المساعدات وكالة اداء مكينتها 98 ماشاء الله تبارك الله جلست معي 3 سنوات خطوط ودوام وكلية يوم جيت ابيعها اداء المكينة والبساتم في التسعين 92 على 91 كانت ماشيه 308 الف يوم ابيعها الكلام هاذا له شهرين تقريبا بس عز الله ان الامريكيات موااااتر ... بالتوفيق ياصاحب الموضوع

شوارع خالية من الحفر

والله انا ملاحظ هذا الشي كمان .. حتى باليوتيوب اشوف سيارات قديمه موديلها 2000 يفتح الكبوت ماتشوف غبار ابدا ..
والسيارة جديدة من الداخل والخارج حتى البويه نظيييييفه ..

الا قولوا  من قوة 
الشركاات المختصه
بالعنااايه بالسياارات

ترجعها جديده

وهذي مااعندنا مثلها
تلاحظوون ان البوويه 
مكحووته وسهل
خدشها

الغش والغشاشين بكل مكان هنا وفي امريكا ... لكن على الاقل بالغرب في نظام وزي ماحصل مع الاخ صاحب الايدج برقم الهيكل عرف تاريخ السيارة ، في عندهم مرجعية .. لكن البلى هنا كيف تعرف سمكره ورش وعليها الف يمين انها شد بلد .