اللي له خبره في تقسيط السيارات او يقسط في سياره يخش

انصحك ابتعد عن التاجير المنتهي بالتمليك لاني سمعت انها حرام لانها عقدين في عقد واحد

التاجير المنتهي بالتمليك محرم .
تقسيط السيارات العادي نادر و صعب تحصله و لازم معرفه.

ياشباب اللي ايده فالنار مو مثل اللي ايده فالماء

خلونا نكون واقعيين شوي
اذا راتبي 4500
وابي سياره تغنيني عن الورش وصيانة الوكالات
واذا سافرت اضمنها ماتتعطل وتخدمني 5 سنوات بدون مشاكل

لنفترض انا في شركه والشركه ماتسمحلي اخذ قرض او غير معتمده عند البنك

وش الحل فالموضوع ؟
ماعندي دخل مادي ثاني وهل انتظر سنه كامله بدون سياره على التاكسي عشان اجمع فلوس وفي الاخير اشتري مستعمل وارجع للورش !!!

دام الشركه او البنك معطينك فتوا من احد الشيوخ فخلاص يتحملها الشيخ اللي افتى فيها

او اعطونا حلولو للي اوضاعم صعبه !!!

صاحب الموضوع
عندك اكسنت يارس ممكن تلقى مديلات 2013 باقي فالوكاله عليها عروض وقسطها فحدود 1000

شاقح هذا دين ربي ما فيه نص تطبقه ونص لا

كلام شاقح 100 % 

اخوي كل الشركات التاجير حرامية ولكن افضل الحرامية واقل فائدة الراجحي --بسبب الراجحي ياخذ تامين السنه الاولى فقط
ولكن اذا تخاف من الحوادث وتبغى تامين ابعد عن الراجحي مثلا----هايلوكس 2014 قيمته 88 الف ---عند ابو جميل يحسب عليك 143 الف وقسط 2200 تقريبااااا-------الراجحي يحسبه لك 116 الف ولا كن تامين اول سنه فقط الراجحي اقل فائدة ولكن من ناحية التامين اسواء شركة

معروف ان التأجير قسطه الشهري اقل من التقسيط لكن فوائد التأجير دبل

وبخصوص سؤالك الـ1000 ريال هذي انت تحددها في الدفعه الاولى او الدفعه الاخيره

اذا ماعندك دفعه اولى فيه عرض بشركة اليسر اسمه 30 ريال يوميًا شوف السياره اللي تعجبك واضربها بـ30 يوم وشف اللي اقساطها حدود الـ1000

تفضل :
http://www.alyusr.com.sa/day-offer-price.htm

السلام عليكم ورحمة الله وبركاته : اخي راعي الهيونداي . تعرف وين مكان شركة اليسر اللي منزلة هذا العرض بالرياض . بحثت في النت على مكان الفرع الرئيسي بالرياض ما عرفت ادل الموقع ولا عرفت وين موجود . جزاك الله خيراً . اللهم اغفر لوالديّ وللمسلمين والمسلمات الاحياء منهم والاموات . دمتم بحفظ الله ورعايته سالمين

السلام عليكم ورحمة الله وبركاته : اخي الفاضل شكراً لك حصلت الافرع والمواقع دخلت على الرابط حصلت افرعهم بالرياض . شكراً لك .

موتره قصده الف ريال مالك الا يا اكسنت ولا الالنترا او انك تاخذ سوناتا بس تعطيهم دفعه بسيطة 10000 مثلا عشان ينزل القصد يصير في الف وفيها وبالنسبة للي يقول انه عقدين ماعقدين ترى مافيه شيخ بنفسه افتى انه محرم يقولون اذا قصدت الدفعة الاخيرة يكون محرم هاذا اللي سمعته وبعدين المثل يقول عند الضرورة تباح المحرمات يعني وش تبون الرجال يسوي يقضي حياته تكاسي ولا ياخذ موتر يصفق به في كل ورشة

ادخل موقع شركة اليسر مثلا فيه عندهم حاسبة متكامله
http://www.alyusr.com.sa/InstallPay-ar.php

وحاول تغير  بالدفعة الأولى والدفعه الأخيره وعدد السنوات لين ما توصل للقسط 1000
ملاحظه:
الدفعة الأولى مو داخلة بنسبة المرابحة, والدفعة الأخيره داخلة.

والله اعتقد ان اليسر و تأجير اسعارهم غاليه
من تجربه اقل سعر كان البنك العربي وخصوصا مع كيا الجبر لأنه له مكتب داخل الوكاله
وبعده معظم البنوك زي الاهلي والراجحي
والافضل اغتنام العروض المتوفره سواء من الوكاله او من البنك
والنصيحه هي خليك في الكاش ان امكن .. أضمن شرعا و أريح نفسيا حتى لو سياره صغيره
في عرض شفروليه حاليا بتوصل سعر السياره كاش ل 20 الف  http://www.al3rod.com/category/%D8%B3%D9%8A%D8%A7%D8%B1%D8%A7%D8%AA/
او مستعمل حتى تفرج
او مس

عبودي الله ييسر لك أمرك ويرزقك من واسع فضله

اذا منت مستعجل انتظر ليل رمضان لان بتجي عروض يحبها قلبك

انا بنتظر ليل رمضان وراح يدلعوني الوكالات بعروضهم اذا انت عادي تاخذ 2014 سو مثلي

موفق ،،