حلالك اللي عن الناس مغنيك

9 1

لايمكنك التصويت حتى الحصول على 20 نقطة على الأقل
إضغط هنا للإخفاء

ابو سعود629 4707
قبل 10 سنه

السلام عليكم ورحمة الله وبركاته , اخبآآركم ان شاء الله الجميــع بخير وصحه ..



باختصار موقف حصل معي اليوم طلعت من الدوام ورحت للسكن وكان خويي موجود وقال لي انا ماتغديت دامك ماغيرت ملابسك قوم جيب لنا غداء قلت انا تم 





قال خذ سيارتي اقرب لك لاني انا كنت موقف سيارتي بعيد مافيه مواقف عند السكن زحمه , قلت له ياولد سيارتي ساخنه خلني ابروح بها قال والله تاخذ سيارتي 




قلت اوك , رحت اخذت الغداء وانا راجع سحبت الجلنط اول ماوقفت طبعا السياره فورد ماركيز 2003 المهم ان الجلنط فرط ياولد يمين يسار اناظر تحت الا وسلك الجلنط مقطوع 




ياذا البلشه حتى انسدت نفسي من الغداء هههههههههههههههههههههه والجو حار وتوي طالع من الدوام والاخلاق لك عليها , اخذت الغداء وتغديت معه سريع سريع وقلت له ابوصل للمغسله  بسيارتك وابرجع قال اوكك



رحت لمحلات قطع الغيار واخذت السلك ب 120 ريال وتركيبه ب 80 ريال لان تركيبه صعب شوي وخاصه انه عند الدعسه يعني لازم يكون فيه اثنين واحد يشد سلك الجلنط من تحت والثاني يركب المسمار الموصل من الدعسة للقفل حقها




طبعا اخذت السلك ووديته للميكانيكي مشوااار اخر الدنيا وجلس يشتغل فيه حوالي ساعه وبعدها قال لي السلك ماهو للسياره طلع قصير , عاد انا هنا طلعت شياطيني بغيت امسك السلك واشنقه فيه اخربها مره وحده هههههههههههههههههه




المهم رحت معه لمحل قطع الغيار سريع سريع وبغى يصدم فينا مرتين لاني ركبت معه وسيارة خويي وقفتها بالورشه وانا انتظر متى نوصل بس , بدلنا القطعه ورجعنا وركبناها .. والحمدلله ضبطت الامور وتووووووبه اخذ سيارة اي حد لانه بنفس السياره حصلت لي مشكلتين 




مره صدمني واحد من ورا وهو الغلطان والمره الثانيه خرب المكيف .. سبحان الله من اركب سيارة خويي لازم تجيها مصيبه ههههههههههههههههههههههههه




اختار استأجر لي سيارة لو انحديت ولا اخذ سيارة احد ... وتوبه ثم توبه ههههههههههههههههههههه

إبلاغ

الردود