ويش.رايكم كامري 2002

انتهى عمرها وبدت تطلب قطع وصيانه والنظيف مستحيل صاحبه يفرط فيه الا بسعر عالي فوق الثلاثين ...

اخوك مدرس يعني راتبه مره حلوه وزين ليش يفكر بالقربعان المره الاولى كامري 2003 والحين نزل موديل 2002

بما انه راعي خطوط خذها نصيحة مني ياخذ 6 سلندر تريحة مع الخط ولو ياخذ موتر جديد افضل له وماراح تطلب صيانه وقطع ..

الموتر القديم مايصلح للرجال راعي الخطوط المستمره لأنه بيجي يوم وتنكب عفشه واحتمال تتعطل عطل بسيط يوقف السيارة والسبب قطعه انتهاء عمرها الافتراضي


الافضل ياخذ جديد 6 سلندر لأنه راعي خطوط مستمره 800 كيلو كل اسبوع يعني 3200 كيلو شهرياً خطوط فقط وهذي بحد ذاتها مايتحملها الموتر القديم الا النظيف والنظيف قلتها لك سابقاً سعره غالي بس خدمته محدوده وبيحتاج صيانه مع الوقت

كادينزا - أوريون - أفالون - ازيرا - جينسس << كلها 6 سلندر وسيارة خطوط

كابريس - لومينا - فورد << ثمانية سلندر وسيارة خطوط

وش تبي بأربعه سلندر وانت راعي خطوط عز نفسك يارجال عز نفسك

المدرس ياخذ قرض بالرااااحه 160 ألف يطق أطلق موتر جديد يخدمه خمس الى عشر سنوات مالك ومال القرمبعان سيارات لها اكثر من 12 سنه وعلى بالك باقي نظيفة للحين

هلا اخوي يسعد صباحك بالنسبة للكامري 2002 ممتازة ومن افضل الكامريات الي نزلت وسواقتها ممتعه وخدومة وتكرف وقطعها رخيصة بس ما ادري بيلاقي نظيف او لا لأن مثل منت عارف موديل له اكثر من 12سنة ونادر ينلقى النظيف بس اذا لقيت نظيف فعز الله انها كفو بالتوفيق ياغالي..

مدام يروح بعيد خل ياخذ وحده صاحيه 

اما 2 وﻻ 3  طبعا 2002 ﻻان لوخبطت مكاينها على 3 اﻻف فقط لوتبي اصفار و2003 ب10 اﻻف ريال اسال مجرب  2002 سعرها فالسوق اغلى من 2003  وخذ 4 سلندر سعوديه مووفق يان شاء الله انغاميش 

كامري 2002 من الصعب أنك تلاقي نظيف ولو لقيت بيكون السعر مبالغ فيه

كامري 2002 سيارة جيدة لكن ما فيها أي رفاهية و4 سلندر للخط كل يوم ما أنصحك فيها

شوف ميزانية أخوك إذا ما يقدر يدفع مبلغ كبير فأنا أنصحه ياخذ فورد 2008 - 2010 مريحة في الخط وتتحمل وصيانتها رخيصة وقطعها متوفرة

وإذا يقدر يدفع مبلغ كبير فأنا أشوف الأفالون خيار جيد

والله الموفق

الموتر طاف عليه 12 سنة يعني لاتتوقع انها بتكون عملية اكثر من الجديد خصوصا انه كل يوم بيجلدها خط وثانيا وين بيلقى نظيفه فيه بينقلب راسه مالقى وان لقى وحده لقطه بيحدها عليه بغالي انا اشوف انسب حل له يا قراند ماركيز 2008 او 2009 او سوناتا 2009 2010 الشكل اللي قبل هاذا تراه قوية وتكد وراسيه في الخط او افلون اذا حصل وحده لقطه ... لكن الكامري شلها من بالك الموديل هاذا

 لكل زمان أسطوره 

أسطورة الكامري راحت خلاص أنساها 

ألحين طلعت سيارات تضاهي الكامري بالقطع والرساوه والفخامه 

من رأيي إنه ياخذ موتر وكالة على يده، ويكده سنين وونين،
والخيارات واسعة : أزيرا - أفالون - كامري - مازدا - ....... إلخ ،
2002 و 2003 خـلاص انتهى عمرها الافتراضي ، تنفع للي مشاويره قصيرة ،،

وفقك الله ..

المعروف ان 2002 افضل من 2003

يالحبيب 
خلي اخوك يمر ع الصالات الامريكية 
ان شاءالله يلاقي كوامري 2002 استخدام امريكي ع يده من امريكا 
تراها افضل له بس خليه ياخذ 4 سلندر 

وان شاءالله ماراح يندم 

والله يوفقك

انت كل يوم تسال بالمنتدي وش رأيكم وش رأيكم وكل مواضيعك كذا
اخر موضوع تقول عند اخوك كأمريكا أمريكي ماشي ٣٥٠ الف
وأخوك مدرس
انت جالس تلعب ما تدور الرأي تراك اشغلتنا
وأي اخوان ارجعو لمواضيعه القديمة وتشوفون كلامي صح

كمان اخوك مدرس ويدوام خط كل يوم ويبي كامري 2003 وانته من البيت للجامعه تبي تشتري جنسس 2014