متى يبدأ السحب

ذكرتني يوم كنت في كارفور غرناطه اول ما افتتحوه
حطو اكسنت جديده وعليها مسابقه 
وعشان تخش المسابقه لازم تتر حفائظ اطفال كان عليها تسويق

المهم العالم طبت تشتري حفائظ حتى العزوبيه شروا عشان يخشون المسابقه 

المهم بعد فتره اعلنوا الفائز وطلع باكستاني ونزلو صورته
اخر شي شفت السياره وتحديدا في رمضان في مستودع كارفور كوني كنت هناك موظف
المهم بعد البحث والتحري طلع اللي فاز فيها اصلا موظف في الشركه وحتى ما اخها كانو متفقين معاه انهم يسوونها حركه فقط نصب

في الاخير السياره لم ياخذها احد
وخلصوا حفائظ الاطفال
ومدري العزوبين وش سوا بالحفائظ

بعدها عادو نفس الحركه
جابو مرسيدس كشف وعرضوه عليه مسابقه وعشان تخش لازم كوبون والكوبون لازم تشتري محلقه حقت الذقن معاها رغوه صابون تبع شركه 
في الاخير تكررت نفس الحيله
واقسم بالله يالمرسيدس اني شايفه بعيني حملوه فسطحه ومدري وين ودوه 

هههههه
المنسمين ودي ادري وش سووا بحفايظ اﻷطفال 

ي شويخ هذي وكيل سيارات موب خسران شي اذا اعطى احد سياره هديه و10 ايفون السياره يطلع قيمتها من الصيانه...!

قايلين اعلان النتايج ب 14 من هالشهر والى يومكك لاحس ولا خبر 
احد يصدق ابوجميل (:

أبو نجوى
هالكلام صار قدامي اول ما افتتحو مركز غرناطه وكان اول سوق فيه يفتتح هو كارفور
ايام المرمطه والبهذله والله انها ذكريات كل الشباب اللي اعرفه مشوا 

v8
انا ماتلكم عن الوكيل هو صادق او كاذب
انا اتكلم عن شغلات صارت زمان واصبحت لي نظره في هذي الامور اني مشترك مهما كان الامر
الا اذا كان الاشتراك ببلاش فراح اشترك

اما اني اشتري منتج عشان اشترك فهذي واضحه جدا تسويق 

ايه انا مصدقك
بس ودي لو اني معك اشوفهم
مساكين يبون الجائزة بأي وسيلة

الاشتراك بلاش لاكن خلص من فتره ولا اعلنوا عن الفائز ويارب افوز
الفائز الاول يربح يارس و10 مشتركين ياخذون IPHONE 5S

الحمدلله بالله عليك انت كنت في كارفور اول ما فتتحوه

تعرف مدير السوق اسمه ( تيري )
كان مدير ال cco اردني اسمه ابو فهد خشمه كبير
تفتكر واحد عنزي اسمه ( مرضي ) لابس نظارات
وواحد دوسري اسمه صالح كان ملتحي ومقصر سرواله دبى 
والمدير ( تيري ) رقاه وحطه خدمة عملاء بعدين استقبال موظفين واخر شي حطه في شؤون الموظفين ؟

تعرف واحد اسمه حسن مجرشي
وعلي الدردب
وسلطان العنزي كان معاه ددسن ثم شرا شرا لومينا ؟

تفتكر السوق يوم انحرق قبل الافتتاح ههههههههههههههههههههههههههههههه
انت حضرت اول الافتتاح الظاهر عام 2005 

انا سجلت فيها

الله يرزقنا ماعلى الله شيء كايد


مع ان اكيد راح ياخذونها موظفين الشركه احد منهم

لاكن نقول سبحان الله

دام التسجيل مجاني يمكن يحالفنا الحظ

ذكرتني بسالفة قريبة من سالفة شاقح كان فيه سوبرماركت بجنب بيتنا مسوي سحب على اكسنت اذا اشتريت من السوبر ماركت يعطيك كوبون للسحب 



المهم انا مع الشباب كل يوم ندخل نشتري لو بريال وناخذ كوبون ونطلع والله يمكن سجلنا اكثر من 10 كوبونات وكل يوم نروح لعند كاشير ...



آخر شيء اللي ربح الاكسنت سوداني يشتغل معهم بالمحل الظاهر ان السياره من الاساس للمحل حق توصيل طلبات بس مسوين سحب جذب للزباين ههههههههههههههه

شاقح المرسيدس جابوها للمدينه ابشرك وصارت نفس الحركة بس مدري سنة كم وبعدها جابوا اف جي تفرج واضحك

هههخ الاولوية لأبناء موظفين شركة عبداللطيف اتحداك تشوف في منتدى او في موقع نت واحد يقولك انا ربحت سيارة من شركة او كذا رغم اننا نشوفها كل اسبوع دعايات موبايلي والاتصالات والوكالات نفسها نصابين يارجال

الشركات الكبيرة ماصدقهم



... لكن اعرف واحد فاز بسيارة افيومن جريدة الجزيرة ايام مسابقات ارسل لرقم 700 ... واعرف واحد فاز بشاصي عند محطة بنزين ... انا مافزت الا مره بعلبة حلاو بقر ماذكر من وين

اعرف واحد فاز بالمرسيدس من موبايلي

أنا بحياتي ما فزت بسحب ولا شيء الا بطاقة شحن 10 من مسابقة حقت مطاوعه يوم كنت رايح مكه :) 


وأنتوا فزتوا بأيشش ؟؟!!  *_^