هايلكس تهرب كهرب وش الحل

تلاقي عندك مشكله في الضفاير . وحدها للكهربائي يحدد بالضبط

ادا طفيت السيارة افصل البطارية لين تلقى حل

اذا كانت البطاريه فاضيه السلف ما راح يدور

يسلملي جوك يابوفرهود وش صنفك وش تستعمل يالأمير
هههههههههههههههههههههه

جرب طريقة محمد اذا ظبطت معك معناته ان فيه تهريب كهرب او ان الدينمو تعبيته ضعيفة 

اذا السلف يدور و ما تشتغل السيارة فمشكلتك ماهي من البطارية
مشكلتك من نفس نظام الاشعال
ممكن بواجي طرمبة بنزين
ممكن حاجة في الديلكو مثل البوبينة او الشاكوش حاجة زي كذا 

نوار لا صنف ولا غيره , كيف يدور السلف والبطاريه فاضيه ما تصير 

يا راعي الموضوع , اذا كانت السياره تدق سلف وماتشتغل هذا معناه تحتاج تفحص شيئين 
اولها هل يوجد شراره وهذه بواسطة جهاز اسمه coil tester او حتى بلمبة الكشف وصلها بالارضي وفك احد الكويلات ودق سلف وشوف فيه شراره او لا 
اذا مافيه تحتاج تعرف السبب واذا فيه افحص ضغط البنزين حق السياره 
افحص الكتاوت حقت الكويلات 

شكرا لتفاعلكم معي وباذن الله مششورتكم محل الاختبار وبشوف

يا عندك فضاوة في الاصبع او انه مملح ويحتاج تنظيف ولا عندك تهريب كهرب في حال انك طفيت السيارة تبدا تستنفذ من البطارية لين تفضى مثلا انا كانت معي هالمشكلة في كابرس 85 كان فيه تهريب كهرب من فيش المكيف وظبطته والحمدلله سلك معي له حدود السنة