ارجو المساعده كورولا 2014 ام سيراتو 2014

ماعرفلهم اسف  بس اعرف الانترا  2014  2000 سي سي  تطقعبهم  فالمواصفات والشكل وقوة وحجم المكينه خذها وخذ لون كريمي

شوف حبيبي
انا معي كورولا 2013 
العزل مررررة ضعيف جدا ولكن افضل من الالنترا عن تجربة 
وخويي معاه كورولا 2014 الشكل الجديد 
وربي ماشاءالله هدوء وعزل افضل بكثير من سيارتي لاني ركبتها وجربتها خط وطبلون

بس ليه ماتاخذ كورولا 2014 مكينة كبيرة 2.0 سي سي حلوة وقوية 

كلامي كله عن تجارب ولم اسمعها من احد ابد 

الالنترا ولد عمي مطلع جديدة 2014 وربي تقول تحت السيارة جركل تسحب فيه عزل سيء 


عموما السياراات بشكل عام السيراتو الالنترا الكورولا عزلها ضعيف 
بالنسبة للسيارتو مالي خلفية عنها وان شاءالله يفيدونك الاعضاء 


وبالتوفيق ياغالي

السيراتو عيبها الجديده مافيه مكينه 2000 سي سي الا على الاستاندر قير عادي ..الكورلا حلوه كتصميم جديد والداخليه رايقه ..
لكن انصحك تاخذ النترا 2000 سي سي فل كامل 2014 الشكل الجديد .. مواصفات حلوه وثلاجه بالدرج ولا احلى سعرها تقريبا 64 الف ريال



موفق

كورولا افضل
وجوده افضل رساوه ثبات افضل من النترا و سيراتو 
والكورولا وانت تسوقه تحس الموتر مليان شوي ومتماسك وثبات حلو وعزمه عادي 
وجيد جدا على 4  سلندر  وانصحك فيها وشكل جديد   وانتشرت كثير
صراحه  جداً ممتازه يكفيك انه تويوتا كد ومد 
النترا والسيراتو تكرف بعد بس الكورولا افضل بل امان ولفضل بالثبات والرساوه ومتعة
القياده ،، والسعر متقارب بينهم السيراتو والكورولا ،، والسيراتو غير منتشره كثير 
ولا تنسى الاستخاره 
موفق ان شاء الله  

النترا افضل منهم كلهم

السيراتو حلوه بس عيبها الفل كامل مايجي مكينه 2.0 الفل مكينة 1.6 بالأستاندر مكينه 2.0 مواصفات غبيه المفروض يكون العكس الفل مكينه أكبر والأستاندر مكينة أصغر بس أعتقد أنو عشان سيارات اللموزين لازم مكينة 2.0 وفوق
شكله رهيب فيه الإلنترا مواصفات حلوه وتطورت بالموديل الجديد مكينه 2.0 وفل كامل ب 69.500 عندنا بمعارض الطايف
الكورلا بصراحه الجديده مادخلت مزاجي وأحسها تلفيق في تلفيق ركبتها بالوكاله والله يافيه أشياء مركبه مو لايقه عليها 
نصيحتي لك شوف الإلنترا الجديد يجي الفل GLS ومابتندم وعليك بمواصفات المجدوعي لأنه نزل دفعه فيها تبريد وتسخين وبصمه ومقاعد جلد 
ولاتنسى الأستخاره وبالتوفيق لك وأسف ع الآطاله

النتراااااااااا 2000 سي سي فل اوبشن ليد امامي شاشة معلومات كاميرا خلفيه مكيف خلفي ليد خلفي ثلاجه مثبت سرعه بسعر سيراتو نص فل و كورولا ستاندر

طيب من فين اخد النترا جديده بسعر كويس في جدة ?? واشكركم جدا علي الردود ومساعدتي 

الكورلا 13 انا سقتها بالعزم مثل عزم الاكسنت لااشغلت المكيف تطيح مره تحس انك تدعس ورجلك بتطلع
من الكبوت والسياره ماتحركت عكس النترا مجربها سنتين مافيها زي كذا ابد تدعس تتجاوب معك وحتى
لو المكيف شغال اما الكورلا الجديده مدري عنها وانا اميل لها بحكم الاوبشن فيها اقل بتكون عمليه اكثر
من السيراتو ، بس السيراتو نزلت تاكسي صار لها سنتين تقريبا والكورلا لسا !! مع انها 2.0 بس انتظر
لين ماتشوفها تاكسي ومنتشره تبين اذا بتاع كرف او لا ! 

 سيراتو 2014 افضل  

كورلا لك وللزمن والله العظيم انها تتحمل كد الين الليل 
انصحك اذا تبغى سياارات عملية وماتتعبك لاتخرج من دائرة التويوتا خصوصا والياباني عموما

الكورلا بتمسك سعرها ومطلوبه اكثر من السيراتو وجودة افضل

الالنترا جمعت الجمال والفخامة والمحركات المناسبة 
هذي محركاتها الثلاث :

1.6 
1.8
2.0

سيارة من اجود واروع سيارات هونداي الاقتصادية

يالحبيب لو الميزانية تسمح كورولا 2014 2.0 GLi وعيش حياتك كوكا وبس