أضف سؤال أو موضوع جديد          

تجرية شمعه اماميه ب 180ريال

up 28 down 1
خيال الامس 2015
قبل 5 سنه و شهر



بسم الله الرحمن الرحيم
السلام عليكم ورحمة الله و بركاته

اسعد الله مساكم/صباحكم بكل خير و صحه و سلامه
اخواني جيتكم اليوم بموضوع هااااااااام جدا .. و بتجربه .. و مثل ما يقولون التجريه خير برهان
 سامحوني موضوعي طويل لكن لازم تقرونه كله.....
من زود حماسي ك شاب مهتم بسيارتي لابد اركب كل شي بالسياره وكاله .. و طبعا هذا اعتدنا عليها من ابائنا و من كل ناصح .. اي قطعه تخرب بالسياره لابد اول شي نروح له الوكاله ..ثم نروح للمحلات الموصى بها 
هذا فيما يخص الفرامل او القطع الميكانيكيه او الكفرات ... 

اخواني الطيبين .. بخصوص القطع الخارجيه للسياره .. ك الاكسسوارات مثلا او غيرها .. ليش نتسرع ولا نروح الا الوكاله!!!! و مهما كلفتنا القطعه نشتريها .. و فوق هذا كله نتضايق من الوكاله باسعارها .. وش اللي جابرك حتى بالاكسسوارات او القطع الخارجيه تروح للوكاله و ندفع بالالاف المألفه
ك ابسط مثال .. بالشكل الخارجي .. 
( الصدام ) للكامري 2008 لقيته بالوكاله ب 640ريال .. و الضمان "لا يوجد"
شركة مايز شركه تتحدى .. الصدام ب120ريال .. و ضمان " 3 اشهر "
90 يوم يضمنونه لك لو اي ملاحظه تعال استبدله من وقتك .. هذا شي جميل جدا صح ..??
و اساسا 3 شهور تكفيك و زياااااده
و فرق بين سعر الوكاله و مايز 520رياااااال تحطها بجيبك .. و طبعا احنا ي الرجال لو طارت الورقه الزرقا هذي اللي مكتوب عليها 500 بدون وجه حق يمكن ندخل المستشفى هههههههه
طيييييييييييب موضوعي المهم يتكلم عن شيء لاحظته .. و اندهشت منه و اعجبت فيه و فضلت اللي اشتريته تفضيل لا يعلى عليه
الآ و هو اسطب امامي .. 
صار لي حادث و الحمد لله على كل حال و من ضمن التلفيات الاسطب .. زمان اشتريته من التشليح يمين و يسار ب 800ريال مع الرجيع << لا اله الا الله
رحت الوكاله اسال عن سعر الاسطب الامامي بعد ما انكسر لقيته ب 800ريال بدون ديمنو يرفع الشمعه و ينزلها اتوماتيك .. و اذا تبغاه مع الديمنو ب 1000 ريال زياده .. 1000ريال على اسطب واحد .. واللللللللله حرام انا انسان احسب للريال الف حساب قبل لا اصرفه .. وفوق هذا يمكن اقعد يوم كامل ما اكل شي يعبي بطني دامني عزابي و في بلد عايش فيه لحالي ولا اعرف احد فيه..لذل خل ريالي ينفعني .. بدال ما ادفع 1000ريال على شي مصيره اما بيرمل او ينعدم او ينكسر . دور ع جوده اقل بسعر افضل
طبعا الغالبيه منكم يعرف محلات مراد في الطائف او يمكن لمحتوه .. رحت له وانا ياااااائس جدا .. من السعر قلت بنفسي الله يقويك ادفع ي الحبيب 1000 و قواك الله و الله يجلعها بميزان حسناتك ..
طبعا قبل اروح للمحل هذا مريت على التشاليح اسال عن الاسطب .. للاسف ما لقيت .. يقولي في نص كامري 2007 .. انا صُعقة من كلمته .. نص كامري .. تستهبل ..?! قال اتكلم جد تعال شوف .. فعلا نص كامري و خفت .. قلت مين المجنون اللي يدفع مبلغ عشان يشتري نص بودي للكامري ويلحمه.. حسبي الله ونعم الوكيل .. يبون يجيبون اجل الناس و يموتونهم .. و السبب تفضل هذا نص بودي كامل قص البودي التالف عندك و ركب هذا .. و اذا مت الله يرحمك مالنا علاقه
طبعا مريت على محلات مراد و قلت ابغى اسطب كامري يسار بالديمنو .. قالي 1000ريال قلت امري لله هات .. عرف ان وجهي منقلب و قال وش رايك تجرب اللي اقل من درجة الوكاله .. و فيه ديمنو يدوي يرفع الشمعه و ينزلها .. فكها و ركب الاتوماتيك ..  قلت لا حبيبي انا ما اتعامل مع التجاري .. هات وكاله .. قال جرب منت خسران .. ادفع 180ريال افضل من انك تدفع 1000ريال .. يوم قال 180 عيوني صارت كذا 0_0
كم 180ريال!!!!! .. ورني خلني اشوفه
ي عالم صفاوت العدسه خورافيه و اخت الوكاااااااله مافي فرق اببببدا
و وفرت بجيبي 820ريال
قلت ي ولد 180 عادي ياما خسرنا اللي اكثر منها .. المهم صلحت السياره و ركبت الاسطب ..

و المفاجأه ..

 الاناره قووووويه جدا
الوضوح 100%
العدسه صافيه 100%
و الديمنو اللي فيه فكيته و ركبت ديمنو الوكاله الاتوماتيك

فكيته و ركبت ديمنو اتوماتيك و صار يعمل بشكل ممتاز جدا
في الطريق اللهم لك الحمد ما صرت اشغل العالي .. الاسطب هذا يكشف الدنيا كلها و هو بالنور المنخفض

الحقيقه كان في بالي اعتقاد ان التجاري سيء جدا مهما كانت درجات امتيازه
لكن الحين .. عرفت اني مجنون لو ما سالت عن الاسعار شركات الاخرى قبل اسعار الوكاله....

الصور بالترتيب ك الاتي
"صوره رقم 1 الاسطب قيمته180ريال اخو الوكاله"
"صوره رقم 2 شكل الاناره على الجدار"
"صوره رقم 3 وضوح الاناره بمكان مظلم نوعا ما"
"صوره رقم 4 صوره لصفاوت العدسه اللي ب 180ريال"
"صوره رقم 5 صفاوة العدسه حقت الوكاله"

تحياتي و احترامي لكم
في امان الله














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يالغالي كيفها معك الشمعات بعد هالوقت مدري اذا موجود ترد علي ولا والله يحفظك


up 1 down 1
عبدالملك ٢٤ 35
قبل سنه و 9 شهر



الظاهر أني بوجهه للتجاري والله ياالوكاله كلتنا خاصه تايوتا اليوم رحت للوكاله ابي شمعات فورتشنر قالى ٢٠٠٠ ريال للحبه ورحت للمحلات العاديه قال ٢٠٠ ريال فرق واجد 


up 1 down 0
ابوعبدالله mm 1
قبل 5 شهر و 2 أسبوع