نصيحة لأصحاب الهايلكسات من 2006 وفوق

13 2

لايمكنك التصويت حتى الحصول على 20 نقطة على الأقل
إضغط هنا للإخفاء

..ابوعزام 344
قبل 10 سنه و 7 شهر

السلام عليكم ورحمة الله وبركاته أكتب لكم على عجالة توي مخلص من الصناعية وعندي لكم نصيحة فيها توفير مبلغ 
طيب 
سبق أن رأيت موضوع هنا في المنتدى واستفدت منه اسأل الله أن يجزاه خير ويجعلها في موازين حسناته لا يحظرني اسمه الآن


الموضوع هو اني غيرت للهايلوكس حقتي مديلها 2009 فحمات أو "أقمشة" 
رحت سألت عن سعر الأقمشة عند وكالة اليحيى قالوا لي سعر الأقمشة لمديل 2009 370 وبعد الخصم 320 
سألتهم عن أقمشة 2005 قال لي 220 بعد الخصم 

رحت لمحل باوزير وكيل لتويوتا يبيع قطع غيار وكاله 
سألته عن أقمشة الهايلوكس 2005 مباشرة لأني ناوي أركبها بناء على كلام صاحب الموضوع السابق انها تركب 
ولا فيها أي مشكلة الا أنها أعرض من الوكاله بشي بسيط

قال لي سعرها قبل الخصم 130 وبعد الخصم 105 قلت له 100 ريال قال جيب 

اخذتها للميكانيكي وركبها بس صراحة الحديده اللي تركب في نفس القماش من الخلف ثم تركب في الهوب ما ركبت 
الا بعد تعديل بسيط لأنها فعلا أعرض من الوكالة 
طبعا انا ما قلت له انها تبع 2005 وجلست أطالع له وهو كأنه مستغرب ليش ان الحديده ماركبت بسهوله وكان يركبها

على القماش القديم وتركب بسهوله والجديد ما ركبت الا بعد التعديل سألته عن السبب وكأني ما أدري جلس يتفلسف
ويقول هذي حقت 2014 :)   

في الأخير ركبها وضبطت أفضل من أول  ووفرت مبلغ طيب وحبيت أفيد أخواني  اللي ما شافوا الموضوع القديم

وسلامتكم.

إبلاغ

الردود