أضف سؤال أو موضوع جديد          

هل يوجد حل لزيت القير للسكويا ؟

up 2 down 0
م ل ك 314 13
قبل 7 سنه



السلام عليكم ورحمه الله وبركاته يا اخوان الحين انا طلعت السكويا من الوكاله ومن يومها ما غيرت زيت الوكاله والان السياره ماشيه 240 الف ويوم رحت الوكاله قالولي اكتب تعهد عشان القير راح يخرب وقلت لهم وش الحل قالولي خلها على نفس الزيت هل في طريقه أخرى اغير فيها الزيت؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يكون في عونك , فعلا حكايتك حكاية ,, حاول تشوفلك ميكانيكي ثقه تستشيره افضل


up 2 down 0
الهتان 66
قبل 7 سنه



غير بشكل تدريجي مثلا فرغ ربع الزيت وعبه وامش عليه 5000 وفرغ ثلث وامش عليه 5000 وبعدين نص وبعدين كامل وماتشوف شر


up 1 down 0
ابو لمار2010 104
قبل 7 سنه



غريبه دامه مشاك 240 الف غيره ويعمل لك غسيل للقير ويتنشف ويحط الزيت والفلتر الجديد وانتهينا 
وللمعلوميه زمان الى موديل 2000 الياباني ما يغير زيته 


up 2 down 0
alfars911 2
قبل 7 سنه



وش الملاحظة بالقير عشان تغيره .؟؟؟ 

أذا مالاحظت شي خلك مثل ما أنت 

لآ تسوي شي وتقرد نفسك بنفسك 


تغير الزيت المفروض انه ما يعمل مشاكل

غريبة ليش يتكلمون كدا في الوكالة



اذا مافي مشاكل بالقير




up 0 down 1
amegha 222
قبل 7 سنه



لا تغير ما دام فيها تعهد
انا غيرته وبعد كم شهر غيرت القير كامل معه



up 0 down 0
بو سعدون 01 94
قبل 7 سنه



غيره على دفعات زي ما قالوا الشباب فوق
اسحب لتر وحط بداله لتر وامش عليه خمس اﻻف
وهكذا سويها خمس او ست مرات وبعدها غير الزيت والفلتر والوجه وصوفه صغيره
للفلتر قيمتها حول 11 ريال


up 1 down 0



والله هو ما شاء الله عليه القير ما يشتكي من أي شي بس لاني خفت يصير شي عليه بس قالي حق الوكاله اول ما نغير الزيت بعدها ب 5 أيام راح تسمع أصوات بالقير ويمكن ما يعشق وقلتله وش حلها قالي توضيب والتوضيب بالوكاله يكلف 28 الف ريال والله مبلغ مهب بسيط على العموم يعطيكم الف عافيه يا اخوان وما قصرتوا وبيض الله وجيهكم


up 2 down 0
م ل ك 314 13
قبل 7 سنه



شوف اخى الكريم - هما ياخدوا تعهد لانك ماشى كثير على الزيت القديم فهم خائفين ان يكون فى الجير عله وعند تغيير الزيت ممكن تشتكيهم وتتهمم بتخريب الجير

بمعنى اخر بعض الناس عنده قلة ضمير يكون هناك عيب بالجير من الاهمال والاستخدام فيحاول يدهل السيارة للصيانة وبعدها يقول ان الوكالة هى من سوى الخراب والعلة فهم يخافون من هذا الشىء

المهم نثيحتى لك توكل على الله غير زيت اصلى وتاكد من النوع من كاتلوج السيارة يعنى لا تحط اى زيت لازم زيت مخصص لجير سيارتك وغير الفتر ومستلزماته وان شاء الله ما هايصير شىء

ممكن بعد التغيير وليوم او يميين تحس ببعض الفضاوة او تاخر فى النقلات وهذا طبيعى بسبب تغير لزوجة الزيت

ربنا يعطيك خير الموتر ويكفيك شره


up 2 down 1
raouf1 335
قبل 7 سنه



انا يخوي كلمتهم وقلت لهم يفحصون الجير قبل لا يغيرون الزيت ويتاكدون من ان القير ما شاء الله عليه مافيه فضاوه ولا شي بس هم قالولي انه اول ما اغيره راح تطلع الأصوات والفضاوه ويصير يبغالها توضيب وجزاك الله خير



up 1 down 0
م ل ك 314 13
قبل 7 سنه



واحد الأسباب اللي خلتني ارفض أوقع على التعهد انه ياخي ممكن هم يغلطون ممكن هم يخربونه ممكن القير يكون مافيه شي بس يطلع من عندهم فيه شي وتروح براسي لان القير لا يوجد له عيار العيار حقه أتوقع يكون الكتروني ويتم تعبئته على خبره


up 1 down 0
م ل ك 314 13
قبل 7 سنه



في كتيب الارشادات يبين لك كم لتر لزيت القير 


up 0 down 0
m-baz 337
قبل 7 سنه



اعقلها وتوكل انت ياتغير الزيت ياتغير القير الحين او بعد حين او حتى بعت السيارة بس فرصه ان القير سليم وتغير الزيت افضل ممكن يسلك معك بس بشرط لا تشد عالموتر خلال اول 3000 كم والله يسهل امورك بعدين انبهك من الوكاله احيانا تغير الزيت وتجلس شهر ويهرب الكرتير وصارت معي شخصيا


up 0 down 0



المشكله انه اكدلي 100% انه القير بيخبط خلني بسوي الطريقه اللي قالوها الشباب جزاهم الله خير وان شاء الله يضبط ويعطيكم العافيه جميعا وما قصرتوا 


up 0 down 0
م ل ك 314 13
قبل 7 سنه



لاتغير الزيت.  فيخبط.  بالعربي.     ولا تغير.  عادي يمسيك لين تقوول بس. 

لانه يخف الزيت علي مخ القير. ويجاوب. يبدا يلخبط


up 0 down 0
o1s1s1 14
قبل 5 سنه و 7 شهر



وينك وشصار عليك انا امر في نفس مشكلتك بالضبط بشر وش صار معك


up 0 down 0
wearing2356
قبل 4 سنه و 7 شهر



ياشباب كم تكلفة تغيير زيت القير حق السيكويا 80 الف


up 0 down 0
haraj2014
قبل 2 سنه و 8 شهر



أنا مع انك تغير تدريجي عند شخص متمكن ولا تخليه وتخسر القير نهائيآ


up 0 down 0
algmal999
قبل 2 سنه و شهر