أضف سؤال أو موضوع جديد          

كنت بحراج السيارات عصر اليوم مشاهداتي

up 5 down 3
امير الاصيل 1684
قبل 4 سنه و 4 شهر



اخواني
السلام  عليكم  ورحمة الله  وبركاته

قبل  المغيب  مررنا   على  حراج  السيارات
وبعض   ماشاهدت

1)  كورلا  2013 جير  عادي
العداد   140  الف  
اللون  بحري  جنوط مكحله 
البدي   رفرف  وكبوت   

والباب  الخلفي  الايسر مغير 
السوم  30 الف يبي  32 مع   بكستاني

2)  كامري  2007  بحريه   تماتيك  
فيها   رشووش  كثير  محركاتها  يمدحها  
عداد 300 
السووم  وقف  على  22  ورفض  البيعه

مادري  كم   حدها  
يارس 2008  جير عادي ابيض  فيها   اصدووم    وقفت  ع  13   

^^^ حصلت  اكسنت  2011جير عادي   يقول   سليمه   عداد 140     محتد   على  البيعه   يقولي  سم    يبي يبيع  ولادري   كم  تسوى    
        رايكم   احبائي   الكرااام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الحراج أرخص من الموقع ب 30 % تقريبا والناس تبغى تبيع وتمشي مو مثل الموقع شغالين طقطقة ونصب


up 4 down 1
أبو عبادة 4154
قبل 4 سنه و 4 شهر



اخي ابو عبادة اصابعك مو واحد ,, الموقع فيه النصابين وفيه الصادقين ,,وان كنت الاحظ ان سيارات الموقع انظف من الحراج


up 2 down 0
الهتان 63
قبل 4 سنه و 4 شهر



^^^^

صحيح وأنا شخصيا شريت 4 سيارات من موقع حراج ومستعمل وبعت 4 سيارات والحمد لله اشتريت نظيف وبعت نظيف

والحمد لله ربنا مبارك


up 2 down 0
أبو عبادة 4154
قبل 4 سنه و 4 شهر



والله صادق اخوي أبو عباده الموقع زمان كان سعره اقل من المعارض و المفترض يكون كذا اذا مثلا شريطي سام سيارتك تجي الموقع وتكسب الف من سومة الشريطي مو عشر الاف وينضحك على الشاري ولا البعض
يقولك مثلا هوه برياض وانت بجده تتعناله واخر شي تلقى السياره مسمكره بكل مكان وهو يقول شد بلد والله مافي احسن من المعارض تشتري وتشوف وتفحص وكل شي قدامك و سعره اقل بكثير من الموقع بالوقت الحالي "


up 1 down 0
07sbeshal 1343
قبل 4 سنه و 4 شهر



الحراج الاسعار ارخص بكثير 
وعلي طول تشري وتبيع 
مو الموقع يسحب عليك 


up 1 down 0
نجراني 2014 182
قبل 4 سنه و 4 شهر



بالمعارض لاقي افالون 2012 ليمتد فيها رش في البابين اليسار ماشيه 70 الف ومسيومه ب 65 وقريب من السومه هههههه هنا مثلها تلقى مايبيع ب اقل من 90 الف


up 1 down 1
شكلين مابحكي 3149
قبل 4 سنه و 4 شهر



انا اشوف ان المعارض اسعارها مبالغ فيها كثير وفيهم شوفة نفس على وش مدري



up 2 down 0
goodhearted 130
قبل 4 سنه و 4 شهر



لاتروح للمعارض  انزل للساحه   وشوف الاسعار  بنفسك

وقارن بالاسعار بهالموقع

ههه  تدري وش اللي يظحك ؟

لما يجيك واحد متمسك بسعره   وعادي ماعنده مشكله يجلس تحت الشمس 17 ساعه يومياً  اهم شي ماينقص من سعر السياره 400 ريال

ثانياً :  الي يبي موتر يمشي الحال   يفرفر حوالين الحراج المكرفون   بيلقا سيارات حليوه   وبسعر حلو  يافيها رفرف  او رش في الباب    بس بفرق سعر كبيير  عن الموقع وعن الساحه

وتقدر تسحب الرجال وتتفاوض معه وتفحص اذا تبي بعد وتاخذ وتعطي معه  قبل لا يدخل للمكرفون ويقولك وش في الموتر ومافيه

لاقي جيب جي ام سي اكاديا لون لؤلؤي فل الفل 2009  وراعيه يقول وصل سومه 48   عطيته فيه 40 وعياً وانا اصلاً ماني بشريطي ولا افكر اشتري ولا ابيع   بس  عجبني الموتر وقلت باخذه الموتر فيه رش في الشنطه بس 


up 0 down 1
شكلين مابحكي 3149
قبل 4 سنه و 4 شهر