أضف سؤال أو موضوع جديد          

أمور أكره مشاهدتها في الطرقات

up 14 down 13
abu zi4d 45
قبل 7 سنه و 9 شهر



السلام عليكم ورحمة الله و بركاته
الله يصبحكم بالخير
الإخوة الإعزاء هذا الموضوع ليس للتوعية بقدر ماهو للفضفضة ، المنتدى مايجي ولا 0,1% من الاشخاص الي يقودون السيارة بهالطريق ، لذلك انا ماجيت أنصح بقدر ماجيت أفضفض ،
الحكاية و مافيها أنه هناك مشاهد في الطريق أكره مشاهدتها وهي كالتالي :
1- القيادة بأنوار السكن أو الأنوار البرتقالية و خاصةً أصحاب ( كراون فكتوريا ، الماركيز ، الجمس سييرا ، اليوكن الشبابي ، الأكورد الجديد ، و بعض السيارة الي فيها أنوار ليد )
2- سير الشاحنات في المسار الأوسط أو المسار الأيسر أحياناً .
3- سير بعض المركبات بسرعات منخفضة على المسار الأيسر في الطرقات السريعة ، مثلاً تجد شخص على خط سريع يمشي 80 أو 100 أو حتى 120 .
4- أصوات بعض المركبات المزعجة الي مركبين عليها دبات و خرابيط فاضية وخصوصاً ( الدداسن ، الجموس ، بعض الخرد الكورية مثل الإكسنتات القديمة و غيرها ) .
5- القيادة وراء أصحاب مركبات الفورد مثل كروان فكتوريا و فورد ماركيز ، تحصل الواحد يمشي 20 في خط سرعته 80 ولا عليه في الي وراه ، وكل شوي يضرب بريكات .
6- بعض الأشخاص يجيك مطفي الأنوار ومشغل الكشافات والكشافات مشهبة مايبين نورها ، ويفجعك لمن يكبس عليك بالعالي خصوصاً في الطرقات السريعة .
7- الأشخاص الي يطلعون من الحواري أو يديورون أحياناً يدخل في المسار الأوسط على طول ويورطك أنت يالي لك الأفضلية في الطريق .
8- الشاحنات الغير مشرعة يتطاير منها الرمل ويخدش لك أنوار السيارة و البوية و غيرها ، مع أنه يطلع شهرياً مبلغ ضخم من الشركات الإ انه عجزان يصلح الخلل في فتحة تنأثر الرمال .
9- الي يكلمون جوالات أثناء سير المركبة ويجحد أم الطريق ولا كأنه يسوق ، وتشوفه يدخل بالمسار الأيمن وشوي بالأيسر شوي يحول على الخط الأصفر !! وإذا كبست له بالنور العالي تحصله يدعي ويخاصم .


هذي النقاط تقريباً شيء بسيط جداً من الأمور الي نشاهدها ،
حاب أن البقية يفضفض .





















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


5- القيادة وراء أصحاب مركبات الفورد مثل كروان فكتوريا و فورد ماركيز ، تحصل الواحد يمشي 20 في خط سرعته 80 ولا عليه في الي وراه ، وكل شوي يضرب بريكات .


^^

هذي الكل متفق فيها

اكره سواقة راعين الفوردات


up 2 down 1
عبدالعزيز الطريقي 20
قبل 7 سنه و 9 شهر



^ هع هذا انا ومولع انوار السكن بعد ههههههههههههههههههه


up 0 down 0
البرق 4444 14
قبل 7 سنه و 9 شهر