ما هو سبب عرض سيارات جديدة تحت التمرين للبيع واستفسار هام

فيه بعض الناس تجيه ضروف ويحتاج للمبلغ

وفيه ناس مايعجيه السياره كل واحد له مشكله

اجل الحين المعوضه للبيع كثير يعني كل الموديلات 2013 او 2014 فيها خلل

من ناحية البيع للمواتر الي تحت التمرين فيه كثير أسباب منها تعجل بالشرى ولا عجبته الشكلية لكن الاستخدام لا او أمكن محتاج فلوس واضطر يبيع وطبعا فيه أسباب كثير غيرها 

يمكن بعضهم سواها لأجل التورق الشرعي,

يشتريها ويتملكها أقساط من معرض ويبيعها عشان يكون عنده كاش يخلص به أموره.

الناس ماتدري وش ضروفها اذكر واحد شراء ازيرا جديدة وماعنده نية بيع لكنه احتد علشان زواجه واضطر يبيعها وياخذ سيارة رخيصة تمشي امورة 

والبعض من نظام "ابو خط " الي اذا نزلت هايلكس بخط مختلف يقوم يفر فيها يوريها وراعين الحارة وبعد مايقتنعون انه شراها يروح يبيعها ويسدد فلوس الي تسلف منه ويقسط له الباقي


او بالتفسير المنطقي انه انصدم بالسيارة انها اكبر من الحجم المطلوب او مكينتها صغيرة عن مايبي ويقوم يبيع لانه ما استاجرها قبل وجربها وكذا

وبعضهم موسوس
لان  السياره اذا صارت جديده تطلع اصوات وريحه وووو 
اذا سمع الاصوات هاذي يروح يبيع الموتر 

بالنسبه للسيارات المعروضه للبيع وممشاها قليل
اما جته ضروف او الاغلب عجبه شكل الموتر وشراه وبعد التجربه ماجازله اما وسوسه
او العزم حق الموتر وهو متعود على 8 سليندر او بمجرد امتالكه له طلعة من خاطره

بالنسبه للزياده قيمة الموتر الاساسيه بالتقسيط تراه استغلال 
وماهو الكل يصلح كذه فاصله وان مانزل شف غيره
لما كنت باخذ موتر اقساط جبت عرض سعر من مندوب الشركه وزايد عليه 2000 ريال
لانه للبنك المهم تاخرت باقي اوراقي ولما خلصتها طلبو مني عرض سعر ثاني رحت
للشركه وحصلت مندوب اخر اعطاني عرض سعر بدون زياده ولا ريال
يعني الدعوه نصب واستغلال شفلك معرض ثاني

لا إله إلا الله ..وش ذي الاسعار 247 ألف ..!!..وياليت جودتها على قد قيمتها ...

اغلبهم ماخذين مقلب بالموتر ويبيعه خصوصا سيارات التايوتا

وش فيها سيارات تويوتا 
والله انه افضل من من بعض الشركات ولا فيهزاي مقارنه بينه وبين الكوري 
اللي يطبلون له الناس مؤخراً الكوري كان يخدمه سعره الان غالي زيه زي تويوتا 
واشوف انه مايستاهل ابد لا يمسك قيمته ويكرف مثل تويوتا 
وصراحه نضام تويوتا الجديد في صناعه السيارات جدا جدا جميل 
الافالون تحفه فنيه من تويوتا محد راح ينكره تصميم داخلي فخم وخارجي فخم ومكينه 
قويه ورساوه وعزل لا يعلى عليه والدركسون كهرب هاذا قصه ثانيه 
طبعاً الدركسون الكهرب صارو يستخدمونه في السيارات الجديده لانه ممتاز واكثر دقه 
وفيه ميزه حلو ،، وانت واقف يصيير الدركسون خفييييف مررره بشكل ماتتصوره 
وكل مازادت السرعه يثقل زياده ،، عموماً تويوتا مافيه احد ينكر خدمته وكرفه وتحمله وصبره 
تويوتا تعطيك سيارات لجميع الاذواق والمتطلبات لشخص 
فيه ناس يحب الوانيتات الصغير ياخذه هايلوكس فيه دب وفيه بدون دبل وفيه غمار وفيه غمارتين 
واللي يحب الجيوب ياخذ vxr او gxr او فورتشنر او شاص او ربع او  سكويا او اف جي 
والسيرات الصغار ،، افالون ، اوريون ، كامري ، كورولا ، يارس 
يعني باختصار اللي يبي موتر من تويوتا مايبلش ابد 

بالنسبة لتويوتا ودركسون الكهرب ياشيخ ليتهم من زمان صنعوه رساوة ماشاء الله تبارك الله وعلى فكره اتوقع انه مستخدم من 2008 في الكورولا

والله ماعندي خلفيه عن انه استخدموه في الكورولا 2008 بس فعلن جربت الكورولا 
الشكل اللي من 2008 الى2013 دركسوون جدا خفيف بس مايثقل اذا زادت السرعه 
يمكن كان فعلن كهرب لاكن مافيه الخاصيه ذي