ما هى افضل سيارة لاسرة من اربع افراد جيب وليس سيدان ؟

حدد وش طبيعة استخدامك وكم حدك فالفلوس ؟

انا ابغى اطلعها تاجير منتهى بالتملك 
وطبيعة استخدامى فى المدينة مع السفر البسيط لا بر ولا غيرة  يعنى استخدام حشمة 

التوسكان والسبورتاج جربتها
دفع رباعي وامامي ومكينه 2.0 و2.4 حلوه لكن ضيقه شوي من جوه

الراف فور واسع من جوه بصراحه ومكينته 2.5 وانصحك فيه رغم اني اكره تويوتا هههههههههههه بس سيارات كرف

الفورنشر لاتقربه
متعب فالسفر وحق طرق وعره 

بدال cx-5 خذ cx-9 افضل  14 بطططططل 

سنتافيا الجديده ماتندم

اكستيرا نيسان حق كرف وحق عايله مصغرة

اختار الي عاجبك اذا كان الموضوع فقط ذوق شخصي ومايهمك الاعتماديه او السعر للبيع لاحقا
اذا كنت مهتم بالسعر بعد البيع وهو اكبر اولوياتك الراف فور 
اذا كنت ما تروح طعوس او بر cx5 جمليه وانيقه للمدينه 
الهونداي مركب جيد لكن شخصيا شكل السنتافي مهو جميل في نظري والناس اذواق
السبورتاج يحمل اناقة المازدا واعتمادية اقل من الهونداي لكن السعر بعد الاستخدام يروح الارض

بعطيك وجهة نظري وعسى الله يكتب اللي فيه الخير

الحين انت تقيس على عائله من اربعه افراد وبتاخذ سياره نظام تأجير يعني بتقسط اقل شي خمس سنوات يكون على كذا وصلوا افراد العايله بمشيئة الله وحفظه الى سته او اكثر ... فمن وجهة نظري اليوكن مناسب لك ولعائلتك ان شاء الله ... وبخصوص التوسان والسبورتاج ماأيدك فيها نهائياً والسنتافي لابأس به وسياره واسعه .... عسى الله الخير

وبخصوص الراف فور حلوه جداً بس تراها بدون مكيف خلفي حتى فتحات للتهويه الخلفيه مافيها حبيت اضيف هالنقطه عشان تكون على بينه

والcx5 ماعندي خلفيه عنها وان شاء الله يفيدونك مجربينها ... موفق خير

التوسان انا جربته بصراحه روعه وصوت مكينته هادئة بس ضيق شوي 

السيارات السيدان امان من الجيب وخصوصا بالانقلاب 
مادامك مو راعي بر سيدان ثبات اكثر

أنصحك بالمازدا CX7 أوسع وأريح

شوف ياغالي انا انصحك وبقوة تاخذ سانتافي هونداي
شكل حلو وسعر مناسب وداخلية اوسع وراحه وتدوم معك ان شاءالله لان الحين كثرت بالشوارع بقوة 
ويفضل لو تاخذ سانتافي قراند يكون افضل

انت اليوم العصر روح هونداي وشوف السيارتين وقارن بينهم

اذا كانت السانتافي العادي مناسبة لك وطلبها وقالو مافيه منها مافيه الا قراند لاتصدقهم  لان القراند مايمشي بسرعة ويبغون يمشون سوقه
شف اي فرع غيره وبتحصل ان شاءالله والله يوفق الجميع

كيا ســورينتو

cx-9 عليك بها ماشاء مواصفات اللكزس والألماني مستوحاة عليها .

انصحك بالدورانجوا مكينه هيمي

cx9 افضل الموجود وان تبي مدينه وبر برادو 6 سلندر

جزاكم الله خيرا يا اخوانى 
وان شاء الله باخد بنصايحكم 
دمتم فى رعاية الله وتوفيقه