مشروع قطع غيار

والله التوفيق والرزق بيد الله
 
ثم بعد ذلك على حسب الموقع والبضاعة المتكاملة 
 
نصيحتي يتخصص في نوع من السيارات او الماركات
مثال : يركز على قطع غيار النيسان .. او تويوتا.. فورد 
يعني لا يجمعها كلها ويضيعها كلها 

شوف انت انزل السوق وشوف وش اللي ينقص لابد اي سوق ينقصه شي اما يكون بقله موجوده او غير موجود عاد انت جيب هاللي مو متوفر
الموقع ايضا واللوحة حقت المحل تراها تعطي انطباع انا لما اشوف لوحة مزكرشة وفخمة مباشرة ادخل هههههههههههههههههههههههههههههههـ
لا جد والله .. كمان حاول انك اذا قربت تفتحه تخبر الشباب هنا اللي من الرياض متأكد انا انهم بيزحمون المحل الله يخليهم ههههههههههههههههـ
المهم (الموقع-المظهر-توفر السلعه-الاسعار) هذي المقومات والله يوفقك وتفتح وكالة يارب

مشروع ممتاز وحاليا اناشغال عليه خلال يومين ان شاءالله باخذ محل بس نخلص من جرده وافظل شي تتخصص تويوتا او القطع الكوري لان انتشارها كبير ومافي محلات تبيع خارج الوكاله ان افكر اني اتخصص في الكوري ان شاءالله واذا تبي ارقام موزعين في جده سعرهم ممتاز اعطيك ارقامهم وترى فيها خير واجد بس لازم تتابع السوق تشوف وش الي يمشي وتبعد عن الحاجات الي ماتمشي في محلات عندهم قطع بي 20سنه مامشت انتبه تاخذ أي شي

استعن بالله اول اولاً واكيد مااحددت نشاطك الا عندك معلومات عنه .. 1- الموقع يكون بالصناعية مهم
2- حدد نوع الماركة واحدة ففط ( تخصص) 3- برنامج محاسبي خاص بقطع الغيار حتى لو مسمار لزم يكون مجرود بالجهاز 3- جرد البضاعة على العامل
4- كميرات مراقبة بالمحل والمستودع على مدار24 ساعة تسجيل 5- متابعة الشغل اول بأول وتكون متواجد بنفسك واذا انت مشغول تفتح الكاميرات من جوالك وانت في بيتك وتتابع العمل 6- المنافسة الشريفه بالاسعار المعقولة والجودة العالية 7- سوف تلاقي حرب عليك من منافسيك المجاورين لكبالاسعار في البداية فقط
واذا استمريت بالجهد خلاص تصير واحد منهم وقد تتفوق عليهم 8- ترحيل المبالغ كل 5 ايام بالكثير للبنك وادخال ذلك في الجهاز ... يعني الريال خارج او داخل لازم يسجل بالجهاز 9- الملاحظات اللى تشوفها عن طريق الكاميرات ضمنها على فلاش واجمعها واذا جتك فرصة اجلس انت والعامل او العمال وشغل الفلاش وبين له الملاحظات بهدوء علشان يعدل وضعه ويعرف ان عينك على المحل 24 ساعة سواء انت موجود بنفسك او عن طريق جوالك او لابتوبك 10 - ازرع في العمال حرصك الشديد على حلالك وعلى نجاح مشروعك مهما كان الثمن وانك لاتسمح لأحد ان يهد بنيانك وشقى عمرك بأهماله اوالتعذر بالجهالة 11- انتبه .. يسأل الزبون عن قطعة من تخصص المحل وتقول مافيه . . وفر القطع اول باول

.. واسمح لي اقول لك أذا مافيه متابعة للمحل بشكل مباشر ويومي او شبه يومي اقول وفر فلوسك فالبنك احسن لك

هذا اللي قدرت افيدك فيه .. ولاتنسنا من صالح دعائك

اول شي وعليكم السلام ورحمة الله وبركاته 
حساب دخل محل قطع غيار يعتمد على جرد كل أخر سنه  ؟
ياغالي ممكن تدخل في اليوم ١٠٠٠٠ أو ٣٠ أو ٥٠ ألف ريال ولكن اخر السنة مصاريفك اكثر من دخلك وتطلع خسران
 انت عشان تحسب دخلك لازم تطلع تحسب مبيعاتك وتشوف قيمة رأس مال البضاعه الموجودة وكم مبيعاتك  ومصاريف المحل من ايجار وكهرباء وهاتف ورواتب الموظفين وغيرها 
والديون اللي لك واللي عليك والصافي منها هو الربح 
والحساب يكون بعمل جرد للمحل كل أخر سنة 
لابد من وجود محاسب في المحل لضبط للعمل أو برنامج محاسبة 

المشروع ناجح بكل ماتعنيه الكلمة بعد توفيق الله

 ايضاً لابد من توفر مقومات للنجاح  وأولها رأس المال القوي لأنك بتشتري قطع غيار بالجملة من الموردين وبعدها تقوم بالبيع
وحتى الشراء بالآجل من الموردين لك حد معين حسب الاتفاق وياهم عليه ولابد من توفر ضمان بنكي  والمده المسموح فيها بالكثير ٩٠ يوم وبعدها لابد من سداد كامل المبلغ المستحق في هذه الفترة ولا يتم اغلاق الحساب لحين السداد 
الموظفين الفاهمين الموظفين الفاهمين الله الله في هذه النقطة . يتميز باللباقة وسرعة الإنجاز والتصرف بسرعه في حال قطعه تكون ناقصه ماهو يقول للزبون مافيه وخلاص يكتفي باللبيع من الموجود وخلاص لأن فيه شي اسمه تعاون بين المحلات المجاوره يقدر يأمن القطعه من عندهم ويرجع بدالها اذا وصلت طلبيته أو يشتريها منه ويبيعها أهم شي مايقول للزبون والله مافيه لأنها تعطي انطباع سيء عن المحل   
يعني موظف عنده خلفية ودرايه في السوق والقطع اللي عليها طلب وماعليها طلب ماهو يطلب قطع وتجلس بالرفوف محد يدور عليها أو نادرة الاستهلاك 
الموظفين المتميزين والفاهمين يشكلون نسبة ٥٠ ٪ من نجاح المشروع 
لاتضغط عليهم ولا تتهاون وياهم وكل ماكانت نفسية العامل مرتاحه كل ماانتج اكثر 

خلي شغلك كله اكتروني عن طريق توفير برنامج لقطع الغيار للداخل والخارج من بيع ومشتروات للضبط وعدم حصول أي تلاعب لاسمح الله وتعرف وش لك وش عليك  وإفهام الموظفين أن البيع لايتم الا عن طريق جهاز الكمبيوتر وعدم التهاون في هذا الشي وتوضيح العواقب المترتبه على ذلك حال مخالفة التعليمات وذكر كل شي في عقد العمل وابتعد عن التعامل الورقي والأرشفه الورقيه
في حال انك ضبطت مشترواتك من التاجر المورد في جهازك بالمحل فأنت بإذن الله ماشي في الطريق الصحيح ويكون إدخال الكميات عن طريقك انت وفي حال عدم وجودك لابد أن تتحقق من جميع الكميات المدخله بجهازك في المحل مع الفواتير الورقية للتاجر اللي قمت بالشراء منه 
بعد كذا الكمية عندك ماراح تنقص الا عن طريق فاتورة بيع نقدي أو آجل وتتجنب حصول أي عجز بالكميات أثناء الجرد السنوي  
يعني مثلاً طلبت  عدد ١٠ أطقم فحمات فرامل بعت ٦ الباقي ٤ تدخل تشوف المستودع تحصل ٤ 
لاسمح الله حصلت ٣ هنا عندك مشكلة لابد من البحث عنها والتناقش فيها مع المسؤول عن المستودع  
وحتى لو لاسمح الله ان العامل قام ببيعها لحسابه الشخصي وتوفير بديل راح تكتشف الشي هذا بمجرد عمل تقرير عن القطعة وبيظهر لك أن الكمية في الجهاز صفر بموجب فواتير بيع بينما عندك في المستودع ١٠ 




توفير برنامج كتلوج لقطع الغيار وهذا مهم جداً في الوقت الحالي يسهل عملية استخراج أرقام القطع ومطابقتها للسيارة 
العميل اذا اعطيته قطعه خطاء او مثل بعض المحلات يقولك جيب القديم ضرب الباب ودور محل ثاني أغلب الزباين يشتري القطعة وبعدها يروح للورشة 




التخصص في مجال واحد لقطع الغيار مثل امريكي أو تويوتا او نيسان او هونداي او غيرها أهم شي المجال يكون واحد 




توفر القطع في المحل وهذه تعتمد على خبرة الموظف وسبق وذكرت لك يكون عنده خلفيه بالسوق وفي حال عدم توفر القطع يكون عنده خلفيه في أي مكان ثاني متوفره 




انت تشرف على المحل أو شخص ينوب عنك وتعيينه كمسؤول للمحل يكون متواجد دائماً  أمر مهم لانضباط الموظفين ويعطي انطباع جيد للموردين عنك مع تحديد نسبه معينه من الربح للموظف المسؤول عن المبيعات يخليه يشتغل براسه ورجوله ويحرك العمال وتتحرك المبيعات لأنه أيضاً بيستفيد 




ورشة صيانة تابعة للمحل ومهندسين فاهمين خطوه ناجحه لزيادة المبيعات                                      

السلام عليكم ورحمة الاه وبركاتو انا مستجد بمحل قطع غيار الى يعرف ارقام موردين يرسلها ولاهنتو 

ابي ارقام موزعين قطع غيلر

0507040171. في جده تجار جمله ابي ارقامهم

السلام عليكم 
بعد سنتين ونصف أشارك في هذا الموضوع
حتى نعرف آراء جديدة بعد هذه السنتين وما تخللها من ضرائب و رسوم