كفرات الوكالة هل هي افضل نوع

وعليكم السلام ورحمة الله ويركاته
بالنسبه لنا احنا المطفرين والله ما اغيرها حتى تصير ممسوحه
قاسيه كانت او غيره ما اعطيها اي اهتمام 

وانت بكيفك 
الخوف انك تخسر وتشتري جديد واطلع مثل كفرات الوكاله

بالنسبه لي ما انصحك تغيرها
وتقبل مروري .......

نسم الكفر الله يصلحك

اريح كفرات تويو ومن ثم كونينتال وميشلان

خله على كفراته برجستون ممتاز لاكن قاسي شوي 
نسم الكفرات شوي يعني يصير الكفر فيه 25 او 30 يصير ليييين 
والكفرات المريحه هانكوك ليييينه مره وخدومه وصناعته كوري 
لاكن انصحك ماتغير الكفرات اذا غيرته راح تحط عندك بل بيت وراح يخربن عليييك ومافيه 
اي فايده 

الكفرات أنواعها كثيرة ولها مواصفات كثيرة بعد

واللي يحدد نوع ومواصفات الكفرات هو نوعية استخدامك

ونصيحة لوجه الله لا تنسم الكفرات إذا انت راعي خطوط

لأن التنسيم يسبب حرارة للكفر وانفجار لا سمح الله

عسى الله يحفظ الجميع من كل شر ،،،

البرجسون......معروف بالقساوه لكن عمره يطول بإذن الله
الماشيلان.......معروف ممتاز في كل شي ما عدى البر
التويو.............معروف بالليونه الزايده...لكن عمره قصير بالكثير سنه ونص
دونلوب..........معروف ممتاز..لكن الوكيل اصبح يجيب نوعيةa..b
قودير............معروف ممتاز يتقارن مع دونلوب
فيرجستون........ممتاز لكن سعره مبالغ فيه احينا اغلى من الميشلان
هيرو.............افضل نوع صيني....بس ما جربته


لكن نصيحه افضل كفر جربته ميشلان
يكفيك ضمان مفتوح

أهم شئ ما تغيير لكفر أقل جودة من كفرات الوكالة.

هانكوك أو تويو أو غيرهم راح يخسرونك الكثير ... والسبب إن سيارة مثل سيارتك مليانه أنظمه وإلكترونيات والكفرات الأقل جوده راح تتسبب في تدخل

هذه الأنظمة مع كل إنزلاقة ولفّه ومطب الشي الذي سيؤدي إلى تلفيات في هذي التقنيات ...

وأنا ياما خسرت آلاف عشان أوفر ٥٠٠ ريال !!!!

الكفرات اليابانية و الكورية ممتازة و الجودة حول بعض 
الكفر جديد استهلك الكفر و غيره بعدين بالنوع اللي تحب 

إذا كفراتك جديدة تروح تبيعها تجيبلك سعر حلو تزود عليها شوي وخذلك كفرات لينة علشان ترتاح نفسيا وجسديا

انا اخذت مشلان والله الكفر قاسي وظرب علي مرتين مرة بي الخط وي مرة في الحارة ولا اعد اخذ منه
مع العلم ان الكفر الي اخذته امريكي وتاريخة جديد

غير الكفرات للدانلوب الياباني وليس تجميع اماراتي
اما بالنسبة للكفرات الي تجي من الوكالة
فالشركة تتعاقد مع شركات الكفرات لتركيبها باقل عرض
وليس للافضل

جزاكم الله خير ولاهنتم

وعليكم السلام ورحمة الله وبركاته

أخوي كل السيارات الجديدة يجي هواء الكفرات فيها عالي من المصن
صحيح كفر البرجستون فيه قساوة لكنه عملي جداً و مواصفاته ممتازة
نصيحتي لك نزل من هواء الكفرات ٣٠ / ٣٥ مناسب للمدينة
و للسفر و الخطوط الطويلة ٤٠ أو ٤٥ 

بعد ما تستهلكها بالعافية بدلها بكفرات هانكوك الأصلية من وكيلها ابن شيهون 
و راح تدعيلي إن شاء الله 

خلها زي ماهي
 
ونزل من هواء الكفرات شوي

القطعة اللي تحي في السيارة من بلدها افضل بكثير من اللي يبيعها الوكيل او الموزع
مثلا شريت لولدي هوندا سيفك غيرنا الطيس الى جنوط وركبنا عليها كفرات دنلوب جديدة ما كملت سنة وهي ممسحة رجعنا كفرات بلدها وثلاث سنوات وهي ما يحتاج

يا اخوان سؤال مهم هل تصغير الكفر عن كفر الوكاله يزيد من عزم السياره

بسم الله
ندلي بدلونا وشكرا للشباب على ردودهم وتعتبر تجارب وخبرات
بالنسبة للهواء في الكفر هو محدد من الشركة المصنعه من تويوتا وتلقاه مكتوب
اذا فتحت باب الراكب والسكويا مثل حقي استاندر وجنطها 18 الهواء يكون فيها 33بار
طبعا الشركة عارفه وزن السيارة والحمولة لذا حددت لك هذه الدرجة وهي ثابته في صيف او شتاء تقيد فيها.
ثانيا/ تغيير الكفرات ليس بالشرط نفس المصنع بل تقيد بنفس المواصفات حيث كل كفر له وزن يتحمل ودرجة حرارة و عرض وسماكه وغيره وهي ايضا مذكورة على نفس كفر الوكالة او تلقاها اذا فتحت الباب.
والشركات كثيرة اهم شيء نفس المواصفات.

وهذا رابط يشرح مواصفات الكفرات
https://m.youtube.com/watch?v=C-Uf_RaxoDE

https://m.youtube.com/watch?v=PIdXtr5c81k
وهذا رابط للهيئة السعودية للمواصفات