نصيحة بخصوص الصيانة الدورية تايوتا

ماتو اللي يسوون صيانه في الوكاله

فيه ناس مطبلين لصيانة الوكاله حسيت انهم منزلين من السماء
لابوهم لابوضمانهم نصابين ولاهي بس لحالها كل الوكالات الا من رحم ربي

شوف موضوعي منزله من زمان حق صيانة الوكلاء وشوف وش سوو معي !

اتا مافرقت معي يارجال عالظمان بس بترومين يغير زيت مع فلتر ب 160 وهنا ب 210 قلت اذا بيسون فعلا كل المكتوب بجدول صيانة العشرة الاف ف يستاهلون الخمسين
لاكن طلع عرض نصب الظاهر قالو حنا كذا مو مستفيدين واجد خلنا نغير زيت ونسلك السيارات

من يوم تركنا صيانة الوكالة وامورنا طيبة وفرنا فلوسنا ووقتنا والسيارة مافيها الا العافية
أذكر صيانة 10 الف سلمت السيارة للوكالة نهاية الدوام وقالوا بكره تستلمها

اليوم الثاني استلمت السيارة قلت للأردني وش سويتم بالظبط
قال غيرنا وشيكنا ومدري ايش
قلت له طيب بدلتم الكفرات ؟؟
قال لا عشان ماتسبب لك حذفة في الدركسون ههههه

أنا هنا عصبت وقلت له انت تستهبل والا تستغفلني اذا الكفرات سليمة كيف تسبب حذفة
الحين تبدلون الاطارات والا وديني للمدير

قال لا الشغلة بسيطة مو مستاهلة انك تزعل وغيروها

كل الوكالات كذا 

حدث شيء استغربت من التصرف الذي وجدته عندما ذهبت للصيانة الدورية لسيارتي لدى صيانة تويوتا

فبعد تسليم السيارة للشخص المسؤول وإعلامي إن كان هناك شيء ثمين داخل السيارة حتى آخذه معي ولا أبقيه خوفا من الضياع أو السرقة ، فأخبرته لا يوجد شيء ثمين .
وانتظرت في قاعة الانتظار حتى تنتهي أعمال الصيانة ، وعندما انتهت الأعمال المطلوبة أخبروني أن أذهب وأستلمها في المكان المحدد لها ، ولكن تفاجأت من عدة أمور أزعجتني.
أولها أنه كان موضوع بصندوق صغير في السيارة به قطع نقود – خردة – وقد أخذوها كلها ، ثانيا بعض من علب العلكة الصغيرة أخذوها كلها ، ثالثا بعض الأغراض التي وضعتها في الصندوق الأمامي قد بعثروها وألقوها على أرضية السيارة .
صحيح أن هذه الأمور ليست لها قيمة – عليهم بالعافية – ولكن مثل تلك الأمور البسيطة تجعل من الزبون يشمأز من هذه التصرفات لبعض الموظفين ،
فهذا يدعو للحز بالنفس بأن أبسط الأمور تؤثر ولو قليلا على السمعة

ي حبيبي اسحب والله انا جيب الوالد تويوتا 2004 ماذكر انه وداه للصيانة .. وانا سيارتي كانت كل ماصار لها شي اروح لمسؤول الصيانة في الوكالة واجيب له موكا هههههههههههههههههه
واقعد اسحب من الاحتمالات .. عاد مرات ينتبه الحيوان ومايطلع الكلمة الا بشق الانفس

الحمد لله سيارتي كامري ٢٠٠١ طلعتها وكالة بعد الخمسة الآف ماشافو وجهي خوف من العيوب المصنعية والحمد لله الآن السيارة ماشيه ٥٧٠ الف وتمام التمام فقط اتبع كتيب الصيانة والسيارة متماسكة واسافر عليها واشتراها ابوي لأخوي الصغير واتابع اول بأول الزيوت والحرارة واعلمه على كذا شغله وحمدلله الامور تمام  

والله غلطان اللي يسوي صيانات بالشركه هي الشغله تغيير زيت وتنفيخ فﻻتر سوها عند اقرب بنشري وانتهى
افضل من اسلمهم موتري والله العالم اني سمعت انهم يبدلون بعض القطع الداخليه
عشان تخرب وترجع لهم وماستبعد عليهم هالشي ﻻنه مره كان عندي فورشنر وتعطلت ازرار القزاز حق السائق وصلحوها
على الضمان يوم استلمتها بعد اسبوعين طلع مركبين لي واحد مستعمل وكلمة اوتو بالغصب تنشاف
من كثر اﻻستخدام

^
ما استبعد هالحركات منهم

انصح بالصيانه حقت خمسه الاف بعدها في آخر الكتلوج مكتوب 
بعد كم المفروض تغير زيت القير وزيت الفرامل وماء اللديتر وصفاية البنزين وفلاتر الهواء
وهذي كلها تصلحها بنفسك 
لان الوكاله احيانا يغيرون اشياء باقي فيها نص عمر وهذي من جيوبنا مع الاسف
ماهمهم
وآخر شي ترى يبغون يطفشون الناس من كثر الزحمه
شكرا لصاحب الموضوع