أضف سؤال أو موضوع جديد          

فلتر رياضي على كامري قراندي

up 5 down 3
mr959 430
قبل 8 سنه و شهر



السلام عليكم ورحمة الله وبركاته
عندي كامري قراندي ونويت اركب فلتر رياضي K&N
هل فيه عزم زيادة ؟
وانا سمعت يحتاج تنظيف مستمر كل اسبوع مدري المعلومة صحيح ولا لا ؟
طبعاً اللي بركبه مكان الشد بلد المربعي بدون انتيك







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الفلتر الرياضي نعم يفرق اذا كان الشغل مرتب وبأسس علمية

لانه يسمح بمرووور الهواء بكمية اكثر من الفلتر العادي

لكن عشان تحصل ع نتائج طيبة لازم تسوي برمجه جديدة عشان الكمبيوتر ما يعطي معلومات غلط ،، وما يكون دخـــول الهواء اكثر من دخــــــــــــــول البزين ،والا ع المدى البعيد القريب حيحصل خلل بالمكينة
وبخصوص التنظيف
المستمر طبعا لان الفلتر مساماته اكبر من العادي وهنا يكون تجميعه للغبار والاتربة اكثر وهذا سبب ان لازم يتنظف
وطريقة تنظيفة مــــــــــــا يكفي بالهواء ،، بطريقة التنقيع باستخدام شمبو خاص له




up 1 down 2
aziz..747.. 2421
قبل 8 سنه و شهر



من ناحيه العزم ايه وبيفرق معاك 

وأنصحك فيه لأني مركبه بالتاهو لي فتره 

وبالنسبه للنتظيف تنظفه كل 40 الف وله منظفات خاصه بخاخات واحد منظف ترشه بعدين تغسل الفلتر وتخليه ينشف والثاني بخاخ زيت تبخ عليه كامل وتركبه 

وفيه فديو 

وأي استفسار راسلني ع الخاص


up 2 down 0
hmada1213 2018
قبل 8 سنه و شهر



كويس بس وين احصله 


up 2 down 0
سكودر 14928
قبل 8 سنه و شهر



اخوي الفلتر هذا ممتاز وافضل من فلتر الوكالة وبراحه يمشيك 40 الف كيلو او 50 الف كيلو
على حسب اجواء المنطقة الي ساكن فيها وبعدين يحتاج تنظيف بعدة خاصه سعرها 60 ريال وبعض المحلات سعرهم 70 ريال..
تكفيك هالعدة مرتين او ثلاث .. يعني تقريبا التنظيفه ب20 ريال

التنظيف على حسب المنطقة لو كانت المنطقة جوها غبار كثيير ممكن يحتاج تنظيف كل 15 الف كيلو او اقل ..
ولو المنطقة جوها نظيف مره يمشيك حسب كلام الكاتلوج 80 الف كيلو

يزيد العزم لكن اذا موترك 170 حصان ما راح يعطيك 300 حصان هههه ..
يعني مثلا 5 احصنة شي ما يتلاحظ .. كن بتلاحظ بتحسن بصرفيه البنزين واستجابة السياره وعزمها بكون ممتاز..

انا ركبته على سيارتي كانت ماشيه 38 الف كيلو والآن ما شاء الله 80 الف كيلو والفلتر خلاص انسد ويبي له تنظيف ..

ولو بغيت تعرف شلون الفلتر مسدود ويحتاج تنظيف او لا.. فك الفلتر ووجهه للنور وراح تشوف فيه فتحات مرور الهواء ..
ولو ما شفت فتحات مرور الهواء معناه الفلتر مسدود وتحتاج تنظيف .. ممتاز مره انصح فيه الجميع خصوصا اللي سياراتهم فلتر الهواء سعره غالي ب200 وب180..


up 1 down 1
ammar-512 21
قبل 8 سنه و شهر



اهلين اخوي
سوالك.هل فيه عزم زيادة ...؟
-(يعطيك عزم غير ملحوظ)
سوالك.وانا سمعت يحتاج تنظيف مستمر كل اسبوع مدري المعلومة صحيح ولالا...؟
-(لا مو كل اسبوع تقريبا كل 50 الف في المنظفات حقتو الخاصه وكل تغير زيت تنظفو في مسدس الهواء)
والله يعطيك العافيه وشكرااا

طبعاً اللي بركبه مكان الشد بلد المربعي بدون انتيك


up 1 down 0
صديق المنتدى 367
قبل 8 سنه و شهر



يعطيكم العافية شباب على التفاعل وتستاهلون لايكات
وان شاء الله خلال هالشهر راح اركبه
واعطيكم تجربتي :)


up 1 down 1
mr959 430
قبل 8 سنه و شهر



ياشباب تكفون عطوني لايكات ابي اكتب مواضيع بس الموقع ادارته معقده بشروطهم


up 1 down 0
yousef511 -4
قبل 7 سنه