أضف سؤال أو موضوع جديد          

كيف اولف الكمبورسر لماطور هواء للكفر

up 4 down 1
عماد الحربي0555 229
قبل 7 سنه و 3 شهر



السلام عليكم ورحمة الله وبركاته 

ابغى اثبت ماطور هواء فالكبوت 
وماحصلت ماطور مناسب كلها صيني وتخرب ماعليها ضمان وماتعبي اكثر من ٣٠
وسمعت ان فيه ناس يولفو كمبورسر كرسيدا يخلوه ماطور للهواء ويتثبت فالكبوت 
واللي مجرب واللي عنده خبره هالطريقة يفدنا 
وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


عماد الحربي وانا اخوك كيف تولف كمبريسر كرسيدا ؟؟؟؟؟
انا اعطيك طريقه حلوه واسهل من حركتك ومضمونه والماطور 
ما راح يتعطل معك وأحسن من ماطور ابو جمل وانا اخوك الحركه
هذي مسويها بأحد سياراتي قبل ١٠ سنين وحتي اللي شرا سيارتي استغرب
من الفكره وانا اخوك تعرف البيوك القديم الليسابر والاكترا موديل الثمانينات 
مو يجي هيدرولك فك ماكينة الهيدرولك وركبها وتصير احسن ماطور وقوي بس لازم
تشوف لك لي لو تاخذ لي ماطور ابو جمل عطلان عندك وتحصل ماكينة الهيدرولك في
الكادليك القديم والاولدزموبيل ناين ايت وتحصله علي البيوك الامريكي البوكس تلقاه علي 
علي الرفرف الداخلي اليسار وانا اذكر اخذته من بيوك بوكس من التشليح وحتي العامل استغرب
قال وش تبي فيه لان اغلبية السيارات القديمه يلغون الهيدروليك ويركبون مساعدات أسي ديلكو عاديه
وأنصحك انك تسوي هالحركه وادعي لي بعدها .
الله يوفقك 
وتحياتي 


up 3 down 0
foxzx 1593
قبل 7 سنه و 3 شهر



اللي أعرفه ان كمبروسر الكرسيدا يولفونه على المرسيدس  خصوصا الموديلات القديمه , لأنه أفضل فالتبريد

إذا معاك جيب  وتحتاج كمبروسر هواء  قوي ويدوم معاك  خذ ماطور ARB  اللي يجي معاه خزانين هواء قيمته حول 3500 ريال 

او ماطور WARN   يجي منه نوع 2 سلندر قيمته مع الشحن حول ال4500. طبعا المواطير كلها من برا تجيبها لأنها غير متوفره

الأسعار غاليه نعم , لكن أعتبر معاك بنشري , حتى اللي فالبر يمكن يعتقدون انك بنشري ويطلبون مساعده ههههههه

الخيار الأخير : خذ كمبروسر هواء 10 لتر او أقل وشغله بمحول , يكلفك مابين 1000 الى 2000 ريال على حسب النوع .(مجرب)

نصيحه لا تولف على السياره اي شي نهائيا , لأنه قد يعطل عليك السياره في مكان مافيه احد خصوصا إذا انت راعي بر او يتلف عليك
اشياء فالسياره مكلفه .


up 2 down 0
Hatim 132
قبل 7 سنه و 2 شهر



اخوي صصاحب الرد الاول فكرتك حولة واشوفها حل بالنسبة لي لاكن مااعرف عنها شيء 
ياليت توضح اكثر وخصوصا عندنا فالغربية السيارات الامريكية القديمة ماتحصلها فالتشاليح 
يعني فيه بديل من الهدروليك البيوك 
وجزاك الله الف خير ويعطيك العافيه 

اخوي حاتم  اشوفها مكلفه بشكل كبير 
عشان كذا انا اسئل اللي مجرب وصار ماقد سمعتو بهالشيء وانت نصحتني اني ابعد التوايف اللي 
لذا الغيت الفكرة من راسي وجزاك الله خير ويعطيك العافيه 


up 1 down 0
عماد الحربي0555 229
قبل 7 سنه و 2 شهر



دور في التشاليح على كمبورسر هواء همر H2  من ٢٠٠٥ الى ٢٠٠٧ هو يجي على الهمر من بلاده نفس نظام اللى ذكره لك الاخ foxzx ولكن حق الهمر قوي وفيه طرمبتين هواء 
وشوف لك كهربائي ممتاز يوصل لك اسلاكه عشان ماتأثر على كهرباء السيارة


up 2 down 0
for speed 752
قبل 7 سنه و 2 شهر



يا اخوي عماد الحربي الفكره بكل اختصار وانا ابسهلها لك 
ماكينة الهيدرولك هي تراه منفاخ هواء ووظيفته انه يملي الهواء 
بمساعدات الهيدرولك بس هذي وظيفته يعني نفس منفاخ ابو جمل 
يملي الكفرات بالهواء وحق البيوك يملي المساعدات بالهواء يعني الوظيفه وحده 
للمنفاخين والطريقه سهله سهله ركز بكلامي 


(( منفاخ البيوك له سلكين تقدر تمد له أسلاك للبطاريه علشان يشتغل مباشره وفيه 
طريقه ثانيه توصله بكهرباء السياره مع سويتش له او دقمه ومخرج الهواء تمد لك لي 
طويل علشان يوصل الكفرات الاربع ويتثبت داخل الكبوت واذا احتجته نزلت اللي علي 
الكفر ومليته هواء ))

وبس هذا هي الطريقه عطني وقت خلني ابحث عنه بالمواقع الاجنبيه وأشوف علي اي سياره
يتواجد من السيارات الحديثه .



up 0 down 0
foxzx 1593
قبل 7 سنه و 2 شهر



فور سبيد بيض الله وجهك وانت ذكرت احد السيارات اللي فيها ماطور الهواء
انت فهمت الطريقه بكل سهوله ما شاء الله عليك 
تحياتي لك 


up 0 down 0
foxzx 1593
قبل 7 سنه و 2 شهر