محذوف الموضوع

بالنسبه لأعلان ماشوف فيهه اي فوتشوب؟؟

ما اقصد هذا الاعلان قصدي اعلانات ثانيه اذا لقيتها بحط الروابط :)

تدري وش المشكله يالغالي ان فيه بعضهم يطقطق مهب شاري قصده الشراي يتصل ويستفسر ويجي يفحص التعليقات بعض الاحيان يااما طقطقه اوتخريب بيعه يجيك واحد ينزل اعلان سيارته بااعلانك اذا انت جاد اتصل على صاحب السياره وخذ منه العلم كله جازت لك الله يبارك لك ماجازت لك الله يرزقك باللي احسن منها 

تدري ليش مثل هالناس يلغي خاصية الردود لانه عارف محد بيتصل على جواله او بيتواصل معه شخصيا الا واحد صامل ومعه دراهمه ويبي الموتر وبيني وبينك ما الومهم اللي في موقع حراج 70% منهم مايشترون من السيارات هاذي كلها سياراة سيدان او جيوب او جمس عادية جدا فهو وش الله حاده يفتح خاصية الردود وهو مبين لك كل شي في الموتر من مواصفات وصور وكل شي اذا انت مقتنع كلمه وتواصل معه واشتر لكن ان فتحها بيجونك البثرين حقين حراج كم عليها كم وصل السوم وهو مهوب شاري ولا شي الجاد ياحبيبي يرفع السماعة ويعرف الموتر وش فيه وش مافيه ان جازه له واتفقوا على السعر يقابل الرجال ولا الله يستر عليه لكن مع احترامي اللي يجلس يسولف في الشات ما اعتبره صامل ولا انظر لسومته لانه لو يبي الموتر دق على الرجال وقابله وعطاه الدراهم وشراء قبل مايروح منه الموتر لكن اغلبهم راعين سواليف وشريطية يستغلون الناس ويبخسون سلعهم ويقولك ما ادري عن اسعارها ... واذا على قولتك نفس صاحب الموتر عرضه للبيع واتصلت عليه مهب يرد او حتى حاط ارقام مهيب له تقدر ترفع شكوى للادارة هي فاتحها بابها ... اسف على الاطالة تقبلوا مروري

عندي عضويه أبيع واشتري فيها , طبعا مشتركه بيننا , ودفعنا فيها عمولات , ومنع خاصية الردود ممتازه جدا , لاني اكتب كل شيء عن السلعه اللي ابغاه ابيعها , فيكون الاعلان كامل والكامل الله سبحانه , واحط السعر من النهايه , يعني بس دق واتفق معي على الوقت ومكان التسليم  , واقفل الردود لاني ذكرت كل شيء بالاعلان والجاد بيتصل علي ما عليك , اغلب اللي يكلموك بالموقع ماهم جادين , اللي يتصل عليك هو اللي جاد , والردود احيانا لا خليتها يبخسون ام السلعه وانا حاط السعر من النهايه عشان اريحهم من السوم واريحهم واعطيهم سعري الاخير
والحمد لله ابشرك , طريقه ناجحه :)

لكن بخصوص الاطفال اللي يطقطقون على الموقع , الله يعيننا عليهم 

خاصة الغاء الردود لها سلبيات صراحه و تخرب على بعض الغشاشين 
انا مره نزلت اعلان وحطيت رقمي وما دريت الا ويجيني واحد في الواتس اب يبي انزل له اعلان عشان عندي خاصية منع الردود 
عطاني اﻻعلان ما شفت فيه شيء كان يبيع استكرات جوال بالجمله لكن شكيت في وضعه لانه مصرر على الغاء الردود 
رحت بحثت عن الاستكرات الي يبيعها قبل انزل الاعلان و تفاجأة لما عرفت انه يبيع الجمله بسعر المفرق 
يعني يبيع 200 حبه ب 2000 ريال وهي في السوق الحبه ب 10 
وكاتب في اعلانه انها تنباع ب 30 ريال الحبه !!!
وهو عارف لو فتح خاصية الردود رح يفضحونه الاعضاء وما بيقدر يبيع

خاصيه الغاء الردود ممتازه وتبعد عنك الناس البثره والي تخرب الاعلان واغلبهم غير جاد كد عرضت سيارتي وواحد سامها سومه ووافقت له ودقيت عليه طلع غير جاد بس بيعلقني الله يعلقه وماكان عندي خاصية المنع او الحذف فكل من شاف سومته حط رجله

الاعلان اللي حاطه ما اشوف فيه اي مشكلة 

انت ليش حارق رزك؟

اعلان عاادي ما اشوف في شئ 

فلوسك معك وموتره معه منت مجبور تشتري ، بيحصل من يشتري الموتر