اريد السفر إلى صلالة عمان بسيارتي كامري 4 سلندر من الدمام ؟

بتروح صلاله لازم سياره دفع رباعي 4x4 ولا يفوتك نص عمرك

بيفيذك الاخ / شاقح .. ولاهان الباقين .

لأنه هو العضو الي طرح موضوع عن صلاله وخصمو نقاطه .

وقتها كان مسافر بالفورد حقه ونزل صور ممتعه لصلاله .. الله يجزاه خير .

وتروح وترجع بالسلامه يا أخوي .

هذا الطريق وخلك طول الطريق على تطبيق الجوال حق خرايط قوقل لين توصل

http://goo.gl/66tQmU

فيه  واحد اسمه شاقح  بن مشقوح اساله  خبره في سفر لعمان  ماشاء اللله عليييييييييييه 

صيحه روح بموتر 8 سلندر افضل في التحمل في السفر

اخووي اهم شي 

1 - 4×4

2- 6 سرندل وفوق  يفضل 

3 - قيير عادي 

الله يوفقك .. ويسسهل دربك 

وتوصل بالسﻻمه..♡♡ 

الله يهنيك ويوديك بالسلامه



جنتة الله في الارض صلاله طبيعه ولا اروع

يعني ماينفع تروح صلالة بسيارة سيدان اربع سرندل قير اوتوماتيك ؟

اعتبر نفسك رايح لجنوب المملكه , يعني لازم سياره تكون قويه شوي , بس ترا ناس كثير يقربولي معهم كوامري 2002 و 2001 ويقولون ممتازه جدا وما منها خوف في الطلوع والنزول واذا نويت تدخل فيها جلد او تراب , فإذا الكامري حقك 2002 وتحت فما فيه خوف ان شاء الله

بعطيك العلم عن تجربه وكل شي بالتفصيل ولاتسوي مثل السعوديين يروحون صلاله ويرجعون هههههههههههههههه

اول شي موسم صلاله والخضار يبداء من رمضان الى بعد رمضان بشهر ونص
قبل رمضان توها تخضر يعني ماتستفيد شي من الخضار
مع رمضان بتروح تشوف الخضار كله لكن ضباب ويكثر البعوض عند الانهار والاوديه ولازم تحط كريم على الجسم
وهذي انا تقرص فيها جسمي لين طلع الدم 
وقت رمضان بعض الاماكن ضباب ماتشوف شي

الجو ماهو بارد ولاحار حتى وقت الضباب 
الاحتفالات والمهرجانات تكون نهاية رمضان لذلك انا انصح تمشي اخر رمضان عشان تلحق العيد هناك والاحتفالات الشعبيه

ومنها نهاية رمضان يروح الضباب تطلع الشمس وتقدر تستمتع بالطبيعه الخضراء وتفتك من البعوض القارص

السعوديين يروحون عن طريق الامارات العين الى صلاله  !!!!
طيب فيه اماكن ثانيه تراثيه واثريه واوديه تاركها ورايح لصلاله بس !

بشرح لك عن الطريق بعدين الافضل
السياره تقدر تروح باكسنت ماعندك مشكله تمشي تقريبا في 80 بالمئه من عمان كلها لانه مثل الشفا فالطايف طرق ممهده

لكن هناك اماكن ماتقدر تنزل فيها الا بجيب ويمنعوك تدخل باي سياره الا بالجيب فقط
وهذي الاماكن ماتلقى فيها سعوديين لان مايعرفها الا اهلها وتلقى فيها غربيين كثيرين جايين سياحه

^^
هذي الحاله تحتاج جيوب اما اذا ماتتعمق كثير فتكيفك اي سياره تروح فيها وترى البنزين غالي الفورد اعبيه فل ب102 تقريبا ويخلص بسرعه !!

يعني الكامري بتريح فالبنزين اقتصاديه

بالنسبه للطريق واللي ماراح تشوف معاه اي سعودي هههههههههههههه او خليجي وهو الافضل
تخش الامارات وتروح على كئنك رايح دبي ابو ظبي دعمر سيييييييييده
بيجيك لوحه مكتوب ( شيهانه )
روح سييييييييييييده لحد مايجيك لوحه كبير مكتوب (  حتا )
روح معها
اول ماتدخل مع هاللوحه خلاص بتلقى قدامك لوحات تقولك ( الى عمان ) لحد ماتدخل عمان هههههههه ماراح تضيع ابد
توصل لنقطة الحدود ( الوجاجه )

هناك مركز كبير
خذلك شريحه او شريحتين مثل ماتبي رقم عماني ارخص المكالمات لك
أمن على السياره ( تأمين شامل ) مهم جدا
الطريق قدامك طويل جدا وخطيييييييير اخطر من الهدا 

الطرق في عمان خطيره جدا رغم انها نظيفه جدا لاحفر ولامطبات لكن ضيقه وصغيره وكلها تحويلات  ودوارات وانتبه

بعد ماتدخل تروح لشناص  خلك مع اللوحات يجيك دوار يقولك يمين ماتضيع
تمشي سيده يجيك اول دورا ادخله معاه يمين في يمين
تلقى على يسارك تحويل عملات 
ولاتحول فلوسك فالسعوديه او في الامارات
خذها كاش سعودي وحولها في عمان لان يطلع لك فيها زياده هههههههههههه

تقريبا 1000 ريال  سعودي تطلع لك 105 ريال عماني   يعني 1050 ريال سعودي
الريال العماني ب10 ريال سعودي
والريال العماني يشتريلك 10 علب مويه

حبيت ابسطها لك
يعني 100 ريل عماني = 1000 ريال سعودي 

كمل طريقك عاد تمشي بتلقى على يمينك شقق مفروشه ايجاراتهم نفس ايجاراتنا مافيها غلاء وكاسر معاهم 
تريح في شناص
وتروح تشوف حصن شناص التاريخي
اليوم الثاني تروح ( لقلعة فزخ ) 
وبعدها تروح لولاية الرستاق ( عين كسفه ) كبييييره وحاااره لازم تتسبح فيها المنقطه كلهم اباظيه لكن طيبين وفعمنا بشكل عام
مايتدخلون في بعض سني شيعي اباظي كل واحد ينشغل في نفسه ماتلقى بينهم مشاكل 

بعدها تروح لشاطئ السوادي
وهناك فيه جبال في وسط البحر كبيره وفوقها حصن كبير مبنيه من عهد الرتقاليين اتوقع قد نزلة صورها ماتقدر تروح الا بزورق
ب50 ريال سعودي يوصلك يعني 5 ريال عماني
بعدها تروح لولاية صحار
وهناك شارع اسمه ( شارع الحب ) على البحر يجي فيه استعراض سيارات وفيه مطعم فخم

بعدها تروح لوادي بني خالد
وهذا بتشوف فيه العجب العجاب غير الكهف الموجود فيها

بعدها تروح مسقط
عندك سوق مطرح شعبي ممتاز مره وتاخذلك لفه في مسقط مدينه حلوه جبال وبيوت وحولها البحر وتشوف سفينة قابوس هههههه

بعدها تروح ( ولاية نزوى )
هناك بتشوف سوق كبير اسمه سوق نزوى راح تشوف اشياء ماعمرك شفتها تراثي شعبي طبعا نفس الحكايه مابتلقى خليجيين كلهم عمانيي وغربيين

هناك الجبل الاخضر لكن ماتقدر تدخله الا بجيب هو مسفلت لكن منحدراته العن من الهدا وضيق 

كذا نكون خلصنا جولتنا من عمان باختصار ترا باقي اماكن كثيره ناسيها واماكن لازم جيب بس انا كتبتلك الاماكن اللي تروح لها بسيارتك عادي

الان تتوجه لصلاله تراها جنب اليمن مشوار طويل شوي
الخط سابقا كان خط واحد ومكسر والمنطقه كلها صحراء لحد ماتوصل صلاله
نسبه كبيره من الطريق الان مسوين فيه سفلته لذلك اذا كنت متوجه لصلاله
لاتمشي الا فالنهار الطررريق خطير وتحت الصيانه كله صحراء

البنزين لاتخليه ينزل عن النص كل شوي عب لاتسوي مثلي المره الاولى وتوقف فالخلاء

عاد بعد دخولك لصلاله سبحان الله

اول ماتخشها الدنيا تنقلب من صحراء حر الى ضباب خضراء اوديه امطار 
صلاله عباره عن مدينه كبيره فيها اماكن سياحيه كثيييييييييييييييييييييييييييييييييييييييييييييييييره
80 بالمئه من الاماكن في صلاله تقدر تروحلها باكسنت
ومايتعمق في الباقي الا اصحب الجيوب
اصلا راح تشوف سيارات قديمه مثل كورولا كامري قديمه تيرسل كلهم عمانيين هناك يصيفون

واهم شي ( اسواق الحافه ) ومتحف الحافه لاتفوتك

انصحك تاخذ جيبي اس وتسج الاماكان االلي قلتلك عليها وتروح لها
وانصحك لاتمشي الا فالنهار ابداء

منها تشوف الطرق وتنتبه لان الطرق ضيقه مو مثلنا 4 مسارات و500 كيلو فاضي الطريق
منها تشوف الدنيا وتقدر تتمشى

وقريب المغرب حاول توقف تريح ومن بعد الفجر حرررك
خل نظامك كذا

الشعب بشكل عام طيب وحبوب وتحس انهم على نياتهم ونظاميين في كل شي

الايجارات في صلاله والله انها غاليه شوي
لاتسكن في فنادق لانها غاليه وفيها كل شي خليطي ماتنفع نهائيا

خل نظام شقق مفروشه
بالنسبه لصلاله راح تتعب في البحث عن شقق من الزحمه 

قبل ماتمشي غير الزيت وشيك على لاسياره
خذ معك علبة زيت وماء احتياط للاديتر والمكينه واشتراك

ولاتمشي الا فالنهار لانك جديد والطرق خطيره لكن ماهي مكسره
ماعدا الطريق الى صلاله عليه صيانه

اما مسقط وباقي الاماكان الطرق نظيفه

المقطع اللي حطيته هذي اسمه وادي دربات في صلاله تقدر تروحله بسيارتك عادي
وابعد عن الفنادق وخلك على الشقق ارخص لك

وقت صلاله من رمضان ضباب وبعد رمضان يخف الضباب وتطلع الشمس والطبيعه والخضار
لذلك انصح تكون اول يوم فالعيد في صلاله

الله يجزاكم خير ويرحم والديكم ياجماعة الخير
واخص بالكلام اﻻخ شاقح
واذا فيه امكانية ترسل لي تلفونك على الخاص ياشاقح

^^
اعذرني تلفوني مقدر ارسله لك لانه قديم ابو كشاف

لكن ممكن ارسلك رقمي 

هههههههههههههههههههه

يو هاف مسج ان ذا خاص

اجازتك 4 ايام ما تكفي يوم رايح ويوم جاي ويومين في صلالة انا من رأي انك تأجلها للصيف احسن وخذ لك اجازة طويلة شوي وغير كفرات موترك وشيك عليه وتوكل على الله

السلام عليكم
عادي سياره دفع امامي تروح او ٤ سلندر
بس يالغالي ابد ابد الحين مو وقته ولافيها خضره ابد
اذا بغيت تروح لها من شهر ٨ ميلادي احلا
الموسم الخريف يبداء من ٦/٢١ الى ٩/٢١ ميلادي من كل سنه
واذا بغيت اي شي او اي استفسار اسالني بالخاص وابشر بالي تبيه بخصوص صلاله
ولاتسافر الحين ابد ابد ابد مانصحك. وتحياتي لگ..

الله يعطيكم العافية ياشباب اشهد بالله ماقصرتوا
ابأجل فكرة السفر حتى شهر رمضان حتى افكر وارتب الوضع

توي انتبه ل4 ايام اجازه ؟
لازم تاخذ اسبوعين اجازه وتجلس في عمان اسبوع الوضع مطول ترا 

اخوي الوقت 4 ايام قليل ما تقدر تروح الإمارات فيها فما بالك صلالة . المشوار انا حسبتها 2200 كيلو من الجبيل .



البنزين بعمان دبل السعودية بالضبط لنوع 95 . المشوار متعب وتحتاج يوميين بالطريق . من الدمام دق سلف لأبوظبي او العين وريح فيها يوم .بعدها اخرج من منفذ مزيد واخوانا الإماراتيين ما يسوون خروج تمشي على طول يشوفون اللوحة سعودية تعدي عادي بعد ما تدخل الحدود العمانية وقف على اليسار وسوي تامين للسيارة 100 ريال تقريبا حق 10 ايام . تمشي 200 كيلو الخط مساريين ولا اروع . بعدها تمشي حول الف كيلو الخط اسوا من السئ ما تقدر تمشي اكثر من 100 والتحويلات كثيرة والطرق البديلة جدا سيئة هبوط وارتفاع ما تقدر تسرع اكثر من 60 . المحطات مو كثيرة بس لا يقل التانكي على النص نصيحة عب على طول . الخط كئيب وصحراوي ممل الى قبل صلالة ب 5 كيلو . بعد ما تطلع الجبل تشوف جنة الله في ارضه والأجواء روعة جدا جدا ضباب ورذاذ ما يوقف . السيارة الصغيرة تقدر تروح كل مكان عادي جدا سيارتي اللي رحت فيها مازدا 6 . الشقق متوفرة بمنطقة السعادة بالغالب الفنادق على الشاطئ واسعارها ناااار سكنت بفندق على البحر الليلة ب 650 ريال بس يستاهل الإطلالة ز البحر هائج جدا وممنوع السباحة . اسعار الأكل رخيصة . تعاملهم كاننا بالسعودية البقالة مثلا او المطعم تدق هرن ويجيك العامل لعندك وتطلب اللي تبي يجيبه لك
. الجواء كانك بشرق اسيا من طبيعة ومناظر .اهلهم جدا طيبيين وما تلاقي منهم الى كل خير . نصيحة لا روح صلالة الي بعد العيد وحط اجازة اقل شي اسبوعيين . افضل واروع وقت لصلالة بعد عيد الفطر . اي استفسار انا حاضر يالطيب ورحلة سعيدة

الناموس بيذبحك . لا بخاخ ولا كريمات ما تنفع البس اكمام طويلة ولا تخلي السيارة مفتوح الشبابيك لأنهم يدخلون بالسيارة وما تسلم من اللسع ( تنتبه للطريق ولا تنتبه للناموس ) . الأماكن الطينية انتبه منها لا تروح لها بسيارتك تزلق بالسيارة ولا تقدر تتحطم فيها . الجبل جدا رائع بالضباب والخضرة . الشاطي روعته بالأمواج والهوا بس رطب . مدينة صلالة صغيرة فيها 3 شوارع رئيسية شرق غرب و شارعيين رئيسية شمال جنوب . والمطار بوسط المدينة تقريبا . فيها مول واحد افتتح العام وفيه سينما وفندق . وفي لولو هايبر ماركت كبير جدا يقع بشارع المطار وجنبه شقق سكنية . المطاعم بصلالة اغلبها شعبية بس اكلهم ماشاء الله تبارك الله لذيذ وما تشبع منه وعليك بالبحري اذا انت من عشاق الأكل البحري . لا تنسي اللبان كهدايا لأنهم مشهوريين باللبان والحلاوة العمانية .بالتوفيق