الله يجعلنا وأياكم من أهلها

السلام عليكم ورحمة الله وبركاته /
مساكم الله بالخير جميعا حبايبي
أنا آسف آسف جدا جدا على تأخري في طرح الموضوع كما وعدتكم لكن واجهت ظروف أسريه(لاتخافون ماني متزوج الأخ الكبير بس) والحمد لله خلصنا
المهم المهم نبدأ بالموضوع وبجديه وأتمنى من إدارة الموقع الموقرة حفظها الله ورعاها عدم حذف الموضوع لأهميته أكثر من السيارات والدنيا كلها .
بسم الله :-
مع الملهيات والدنيا والفتن الي عايشين فيها والضائقات النفسيه والماديه والمعنويه كثير من الناس يطالع في فلان وفي علان مع فلوس الرجال بطران ياحظه ليش أنا مطفر ليش هالديون والهموم ليش وليش وليش....
ويقعد يتذمر وهذا غلط !!!هذا قضاء الله وقدره ولازم تصبر على الإبتلاء والأختبار عشان الله يرى مدى قوة صبرك على الإبتلاء ، إذا صبرت وأحتسبت عوضك الله على صبرك وتحملك على المصائب ، رفع منزلتك ورضي عنك وأحبك ،والله عليم حكيم سبحانه .
لكن وش الي يخليك تصبر وتحتسب ؟؟؟
تذكر أن الدنيا زااايله وفانيه وأنها مثل المحطة في طريق السفر :) هل بتجلس بالمحطه وتعيش فيها وتنام وتستقر فيها ؟؟؟؟ولا بتاخذ الزاد منها مثل الوقود والطعام وتواصل طريقك نحو المدينة التي تريدها ؟
أعتبر الدنيا المحطه لك
والطعام والوقوع أعتبرها هي الأعمال الصالحة
والمدينة التي تخطط الوصول لها هي الجنة جعلنا وأياكم من أهلها .
لايغرك غنى فلان وعلان تراه بيموت ويتركها والله ماتنفعه في قبرك هالأموال والسيارات والبيوت كلها للورثة
هو بياخذ شي واحد بس
أعلمك وشو ؟؟؟(عمله)فقط فقط الله يحسن للجميع الخاتمة الحسنة .
روح شوف الصور تحت وبعدين أرجع كمل القراءة حبيبي الغالي ~

وش رايكم في هالمناظر تحت ؟؟؟ حلوه ؟؟؟هل أرتحت أول ماشفتها ؟؟تراها في الدنيا بس
:-(
طيب كيف في الجنة ؟؟؟؟بتكون أحلى بكثيييييييييييير وأجمل صح ياحبيبي ؟
خلاص طيب ليش بعض الناس يتكاسل عن الصلوات خاصتا الفجر؟؟؟
تدري من صلى البردين دخل الجنه !!!! وش رايك ؟؟شفت أننا غافلين وهمنا القروش والدنيا الي أغوتنا عن الشي الأساسي الي خلقنا الله من أجله (وماخلقت الجن والإنس إلا ليعبدون)
طيب تبي الرزق
أسمع الأيه الكريمة (وأمر أهلك بالصلاة واصطبر عليها لانسألك رزقنا نحن نرزقك والعاقبة للمتقين) آخر صفحة من سورة طه
أنت أعبد الله والله بيرزقك .
شوفو هالرابط لازم لأنه تكمله للموضوع

http://www.youtube.com/watch?v=OlbC_BQCQoM&feature=youtube_gdata_player