بخس السلعة محرم وإعطاء سلعتك فوق حدها ماحكمه

البخس محرم .. لكن تحد شي فوق قيمته عادي .. ممكن يدخل في مجال الترزق وودك تكسب والتجاره مكسب وخساره ... مثثلا سياره مافيها عيوب او فيها عيوب ووضحت كل عيوبها وعطيت الي بيشتري سعر مرتفع وهو رضى خلاص عادي 

^^

الناس ماهي دلوخ تحد عليها بسعر زود عن السوق ب 20 او 30 الف

بس؟؟
وش رايك بالي طالب ب 2004 190 لان ممشاه 140 .!!!!!!!!

عفوا 40 الف وليس 140

^ لكن ان جاك دلخ او كاش  ماهمه الفرق ؟ المشكلة اي احد مننا يشتري شي يدري انه غالي وفرق عن سعر مشتراه لكن محتاج سواء سياره او منتجات او الخ .. 

فعلا في ناس تخرب البيعه 

شوف الكامري هذي بكم
http://haraj.com.sa/113848210

عن أبي سعيد الخدري :
أن يهوديا قدم ـ زمن النبي صلى الله عليه و سلم ـ بثلاثين حمل شعير وتمر فَسَعَّر مُدًّا بمد النبي صلى الله عليه و سلم وليس في الناس يومئذ طعامٌ غَيْرُهُ وكان قد أصاب الناس قبل ذلك جوع لا يجدون فيه طعاماً فأتى النبي صلى الله عليه و سلم الناس يشكون إليه غلاء السعر فصعد المنبر فحمد الله وأثنى عليه ثم قال :
( لا أَلْقَيَنَّ الله من قبلِ أن أُعْطِيَ أحداً من مال أحدٍ من غير طيب نفس إنما البيع عن تراضٍ ولكن في بيوعكم خصالاً أَذْكُرُها لكم : لا تَضَاغَنُوا ولا تناجشوا ولا تحاسدوا ولا يسوم الرجل على سوم أخيه ولايبيعن حاضر لباد والبيع عن تراض وكونوا ـ عباد الله ـ إخواناً )صححه الشيخ الألباني رحمه الله.

أحسنوا الظن يا اخوان و اعفوا عفا الله عنا وعنكم , فأحيانا صاحب السلعه قد يكون مضطر لمبلغ ما , وأحيانا الشاري لا يعلم قيمة السيارة بالظبط , والسيارات من أكثر المنتجات التي تخسر من قيمتها في هذه الأيام و من الصعب تحديد سعر لها يتفق الجميع به, نظرا لاختلاف مواصفاتها حالتها والسوق نفسه .

كل واحد حر يحد بالي يبي مالك دخل فيه اساسا كثرة العينات ذي في المنتدى اول ماينزل واحد موضوع يكسرون قيمة سلعته والي يقول بع بالسومة ذي ولاتسوى
حراج كله شريطية 

انا امشي بمقوله حب لاخيك ماتحبه لنفسك وكلي سعد لما اشوف غيري يطبقها علي وعليه

المساله ماهي مساله بخس ورفع حد بيع لبعض السيارات
على سبيل المثال انك اشتريت سيارتك ب 80 الف موديل 2010 ومامشيت فيها الا تقريبا 50 الف كيلو
وخاليه من اي مشاكل واي اعطال واي حوادث ومهتم في سيارتك

مستحيل تبيعها ب 30 الف و 35

لان الشخص الي يبحث عن سيارة همه الاول ان تكون السيارة نظيفه واستخدام شخص واحد ويفضل استخدامه وكاله
وهالشي ماينكره احد

ولو كان كل من يصايح بالغلا والرفع وعنده سيارة ينطبق عليها معنى النظافة والممشى القليل وخاليه من العذاريب

والله انه مايبيعها لك باقل من حقها لو تحب كوعك

خلوكم عقلانيين شوي من ناحيه ان السيارات سواء قديمه او حديثه ومحافظ عليها تنباع مثلها مثل سيارات المكرفون
انصفوا اخوانكم بحقهم ولا تطيرون ببلبله الشريطيه

وبين البائع والمشتري يفتح الله

كلن عقله في راسه ويعرف خلاصه وانا مع احترامي لاي واحد يشتري تويوتا مستعمل اعتبره ملعوب عليه وحتى الجديد لان الموتر مهب هاذا حقه اقل من كذا بكثير لكن الناس عندها مفهوم تويوتا ولكزز شيك مصدق في مخباك اشتريه وبعد 5 سنوات ابيعه مايطيح الا 20 الف وللاسف لين الحين فيه ناس جاهله وغبيه تشتري منهم يعني بالله موتر قام له 5 سنوات وكاده وفيه رش وفيه تشهيبه في الوجهيه وماشي فوق 100 الف اشتريه بفرق عشرين عن الوكالة سواليف مثلن اللكزز ال 2009 وطقته ES شف كم اسعاره في السوق مع احترامي لملاك اللكزز طاق ال 80 وال 90 بعد انا اشوف انه مايتعدا ال 80 اولا حنا في 2014 وثانيا انه ابو كلب داخلي وخارجي وكان سعره رخيص ليش طيب كذا ... لكن المثل يقول ان حبتك عيني ماظلمك الدهر ولا فيه مواتر فخامة وسعرها بين متناول الايدي وعملية لكن تنبخس في البيع والسبة الناس مهب راغبينها